*ဘူဘူးသတိပေးချက်
ချစ်စဖွယ်လေးကဗြောင်ဖေဖေရဲ့အချောဆွဲထားခြင်းခံရတာကြောင့် ချန်းယောလ်မှာ အလုပ်တွေပြီးရင် 'ရှီအန်း´ စံအိမ်ကိုပဲပြန်နေဖြစ်တာ 1ပတ်ပင်ပြည့်လေပြီ။
"ဟိုင်း ဥက္ကဌ"
ထမင်းစားခန်းထဲမှာရှိနေတဲ့ဟယ်ဘင်းက
ချန်းယောလ်ပြန်လာတာမြင်တော့ ပေါ့ပေါ့ပါးပါးပဲနှုတ်ဆက်လာတယ်။
"အခုတလော အိမ်ကိုပြန်လာရတာသဘောကျနေတယ်နဲ့တူတယ်။ ဒိတ်တွေဘာတွေမလုပ်ဘူးလား"
"အချိန်မရှိဘူး"
အိမ်တော်ထိန်းထည့်ပေးလာတဲ့သောက်ရေတစ်ခွက်ကိုသောက်ပြီး လှည့်အထွက်မှာပဲ ဟယ်ဘင်းလက်ထဲက တစ်စုံတစ်ရာကချန်းယောလ်ရဲ့အကြည့်တွေကိုဖမ်းစားသွားတယ်။
"ဒီဟာကဘယ် brand ကထုတ်တာလဲ"
"အာ ဒါလား"
ဟယ်ဘင်းက သေသေသပ်သပ်လုပ်ထားတဲ့ တစ်နည်း ချန်းယောလ်ရုံးခန်းထဲကဘူးလေးနဲ့တူတဲ့ ဘူးလေးကိုရှေ့တိုးပေးလာတယ်။
"မာမီ့ရဲ့ထုတ်ကုန်လေ 'The H´ က ဟာ။ ပစ္စည်းမိတ်ဆက်မလုပ်သေးပေမယ့် စစ်ဆေးမှုတွေအကုန်ပြီးသွားပြီ။ အရသာစမ်းကြည့်ဖို့ယူလာခဲ့တာ ဥက္ကဌတော့သုံးဆောင်လို့ရမယ်မထင်ဘူး"
"ဘာလို့လဲ"
"ဒီတစ်ခုက မြေပဲထောပတ်အရသာလေ။ အရသာ 6မျိုးရှိတယ်လို့တော့ပြောတယ် နောက်တစ်ခါပို့ခိုင်းလိုက်မယ်"
"ကျေးဇူး"
ချန်းယောလ်လှည့်ထွက်လာပြီးတဲ့နောက်မှာ အတွင်းရေးမှူးစီကိုဖုန်းခေါ်ရင်း အခန်းထဲလျှောက်ဝင်လို့သွားတယ်။
"လွန်ခဲ့တဲ့နှစ်ပတ်အတွင်း ငါ့စီကိုပို့လာတဲ့လက်ဆောင်ပစ္စည်းစာရင်းလိုချင်တယ်"
ပုံမှန်အားဖြင့် လက်ဆောင်တွေကိုစီမံတာက အတွင်းရေးမှူးရဲ့အလုပ်ပင်။လုပ်ငန်းကြီးဖြစ်တာကြောင့် ပေးပို့လာတဲ့ပစ္စည်းနဲ့အမည်စာရင်းကိုသေချာမှတ်ထားသလို ဥက္ကဌကလည်းဒီကိစ္စကိုအထူးတလည်လုပ်မနေ။ ဥက္ကဌအတွက်အသုံးလိုမယ်ထင်တာတွေကိုရွေးထုတ်ပြီး ကျန်တာကတော့ အတွင်းရေးမှူးစီမံခန့်ခွဲရတာပင်။
YOU ARE READING
PROJECT B
FanfictionMake your dreams come true either way.Daddy!! I'm comming yo~ Start date 1.12.2021 End date 23.11.2022 Unicode/Zawgyi
