*ဘူဘူးသတိပေးချက်!
'ဒီနေ့ရာသီဥတုမကောင်းဘူးဟေ့´
ရေခဲနန်းတော်ကစွန့်စားသူ ကနေမျှဝေလိုက်တဲ့စကားကြောင့် ဌာနတိုင်းရှိဝန်ထမ်းအားလုံး ငြိမ်ပိနေကြသလိုဟေးဟေးဟားဟားလဲမလုပ်ရဲကြ။ ရေခဲဘုရင်ကြီးရဲ့အေးခဲစေလောက်တဲ့အကြည့်တွေနဲ့ ရေခဲလိုချွန်မြနေတဲ့စကားလုံးတွေအောက်ဘယ်သူမှလည်မစင်းပေးချင်ဘူးလေ။
"ဒီနေ့မနက်ကရောက်လာတုန်းကတော့အကောင်းကြီးပါ"
အတွင်းရေးမှူးရုံးခန်းမှာ ဝန်ထမ်းလေးနှစ်ယောက်က ပင်မရုံးခန်းထဲမှာရှိနေတဲ့ ဥက္ကဌ
ပတ်ခ်ရဲ့အေးစက်နေတဲ့အငွေ့သက်တွေကြောင့် လက်မှတ်ထိုးဖို့ဖိုင်တွေတောင်ဘယ်လိုသွားပို့ရမယ်မသိ။နောက်တော့လည်းအောက်ကနေသတင်းပို့လာတဲ့ လက်ထောက်ကြောင့်အတွင်းရေးမှူးလေးခမျာကြောက်ကြောက်လန့်လန့်နဲ့ပဲသတင်းပို့ရတော့တယ်။
"ဥက္ကဌ ကားအသင့်ဖြစ်ပါပြီ"
"နေ့လည်အစီစဥ္ တွေထဲအရေးမကြီးဘူးဆိုရင်ရွှေ့လိုက်တော့"
"နားလည်ပါပြီဥက္ကဌ"
ဥက္ကဌထွက်သွားကာမှ အကုန်လုံးသက်ပြင်းကိုယ်စီချလိုက်ကြရတယ်။
'ရှီအန်း´ ကစက်ကွင်းလွတ်သွားပေမယ့် 'ယောဒို´ ကတော့စိုးရိမ်ရေအမှတ်မှာပင်ရောက်ရှိလို့နေရဲ့။
"ရောက်ပါပြီလားသူဌေး"
သူဌေးဆိုတဲ့အသံကြားတာနဲ့ လူရုပ်ပင်မပေါ်၊မျက်လုံးတောင်မပွင့်တော့သည်အထိဖူးယောင်နေတဲ့နှစ်ယောက်က ဇက်ခနဲတုန်လို့ သတိအနေအထားပင်ပြောင်းလို့သွားတယ်။
'ယောဒို´ အဆောက်ဦးထဲဝင်လာတည်းက အေးစက်နေတဲ့အကြည့်တွေနဲ့သူဌေးကြောင့် အစ်ကိုအန်းပင် ကြက်သီးတွေထကာချွေးအေးတွေထွက်လို့လာတယ်။
"ဘယ်မှာလဲ"
"နားနေခန်းထဲမှာရှိနေပါတယ်သူဌေး"
"ရုံးခန်းထဲခေါ်ခဲ့လိုက်"
ရုံးခန်းထိပ်ကတစ်ယောက်ထိုင်ဆိုဖာပေါ်မှာခြေချိတ်ထိုင်လိုက်တာနဲ့ ဖူးယောင်နေတဲ့မျက်နှာတွေနဲ့လူနှစ်ယောက်ကိုဦးဆောင်ကာ အစ်ကိုအန်းကဝင်လို့လာတယ်။
YOU ARE READING
PROJECT B
FanfictionMake your dreams come true either way.Daddy!! I'm comming yo~ Start date 1.12.2021 End date 23.11.2022 Unicode/Zawgyi