ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{73}

Unicode

ကျိချင်းကျိုး သူ့ကိုကြည့်၍ ဗြုန်းခနဲစကားပြောမထွက်လေတော့။

သူထပ်ပြီးစိတ်လှုပ်ရှားတော့မယ်ပုံဖြစ်နေတာကို ချူချန်မြင်တော့ မနေနိုင်မထိုင်နိုင်သတိပေးလိုက်သည်။

“ကိုယ် မနေ့ညက ဘယ်လိုသင်ခဲ့လဲ”

ကျိချင်းကျိုးက သူပြောတာကို အလေးမထားဘဲ သူ့ကိုပွေ့ဖက်လာသည်။

ချူချန်က စိတ်လျော့လိုက်သလိုမျိုး သက်ပြင်းလေးချကာဖြင့် လူကိုပြန်ဖက်ထားရင် ကျောကုန်းလေးအား ခပ်ဖွဖွပွတ်လေး‌လိုက်၏။

“ကလေးကျလို့ကွာ”

“ခင်ဗျားပဲ ကလေးလို ဆက်ဆံနေတာမဟုတ်ဘူးလား။မုန့်ဖိုးလည်းပေးတယ်လေ”

“ကိုယ်ပြောတယ်လေ...နှစ်သစ်မုန့်ဖိုးက ကိုယ်တို့မိသားစုရဲ့ ရိုးရာပါလို့”

ကျိချင်းကျိုးက စကားမပြောပဲ ငြိမ်ငြိမ်လေးသာ ဖက်ထားလေသည်။

ခဏကြာတော့ချူချန် သူ့ကိုလွှတ်ပေးလိုက်ချိန် သူကလည်း ဖက်ထားရာမှ ဖယ်ပေးလာကာ သူ့ဘာသူရေရွတ်နေ၏။
“ခင်ဗျားကားကို ဆက်ရှာကြမယ်လေ”

ချူချန်မှာရယ်ရင်း သူ့ဆံပင်တွေကို ဖွလိုက်သည် ။

ကျိချင်းကျိုးနဲ့ချူချန်တို့ နှုတ်ဆက်ကြပြီးနောက် ဆေးရုံမှ မနက်စာဝယ်ကာ ဝမ်ဖန်း၏လူနာဆောင်ဆီပြန်လာခဲ့သည်။ဝမ်ဖန်းကအခုထိ မနိုးသေးသလို အချိန်ကလည်းစောသေး၏။ယွီအန်းယီလည်း မနိုးလောက်သေးပေ။ထို့ကြောင့် ကျိချင်းကျိုးတစ်ယောက် နားကြပ်တပ်ကာvideoထိုင်ကြည့်နေလိုက်တော့သည်။
နေ့လည်လောက်ကျ ယွီအန်းယီထံကျိချင်းကျိုးဖုန်းခေါ်လာခဲ့သည်။သူမဆီကျိချင်းကျိုး ဖုန်းခေါ်လာသည့်အချိန်က သူမမိတ်ကပ်ပြင်ပြီး၍ ဒီနေ့ဘာဝတ်ရမလဲ စဉ်းစားနေသည့်အချိန်ပင်။

{Happy New Year}
ကျိချင်းကျိုးပြောလိုက်၏။

{Happy New Year}
ယွီအန်းယီသည် အဝတ်လဲခန်းထဲမှ ဝတ်စုံတွေကိုကြည့်ကာ ရိုးရှင်းလွန်းသည်ထင်၍ ခပ်တောက်တောက်တွေဝတ်ရန်စဉ်းစားနေသည်။

{အန်းယီ...ငါ အကူညီတောင်းစရာရှိလို့}
ကျိချင်းကျိုးတွေးပြီးတာနဲ့ တန်းပြောလိုက်ခြင်းပင်။