ပြန်လည်မွေးဖွားလာသော ဗီလိန်ရဲ့ရည်းစားဟောင်း (Myanmar translation)

Chapter (87)

Unicode

ထိုအချိန် မုမိသားစု၌..

လီဆွေ့ယွီက ဒရမ်မာထိုင်ကြည့်နေခဲ့ပြီး ရှန်ယန်းကိုမြင်လိုက်ရတဲ့အချိန်မှာ သူမရဲ့အမူအယာတွေပြောင်းလဲသွားလေတယ်။ သူမရဲ့စိတ်ထဲမှာ ရှန်ယန်းက ဒီ TVစီးရီးထဲမှာအလွန်အမင်းသနားစရာကောင်းတယ်ဆိုတာကိုပဲ ခံစားနေရတော့တယ်။ အန်တီချင်ကတော့ လီဆွေ့ယွီကို ဒရမ်မာတွေထပ်မကြည့်ခိုင်းသင့်တော့ဘူးလို့တွေးမိနေပြီ။ အန်တီချင် စကားပြောဖို့တွေးလိုက်တဲ့အချိန်မှာပဲ လီဆွေ့ယွီက စကားစလာတာကြောင့် သူမရဲ့ပါးစပ်ကိုပြန်ပိတ်လိုက်တယ်။

လီဆွေ့ယွီက တွေးတောပြီးပြောလာလေရဲ့။

" ရှင် ဒီရက်ပိုင်းမှာ ရီအန်းကိုဂရုစိုက်ပေးလိုက်ဦး.. ကျွန်မ သူ့ကိုလှမ်းခေါ်တာကို သူက လေလံပွဲကိုထွက်သွားတယ် ရှင်က ကျွန်မဘက်ကဆိုတော့ သူ့အတွက်အလုပ်လုပ်ပေးနေတဲ့အချိန် စကားနည်းနည်းလောက်ပြောပေး .. တခြားသူတွေကတော့လုပ်ရဲမှာမဟုတ်ဘူး"

ဒါက နည်းနည်းတော့ဒုက္ခများစေပေမဲ့ လီဆွေ့ယွီက သူမသားအတွက်လုပ်ပေးဖို့တွေးထားတယ်။ မုရီအန်းရဲ့ဝေယျာဝိစ္စကို ကူညီပေးနေတဲ့အန်တီက သူမရဲ့မြေးကိုစောင့်ရှောက်ဖို့အတွက်နှုတ်ထွက်သွားခဲ့တယ်လေ။ ဒါကြောင့်မုရီအန်းက နောက်ထပ်လူရှာပေးဖို့ပြောထားခဲ့တာ။ သူမ သင့်တော်တဲ့သူကိုရှာမတွေ့ခင်မှာ အန်တီချင်ကိုပဲ မုရီအန်းကိုဂရုစိုက်ခိုင်းရမှာပဲ။

အန်တီချင်က သဘောတူလိုက်ပြီး ပြန်ပးမေးလာတယ်။

"သူဌေးကတော် ရှန်ယန်းကို ဘယ်လိုထင်လဲ"

လီဆွေ့ယွီက ခဏမျှတွေးလိုက်ပြီး နှာမှုတ်လိုက်တယ်။

အန်တီချင်:"သူဌေးကတော်က ရှန်ယန်းရဲ့ပရိသတ်ဖြစ်သွားပြီထင်တယ်.. အရင်ကဆို ရှန်ယန်းအကြောင်းပြောလိုက်တာနဲ့ မကျေမနပ်တွေ တန်းပြီးပြောတတ်တာကို"

"အန်တီချင် ပါးစပ်ပိတ်ထား"

"ကောင်းပါပြီ သူဌေးကတော်"

လီဆွေ့ယွီ ဖုန်းကိုကောက်ယူပြီး မုရီအန်းကိုလှမ်းခေါ်လိုက်တယ်။