ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{43}

Unicode

သူက အသက်ရှင်တာကြာလေလေ အတွေးများလာလေပဲလို့ လျန်ကျင်းရှင်ထင်မိတယ်။ဒီလောက်ရိုးရှင်းတဲ့အရာကိုတောင် ရှင်းရှင်းလင်းလင်းမမြင်နိုင်ဘူး။

"မင်းက ယွီအန်းယီမို့လား။မင်း ပွဲဦးစထွက်တုန်းက သာမန်လူသစ်တွေလိုမျိုး အတွေ့အကြုံမရှိဘဲ ခေါင်းဆောင်မင်းသားတန်းဖြစ်နိုင်တော့ ဒီလို ရိုးရိုးစင်းစင်းပြောနိုင်တာပေါ့။ထားလိုက်တော့ အဲ့လိုပြောတာ ယွီအန်းယီကို စော်ကားလိုက်သလိုပဲ ယွီအန်းယီကမှမင်းထက် ဉာဏ်ပိုကောင်းသေးတယ်။"

မုန့်ယွမ်ပိုင် : ………

လျန်ကျင်းရှင်သည် အခန်းဆီပြန်ပြီး အခန်းကဒ်ထုတ်၍ တံခါးဖွင့်လိုက်ကာ သူ့သူငယ်ချင်းကြီးအား နှစ်သိမ့်ပေးလိုက်သည်။

"ပြန်ပြီး သစ်ကြာသီးများများသွားစားချည်သွား"

မုန့်ယွမ်ပိုင် : ………

အဲ့လူက တကယ်ကြီး သူ့ကိုအထင်လွဲနေတယ်လို့ မုန့်ယွမ်ပိုင်လေး ခံစားနေရတယ်နော် !!!

လျန်ကျင်းရှင်းက စိတ်ပါလက်ပါနဲ့ သူ့အတွက်တွေးပေးမယ်လို့ ကျိချင်းကျိုးမမျှော်လင့်ထားခဲ့ပါ။ထို့ကြောင့် တံခါးပိတ်ပြီးသည်နှင့်သူ့ကိုယ်သူ သတိပေးလိုက်မိသည်။ တကယ်တော့ သူဘက်က "စီနီယာကော" ‌လို့ခေါ်တဲ့အချိန်မှာ လျန်ကျင်းရှင်းက "စီနီယာကောလို့မခေါ်နဲ့" ဆိုပြီး ပြောလို့ရပေမယ့် မပြောခဲ့ပေ။ထိုအစား ထိုသိုခေါ်သည်ကို သဘောတူပြီးမှသာ မျက်နှာချင်းဆိုင် စိတ်ရှည်လက်ရှည်ရှင်းပြပေးလာသည်။လျန်ကျင်းရှင်က ချူချန်နဲ့ ကျိုးချန်ဖုန်းတို့ ပြောတာထက်ပိုပြီး စိတ်ထားနူးညံ့ပုံပင်။ကျိချင်းကျိုးတော့ တကယ်ကံကောင်းတာပဲ။

ဒုတိယနေ့အဖွဲ့ဖွဲ့တဲ့အချိန်ထိ ကံကောင်းမှုလေးက ဆက်ရှိနေခဲ့သည်။သူရယ်၊လျန်ကျင်းရှင်ရယ်၊ယွီအန်းယီရယ်၊ယင်းနျန်ရယ်၊ပေ့ဝမ်ယောင်ရယ်၊နာမည်ကြီးဧည့်သည် ရှစ်ရှစ်တို့ရယ်က ပထမအဖွဲ့ဖြစ်သည်။

ယွီအန်းယီသည် အလွန်ပျော်ရွှင်သွားကာ ကျိချင်းကျိုးနား တိုးတိုးကပ်ပြောလာသည်။