Unicode
ကျိချင်းကျိုးသည်အခုမှနိုးခါစဖြစ်၍ဝေဝေဝါးဝါးဖြစ်နေဆဲပင်။သူကငေးကြောင်ကြောင်နဲ့ခေါင်းညိမ့်လိုက်ပြီး ချူချန်ကိုမေးလိုက်သည်။
"ကျွန်တော်အကြာကြီးအိပ်ပျော်သွားတာလား""သုံးလေးနာရီလောက်ပါပဲ။သိပ်မကြာဘူး"
ချူချန်ကမတ်တပ်ထရပ်ပြီး သူ့ဆီလှမ်းလာကာ လက်ဖက်ရည်ခွက်အားသူ့လက်ထဲထည့်ပေးလာ၏။
"ဒါက ကိုယ်အစမ်းဖျော်ထားတဲ့လက်ဖက်ရည်"
ကျိချင်းကျိုးယူပြီးတစ်ငုံသောက်ကာချီးမွမ်းလိုက်တယ်။
"ကောင်းတယ်""ဘယ်လိုလဲ။ပျော်သွားပြီလား…"
ချူချန်က အိပ်ရာအစွန်းမှာဝင်ထိုင်လိုက်သည်။
"ဒယ်ဒီကိုလက်ဖက်ရည်မဆက်ရသေးဘဲ ဒယ်ဒီကအရင်ဆက်သလာရတော့လေ"
ကျိချင်းကျိုးက လက်ဖက်ရည်ခွက်ကို သူ့လက်ထဲချက်ချင်းထည့်လာသည်။
"ဒယ်ဒီတွက်"
"ဗုဒ္ဓကိုပန်းလျှူဖို့ခဏပြန်စွန့်နေတာလား? မင်းက ကိုယ့်လက်ဖက်ရည်ကို ကိုယ့်ဆီပြန်ပေးတာလား"
ကျိချင်းကျိုးကပြုံးရယ်လာသည်။
"ဒါဆိုလည်း နောက်နေ့မှ လက်ဖက်ရည်တစ်အိုးလုပ်ပေးမယ်နော်""သိတတ်သေးတာပဲ"
ချူချန်ကသူ့ကိုကြည့်လာ၏။"ကောင်းပြီလေ အခုမင်းလည်း နိုးပြီဆိုတော့ကာ ညစာသွားစားရအောင်"
ကျိချင်းကျိုးကခေါင်းညိမ့်ပြီးအိပ်ရာမှမြန်မြန်ထလိုက်သည်။
ကျိချင်းကျိုးအဝတ်အစားလဲပြီးမှနှစ်ယောက်သားဓာတ်လှေကားနဲ့အောက်ထပ်ရှိစားသောက်ဆိုင်ဆီသွားကြသည်။ချူချန်ကဒီညပြန်မယ့်အစီအစဉ်ရှိပုံမပေါ်၍ကျိချင်းကျိုးမေးကြည့်လိုက်၏။
"ဒီညဒီမှာနေမှာလား"
"မဟုတ်ရင်ရော"
"ဒါဆို ရှောင်ချန်းကိုမနက်ဖြန်မှလာခေါ် ဖို့ပြောလိုက်မယ်"
"မလိုဘူး…ကိုယ်မင်းကိုလိုက်ပို့မှာ။မနက်ဖြန်မင်းအနားယူတဲ့နေရာမှာထိုင်ပြီး ကိုယ်မျက်စိအောက်မှာဘယ်သူအနိုင်ကျင့်ရဲသလဲထိုင်ကြည့်နေမှာ"
ချူချန်ပြောလိုက်သည်။
YOU ARE READING
ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]
RomanceType Web Novel (CN) Genre Comedy Drama Romance Yaoi Author(s) Lin Ang Si 林盎司 Status in COO 167 chapters + 47 extras (completed) Associated Names Transmigrated as The Villain President's Lover Xuyên Thành Tiểu Tình Nhân Của Tổng Tài Hệ Phản Diện 穿成反派...