Unicode
ကျိချင်းကျိုးကမူ အရုပ်ထဲမှာတစ်ခုခုရှိနေလိမ့်မယ်လို့ မထင်ထားခဲ့၍ အရုပ်အား ဖျစ်ညှစ်လိုက်သည်။အမှန်ပင် နည်းနည်းမာတဲ့အရာလေးတစ်ခုရှိနေသည်။သူ မြန်မြန်ပဲကတ်ကြေးရှာပြီး အရုပ်အားညှပ်ဖျက်လိုက်ချိန် ဒီဝံပုလွေရုပ်သေးသေးလေး၏ဗိုက်ထဲ၌ လက်ထိပ်ရှိနေတာကိုသာတွေ့လိုက်ရသည်။
သူတို့နှစ်ယောက်မှာ တစ်ယောက်ကိုတစ်ယောက် တအံ့တဩဖြင့်ကြည့်ကာ ပြုံးမိသွားသည်။
"အဲ့မှတ်စုစာအုပ်ပိုင်ရှင်ကိုရှာဖို့ပဲကျန်တော့တာပေါ့"
"ဒါပေမယ့်…"
ကျိချင်းကျိုး သိချင်စိတ်ဖြင့်--
"သူက လူဘယ်လိုသတ်တာလဲ"
ကျိချင်းကျိုးတစ်ယောက်အသည်းအသန်စဉ်းစားနေချိန် ယင်းနျန်သည် တစ်ဖက်ခန်းမှ စာအုပ်တစ်အုပ်တွေ့လာ၏။
"24 Billys"
ယင်းနျန်သည် စာအုပ်ကိုကြည့်ရင်း ဘေးက လျန်ကျင်းရှင်ကိုမေးလိုက်သည်။
"ဒီစာအုပ်က စိတ်တ္တဇရောဂါသည်အကြောင်းမလား"
လျန်ကျင်းရှင်က ခေါင်းညိမ့်ပြလာသည်။
"ဘာလို့ဒီလိုစာအုပ်တစ်အုပ်ကိုလျှို့ဝှက်ခန်းမှာထား ထားတာလဲ"
ယင်းနျန်တစ်ယောက် သိချင်လာရသည်။
လျန်ကျင်းရှင်သည် ခဏကြာတွေးတောကာ ရုတ်တရက် ခန့်မှန်းချက်တစ်ခုရှိလာပြီးယင်းနျန်ကိုမေးလိုက်သည်။
"ဒီလျှို့ဝှက်ခန်းရဲ့အဓိကဆိုလိုရင်းက ဘာဖြစ်မလဲ။ရှိုးအဖွဲ့က ဘာမှမပြောခဲ့ဘူးလား။"
ယင်းနျန်က တွေးဆဆဖြင့်ပြောလာသည်။
"မရှိဘူးထင်တယ်"
" ဒီလျှို့ဝှက်ခန်းရဲ့နောက်ခံဇာတ်ကြောင်းက မင်းတွေ့ထားတဲ့မှတ်စုစာအုပ်ပဲလေ။လူခုနစ်ယောက်က ရတနာရှာဖို့ရောက်လာကြတာလို့ပြောထားပြီး ခြောက်ယောက်ကလည်းတဖြည်းဖြည်းပျောက်သွားတယ်။အဆုံးမှာ မှတ်စုစာအုပ်ပိုင်ရှင်တစ်ယောက်ပဲအသက်ရှင်နေသေးတယ်။ဖြစ်နိုင်တာက ရတနာဆိုတာ နိဒါန်းတစ်ခုသာသာပဲ။သူတို့ ပြောချင်နေတာက ရတနာမုဆိုးမဟုတ်ဘဲ စိတ်ဝေဒနာသည်ဖြစ်မယ်။အစကနေအဆုံးထိ မှတ်စုပိုင်ရှင်ဆိုတဲ့လူတစ်ယောက်တည်းရှိတာ။နောက်ဆုံးထိလည်း လူခြောက်ယောက်ဘယ်လိုပျောက်သွားလဲရောဘာကြောင့်ပျောက်သွားတာလဲရော မရှင်းပြထားဘူးလေ"
YOU ARE READING
ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]
RomanceType Web Novel (CN) Genre Comedy Drama Romance Yaoi Author(s) Lin Ang Si 林盎司 Status in COO 167 chapters + 47 extras (completed) Associated Names Transmigrated as The Villain President's Lover Xuyên Thành Tiểu Tình Nhân Của Tổng Tài Hệ Phản Diện 穿成反派...