Reincarnated as a Stupid Daughter of the Mafia Boss

Chapter 75

ARIANNA'S POV

Nang mangyari ang barilan sa loob ng venue ay agad akong pinalibutan ng mga bodyguards na binayaran nila mommy mula sa LTSA. Magmula kasi noong kinuwento ko ang nangyari sa Hell Street ay mas naging protective na sila sa'kin.

Kung noon ay isa lang ang bodyguard ko, ngayon ay naging sampu na silang lahat. Mas mataas din ang mga ranggo nila kaya masasabi ko na talagang gumastos sila daddy ng malaki para sa kaligtasan ko.

Ngayon nga ay ligtas naman kaming nakalabas ng building sa tulong nila. Pagkalabas pa lang namin ay agad akong sinalubong ng mga military officers na nagkalat sa paligid ng hotel.

"Ms. McKinney, pumunta po muna kayo sa medic na naka-station sa area 1 para matignan kung may galos ba kayo." Magalang na sabi sa'kin ng babaeng sundalo na agad ko namang sinunod.

Habang naglalakad ay pasimple kong tinignan ang buong paligid. Maraming mga nakaparada na ambulansya, military tank, firetrucks at maging mga tent ay meron din. May mga tao din na umiiyak at nagpa-panic dahil may mga mahal sila sa buhay na na-trap sa loob ng hotel.

Ang nakakalungkot lang ay baka sa mga oras na 'to ay wala nang buhay ang mga taong natitira sa loob. Napailing na lang ako atsaka hindi na pinansin ang mga nakakalungkot na nangyayari sa paligid. Nang makarating sa Area 1 ng medic ay agad akong sinuri ng babaeng military doctor.

"Ayos lang ba ang pakiramdam mo, Ms. McKinney? Wala ka bang nararamdaman na masakit sa'yo?" tanong nito sa'kin.

"I'm okay, doc." Maiksi kong sabi habang may iniisip. Pakiramdam ko kasi may mali pero hindi ko alam kung ano. Para bang may nakalimutan ako...

"Sigurado ka bang ayos ka lang, Lady Arianna?" Nag-aalalang tanong ng doctor na mukhang naalarma sa pananahimik ko.

"Yeah," sagot ko na lang.

Nang makaalis na yung doctor ay agad akong nagpokus sa pag-iisip at pinilit na may maalala. Kaso hindi ko pa naiisip nang mabuti ay agad namang may yumakap sa'kin na kinagulat ko.

"Are you okay, Arianna? Does it hurt somewhere? Come on, tell me! " Dinig ko na sabi ni mommy sa nag-aalala nitong tono.

Niyakap ko na lang siya pabalik para ipahiwatig sa kaniya na ayos lang ako at wala siyang dapat ipag-alaala. Masiyado kasing nag-aalala sa'kin sila mom dahil maraming kaganapan ang nangyayari sa loob ng pamilya McKinney.

Halos lahat kasi sa mga uncle ko ay masiyadong uhaw sa kapangyarihan, kaya ang gusto nila ay sila ang mas mataas kaysa sa amin. Tsk! Kung hindi lang mabait sina mom at dad ay baka matagal ng patay ang lahat ng kamag-anak namin.

"Mom, don't worry, I'm fine. The bodyguards protected me so well." Nakangiti kong sabi nang humiwalay na siya ng yakap. Marahan niyang hinaplos ang ulo ko na kinangiti ko naman.

 
"That's good to know. I can't believe that something so dangerous happened to you again! We learned about your accident last time, so we're relieved that you're okay." Bigla nitong sabi na kinatigil ko.

'Wa—wait! Bakit nawala sa isipan ko na dumalo nga pala si Heavenhell sa event?!'

Sa sobra sigurong gulat ay hindi na pumasok sa utak ko ang dapat kong alalahanin. Kahit kasi na nakita ko nang makipaglaban si Heavenhell mula sa mga gangster ay hindi pa rin ako kampante na malulusutan niya ang mga lalaking nakaitim kanina.