ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{31}

Unicode

သူပြောတာနားထောင်ပြီး ချူချန်ကကျေနပ်အားရစွာဖြင့် လီဖေးနှင့်အတူ စကားအချို့ပြောပြီး ဖုန်းချလိုက်သည်။

ကျိချင်းကျိုးဘယ်တော့မှမတွေးမိခဲ့ဘူး။တစ်နေ့နေ့အလုပ်ထဲမှာရိုရုံနဲ့ဇာတ်လိုက်ဖြစ်လာလိမ့်မယ်လို့ပေါ့။

"ကျွန်တော်လား"
သူ့ကိုယ်သူ လက်ညှိုးထိုးပြလိုက်၏။

"ကျွန်တော်က ချန်ကျိယွမ်နေရာမှာခေါင်းဆောင်မင်းသားအဖြစ်အစားထိုးရမယ်လို့ပြောချင်တာလား"

ကျန်းနန်နှင့်ဒါရိုက်တာတို့ခေါင်းညိမ့်လိုက်ကြပြီး ကျိချင်းကျိုးကတော့ မယုံကြည်နိုင်ဖြစ်နေသည်။
"ဒါပေမယ့် ကျွန်တော် ကျွမ်းရှန်းယန်နေရာက သရုပ်ဆောင်တာကြာပြီလေ။အခုခေါင်းဆောင်မင်းသားနေရာကသရုပ်ဆောင်ရမှာလား။မဟုတ်ရင် အရင်အပိုင်းတွေအကုန်လုံးဖျက်ပစ်ရမှာပေါ့"

"ရပါတယ်…ငါတို့ရိုက်ကူးရေးကသိပ်မကြာပါဘူး။မင်းမှာလည်း ဇာတ်ကွက်အများကြီးမရှိခဲ့ဘူးလေ။ပြီးတော့ ချန်ကျိယွမ်လည်းအများကြီးမရိုက်ရသေးဘူး။ပြန်ရိုက်ကူးရုံနဲ့ကုန်ကျစရိတ်သိပ်များမှာလည်းမဟုတ်ပါဘူးလေ"
ဒါရိုက်တာကပြောလာသည်။

"ဒါက…"
ကျိချင်းကျိုး သူ့ကိုကြည့်လိုက်၏။

"ဘာလို့ကျွန်တော့်ကိုရွေးကြတာလဲ"

ချန်ကျိယွမ်ရိုက်ကွင်းကနေသီးခြားခွဲထွက်ပြီး စာချုပ်ဖျက်သိမ်းလို့ ရိုက်ကူးရေးအဖွဲ့က အခြေအနေတွေအဆင်ပြေဖို့တစ်ခြားသရုပ်ဆောင်တစ်ယောက်ရှာမယ်လို့သူထင်ထားတာ။ဒါပေမယ့် မျှော်လင့်မထားစွာ သူ ခေါင်းဆောင်မင်းသားနေရာကသရုပ်ဆောင်ဖို့ လာပြောခံနေရတယ်။ချူချန်ဘာမျှမလုပ်ထားဘူလို့ လာပြောရင်တောင် ကျိချင်းကျိုးတော့ မယုံပေ။

ကျန်းနန်က ပါးစပ်နားရွက်တက်ချိတ်မတတ် ပြုံးကာ

"ရှောင်ကျိရေ မင်းလည်းသိပါတယ် အခုရိုက်ကူးရေးကစနေပြီလေ ပြီးတော့ အချိန်တစ်ခုကြာအောင်ရိုက်ကူးပြီးနေကြပြီ ဒီတစ်ကြိမ် ချန်ကျိယွမ်က စာချုပ်ဖျက်သိမ်းသွားတယ်ဆိုတော့ ကျဲတို့ကလည်း သင့်တော်တဲ့ မင်းသားတစ်လက်ကိုထပ်ရှာရမှာ ရိုးရိုးသားသားပြောရရင် ဒါက တကယ်မလွယ်ဘူး။ဒီရိုက်ကူးရေးအဖွဲ့ထဲမှာဆို ရှောင်ကျိကကြည့်ကောင်းပြီး သရုပ်ဆောင်စကေးလည်း အကောင်းဆုံးပဲလေ မင်းကိုမရွေးရင်ဘယ်သူ့ကိုသွားရွေးရမှာလဲ"