နေ့ရက်တွေဟာတဖြည်းဖြည်းကုန်ဆုံးလို့သွားခဲ့ပြီး ပထမဆုံးသောနွေရာသီကျောင်းပိတ်ရက်သို့ရောက်ရှိလာခဲ့တယ်။
အပူချိန်သိပ်မမြင့်မားသေးသော်ငြား နွေရာသီရဲ့သဘာဝအတိုင်း ပူအိုက်ခြင်းဒဏ်ကိုစတင်ခံစားရပြီဖြစ်သလို နေရောင်ခြည်ကလည်းအတော်လေးကိုတောက်ပလို့နေတယ်။
ဒီလိုပူအိုက်တဲ့ရာသီဥတုမှာ ဘတ်ခ်ဟျွန်းလေးခမျာချွေးတလုံးလုံးနဲ့ပင်ပင်ပန်းပန်းလေ့ကျင့်နေရလေတယ်။
မကြာမှီသရုပ်ပြပွဲရှိတာကြောင့် နည်းပြကထွတ်ပြေးလို့မရအောင်အချောဆွဲကာ ဝါရင့်သင်တန်းသားတွေကို သရုပ်ပြပွဲမှာပြသဖို့ လေ့ကျင့်ခိုင်းလေတော့သည်။
"သရုပ်ပြပွဲပြီးရင်ယောင်လို့တောင် ဒီဘက်မလာဘူး"
ချွေးစက်တွေကြောင့်ရွှေရောင်ဆံပင်လေးဟာပိပြားနေပြီး ဖော့ပြားခင်းထားတဲ့ကြမ်းပြင်ပေါ် အသက်ကိုအသည်းအသန်ရှုကာ ပက်လက်ကြီးလှန်ပြီး နည်းပြကိုကျိန်ဆဲနေပေမယ့် နည်းပြကတော့ဂရုပင်မစိုက်ပေ။
"ပြီးရင်ပဲခေါက်ဆွဲစားရမယ်နော်"
တစ်ခါလာလဲပဲခေါက်ဆွဲ တစ်ခါလာလဲပဲခေါက်ဆွဲနဲ့ ပဲခေါက်ဆွဲဆိုင်ကိုလမ်းဖောက်ချင်နေတဲ့နည်းပြအကြောင်းမသိရင်ခက်မယ်။
"ဝက်သားချိုချဥ္ကြော်မှမပါရင် တာ့တာပဲနော်"
ဘတ်ခ်ဟျွန်းအမောဖြေနေရာမှလှမ်းအော်လိုက်ပြီး ဘေးနားမှာမှောက်ခုံကြီးဖြစ်နေတဲ့ ယွန်းချန်းတင်ပါးကိုတစ်ချက်လှမ်းကန်လိုက်တယ်။
"ဟေး ဒီနေ့ပျော်စရာသွားရှာမယ်ဆို"
ပျော်စရာဆိုတဲ့အသံကြားတာနဲ့ ယွန်းချန်းမှာ အားပြန်ပြည့်သွားပြီး လှုပ်လှုပ်ရှားရှားဖြစ်လာတယ်။
"အေး ခဏနေသန့်ရှင်းရေးလုပ်ပြီးရင်သွားကြရအောင်"
"မင်းနေရာကစိတ်ချရပါတယ်နော်"
"ရို! Bro မင်းကဘာတွေစိတ်ပူနေတာလဲ"
"ငါဒီနေ့မျက်ခုံးတွေလှုပ်နေတယ်"
"ငါသေချာစုံစမ်းထားပြီးသား"
ပျော်စရာတို့ အသစ်အဆန်းတို့ဆို ဘတ်ခ်ဟျွန်းကနှစ်ခါမခေါ်ရပေ။ ရေချိုးပြီးပါလာတဲ့အဝတ်အစားသစ်ကိုထုတ်လဲပြီးတာနဲ့ သန့်ပြန့်ပြီးလွန်စွာမှဆွဲဆောင်မှုရှိလှတဲ့ ဘတ်ခ်ဟျွန်းလေးအဖြစ်သို့ပြောင်းလဲသွားတယ်။
YOU ARE READING
PROJECT B
FanfictionMake your dreams come true either way.Daddy!! I'm comming yo~ Start date 1.12.2021 End date 23.11.2022 Unicode/Zawgyi