ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{128}

Unicode

ချူချန်ကတော့ ဘူးခံနေဆဲ။

“ငါဘယ်တုန်းကမင်းကိုပြောခဲ့လို့လဲ? ငါ့ဘာသာ ချင်းရွှယ်ကိုပြောပြတာ။အဲ့ချင်းရွှယ်က လုံးဝစိတ်ချလို့မရတာကို ဘယ်သူကသိထားမှာတုန်း? လူတိုင်းကို လျှောက်ပြောလိုက်သေးတယ်။တကယ်စိတ်ပျက်စရာ”

ချင်းရွှယ်မှာတော့ ပါးစပ်အပြည့်စာသွေးတွေကိုအန်ထုတ်မိလုနီးပါး။

“အားချန်...အခုတော့ မင်းက အလှလေးရှိတယ်ဆိုပြီး ပျော်ရွှင်မြူးတူးနေနိုင်ပြီပေါ့။မင်း စိတ်ဓာတ်တွေချုံးချုံးကျပြီး ဝမ်းနည်းပက်လက်ဖြစ်နေတဲ့အချိန် ဘယ်သူတွေက မင်းကို အသိတရားရစေလဲ မေ့သွားပြီမလား? မင်းစိတ်ဆင်းရဲအောင် ငါသာ မနှိပ်စက်ခဲ့ရင် မင်းဆိုတာ အခုထိ သူ့ရဲ့ နောက်ခံဒယ်ဒီ သာသာပဲ ရှိနေဦးမှာကွ! အဲ့နေ့က မင်းပုံစံကိုသာ record လုပ်ထားမိရင် အခုချိန် ကျိုးကျိုးကို ပြပလိုက်ပြီ။အဲ့ဒါမှ ငတုံးဆိုတာ ဘယ်လိုလဲ သူသိသွားမှာ။ပုံမှန်ဆို တော်တော်စမတ်ကျတဲ့ကောင်က အချစ်နဲ့လည်းကျရော ငပေါကြီးဖြစ်သွားတယ်လေ”

“ဟေ...‌ ဟေ....‌ ဟေး....အဲ့ဒါ ငါ့မှာရှိပါတယ်”

ယောက်ရှိုးယွမ်က ဖုန်းဆွဲထုတ်သည်။

“ငါ keyword တွေ သုံးပြီး ရိုက်ရှာလိုက်တော့ ဂရုထဲကနေ တွေ့လာတာ။ အားချန် ပြောထားတာက 'ငါက သူ့ကို ကြိုက်တယ်? ငါက အဲ့လို အဆင့်နိမ့်တဲ့ အမှားမျိုး လုပ်မှာမဟုတ်ဘူး...အပျော်သက်သက်ပဲ' တဲ့။ တွေ့ပြီလား။ မင်းဘာသာ ဂရုထဲမှာ လာပြောထားပြီး ချင်းရွှယ်ကို အထင်မှားနေသေးတယ်”

“အဲ့တုန်းက ချင်းရွှယ်လည်း မင်းကို ပြောပြီးပြီဆိုတော့ ငါတို့အားလုံးသိသွားတယ်ဆိုပြီး မင်ထင်လို့ စာတွေပြန်မဖျက်သွားတာလေ”

“ဒီတော့ကာ အဲ့လိုအမှားမျိုး မလုပ်ဖြစ်လိုက်ဘူးဆိုတော့ မင်းက ကောက်ကျစ်တဲ့အရင်းရှင်းကြီးမဟုတ်တော့ဘူးပေါ့နော်” ရှောက်ရုံက စပြောသည်။

“မင်းမျက်နှာကြီး မနာဘူးလားဟမ်”

“ဒါမှမဟုတ် ချစ်မိသွားသောလူသားများ၏အနှစ်ချုပ်ဆိုပြီး ငါတို့ပြောပြရဦးမလား? အခု ပြန်တွေးကြည့်မှပဲ ဒီကောင်အားချန် အလံဖြူပြလိုက်တာ မြန်ချက်”