ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{55}

Unicode

'လင်းလော့ဖုန်း' ရဲ့ပြီးပြည့်စုံတဲ့ဇာတ်ကောင်အနေအထားနှင့်ယှဉ်ရင် ကျိချင်းကျိုးရဲ့လူရွေးပွဲဖြေရမယ့်ဇာတ်ကောင် 'လင်းလော့ယန်'က အလွန်သေးငယ်သည်လို့ပြောလို့ရသည်။အခန်းအများကြီးမရှိဘဲ ဇာက်ကွက်နည်းနည်းမှာသာပါသည်။'ဟယ့်ဝမ်' နေရာကလူနဲ့သရုပ်ဆောင်ရမယ့်တစ်ပိုင်းကလွဲပြီး ကျန်တဲ့အခန်းတွေအကုန်လုံး လျန်ကျင်းရှင်နဲ့ဖြစ်သည်။

သူ့တည်ရှိမှုက 'လင်းလော့ဖုန်း' ရဲ့ပုံရိပ်ကိုပိုပြီး ပြည့်စုံစေရန်သာဖြစ်သည်။

ကျိချင်းကျိုးသည် သူဖြေရမည့် ဇာတ်ညွှန်းကိုကြည့်လိုက်၏။ဇာတ်ကွက်ကတအားရိုးရှင်းသည်။ 'လင်းလော့ဖုန်း' နဲ့ 'လင်းလော့ယန်'တို့ကြားက အိမ်မှာနေရင်းနေ့စဉ်အပြုအမူလေးတွေဖြစ်သည်။ဇာတ်ညွှန်းအရဆို သူ့က 'လင်းလော့ယန်' ရဲ့ နူးညံ့တဲ့ဘက်ခြမ်းကိုမြင်နိုင်ရမှာဖြစ်သည်။သူ့ရဲ့သည်းခံတတ်မှုတွေ၊သူ့အစ်ကို ပေါ်လေးစားမှုတွေ၊လူငယ်ဆန်ဆန်ကလေးဆန်တာလေးတွေကိုလည်းတွေ့ရမှာဖြစ်သည်။သရုပ်ဆောင်ရတာမခက်ပေ။နည်းနည်းလေးဇာတ်ကွက်ကျဲရင်တောင် သဘာဝကျသည်။အဆုံးသတ်တော့ သူက ခေါင်းဆောင်မင်းသားမှမဟုတ်တာ‌။

သူ့က အဝတ်အစားလဲပြီး ပြင်ဆင်လိုက်သည်။မိတ်ကပ်ဆရာက နူးညံ့တဲ့သူ့မျက်နှာလေးကိုကြည့်ပြီး ပိုပြီးငယ်ရွယ်မှုတွေထင်ဟပ်အောင်ရိုးရိုးလေးပဲပြင်ပေးလာ၏။

"လင်းလော့ယန်က ၁၈ နှစ်ပဲရှိသေးတယ်။ပထမနှစ်တက္ကသိုလ် ကျောင်းသားလေးလေ။မင်းလည်း သူနဲ့ရွယ်တူလေးလိုပဲနော်"

"ကျေးဇူးပါ"

ကျိချင်းကျိုးပြောလိုက်သည်။

"ရပါတယ်ရှင်"

လျှောက်ထားတဲ့အချိန်ကနောက်ကျသည့်အတွက် ကျိချင်းကျိုးက လူရွေးပွဲဖြေရမည့် နောက်ဆုံးတစ်ယောက်ပင်။အကြာကြီးစောင့်ရဦးမယ်ထင်မိ‌ပေမယ့် မကြာခင်မှာပဲ သူ့အလှည့်ရောက်လာသည်။အကောင်းဆုံးရွေးချယ်မှုလုပ်ဖို့အတွက် ဒီတစ်ခါ လူရွေးပွဲ၌ ဒါရိုက်တာကြီးက လျန်ကျင်းရှင်ကိုပါ တွဲသရုပ်ဆောင်ပေးဖို့ တောင်းဆိုထားတာဖြစ်၏။ကျိချင်းကျိုးတစ်ယောက် လျန်ကျင်းရှင်ကိုမြင်သောအခါ ချက်ချင်း စိတ်သက်သာရာရသွားပြီး စိတ်ထဲ၌ ဒိုင်ယာလော့များအား ပြန်ရွတ်လိုက်ပြီးမှ မျက်လုံးပြန်ဖွင့်လိုက်ပြီး ဒါရိုက်တာကြီးအား ယဉ်ကျေးစွာခေါင်းညွှတ်နှုတ်ဆက်လိုက်သည်။