Loving My Brother #1: Thrale's Stupidity

Chapter 84:

Gio’s POV

“I need to find Thrizel now, Gio!” Nakatingin lang ako kay Thrale. Problemadong-problemado talaga siya dahil hindi niya makita si Thrizel, mahigit isang linggo na. “Uuwi si dad, ano nalang ang madadahilan ko?!”

“Think posi—

“Fuck that think positive! Mamayang gabi uuwi si dad, kailangan ko siya makita ngayon!” Napahilamos ito ng mukha.

Hindi ko rin alam kung paano mahahanap si Thrizel. Wala akong kahit anong access sa kaniya, hindi ko rin matrack ang kaniyang cellphone number. Sinong malakas ang loob para itago ang kapatid ni Thrale?

“Calm down.” Nagseryoso na ako.

Humarap ako sa aking laptop. Inistalk ko ang mga social media accounts ni Thrizel. Nakailang tingin na ako roon pero wala talaga akong makuhang clue kung saan siya mahahanap. Ang tagal niya na ring hindi nagpopost sa lahat ng account niya.

“Ano ba kasing ginawa mo sa kapatid mo?” Binalingan ko siya ng saglit at muling humarap sa laptop. “You know what, Thrale? Hindi ako naniniwalang wala kang ginawa dahil hindi naman maglalayas ang kapatid mo ng walang dahilan. So what’s the reason?” Kita kong nagrereflection ang mukha niya sa screen ng aking laptop kaya tiningnan ko iyon. Naghihintay ng kaniyang sagot.

Huminga siya nang malalim. “Nag-away kami. She said na nakakapagod ako kasama sa iisang bahay.”

Dahil sa kaniyang sagot. Pinatay ko ang aking laptop at humarap sa kaniya. “Edi itigil na natin ang paghahanap natin.” Tumayo ako sa upuan.

Agad nangunot ang kaniyang noo at umangal. “What? Gio, I need he—”

“She needs space.” Putol ko sa kaniyang sasabihin. “She needs space, Thrale. Talagang hindi siya magpapakita sa ‘yo. Kapag ba nakita mo, ano? Pipilitin mong magstay sa bahay niyo? Ayaw ka niyang kasama, hayaan mo muna siya. Gustong magpahinga ng kapatid mo. Kung wala kang kapatid na ihaharap kay tito, it’s all your fault. Face the punishment.” Lumabas ako ng aking kwarto, ramdam kong nakasunod siya sa akin.

“What? Face the punishment? Gio, alam mo ba ‘yang sinasabi mo? Hindi p’wede ‘yo—”

“Edi pagpanggapin mong si Arella na siya si Thrizel.” Nilingon ko siya. “Magkamukha naman sila, ‘di ba? Do it. Gawan niyo ni Anissa ng paraan kung paano matatakpan ang peklat niya. Same face at same personality. Gan’on humanap ng paraan, Thrale.”

“Okay, fine.”

Nagpasalamat ito sa akin bago umalis ng bahay. Tsk, tsk, ano bang pinagagawa mo sa buhay mo, Thrale? Parang dati lang ang ayos-ayos niyong magkapatid. Halos matakot nga sa ‘yo si Thrizel, disiplinado mo masyado. Anong mayroon ngayon? Kung umakto kayong dalawa, parang galit na galit sa isa’t isa. I hope bumalik ‘yong dating kayo. Kayo lang ang gumagawa ng ikakaproblema niyo. Kung pupunahin silang dalawa, parehas silang may mali. Kailangan talagang magulang ang magbabantay sa mga ‘to. Pft.

Thrale’s POV

Isang oras nalang ang natitira dahil darating si dad. Nilinis ko ang buong bahay, pati ang mga halaman ni mom ay inayos ko na rin. Wala si Thrizel dito para ipagpatuloy ang pag-aalaga ng mga iyon. Kakatapos ko lang maligo kaya pumunta ako sa kwarto ni Arella.

“Kaya bang gawan ng paraan?” Bungad kong tanong kay Anissa. Suportado naman siya sa aking plano. Parang nakokonsensya tuloy ako. Nadadamay ang akong nobya sa aking pagsisinungaling.

“Yes, hon, takpan ko lang ng make up ‘to. Maayos na.” Ngiti niya sa akin.

Tiningnan ko naman si Arella, nakaharap lang ‘to sa salamin. Wala naman siyang naging angal sa aking pabor, kailangan ko talaga ng tulong niya ngayon.