ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{86-1}

Unicode

နောက်တစ်နေ့မှာတော့ ချူချန်တစ်ယောက် အလုပ်မသွားခဲ့ချေ။New Cultureမှာ စည်းမျဉ်းတစ်ခုရှိတယ်။အဲ့တာက ဝန်ထမ်းတွေဟာ သူတို့မွေးနေ့တွေ၌ အလုပ်မလာပဲနေခွင့်ရှိသည်။ထို့အတူ သူဌေးတစ်ယောက်ဖြစ်သော ချူချန်ကလည်း သူ့ဘာသာ ပိတ်ရက်နှစ်ရက်ပိုယူလိုက်၏။

ကျိချင်းကျိုးသည် လည်ဆွဲလေးအား ချူချန်ကို မပေးသေးဘဲ ညဆယ့်နှစ်နာရီကွက်တိမှသာ ပေးဖို့ စီစဉ်ထားလေသည်။

နှစ်ယောက်သား ဟိုတယ်မသွားရသေးခင် နေ့တစ်ဝက်လောက် ပျင်းခြောက်ခြောက်နဲ့အချိန်ကုန်ဆုံးလိုက်ကြရ၏။ကျိချင်းကျိုး ဒီဟိုတယ်ကို တစ်ခါရောက်ဖူးသည်။အဲ့တုန်းက သူနဲ့ချူချန်တို့ ရေလာကူးကြသည့်အချိန်ပင်။ချူချန်ပြောတာတောင် သူမှတ်မိသေးသည်။ဒီနေရာက ချင်းမိသာစုအပိုင်တဲ့။

ချင်းရွှယ်နဲ့ ရှောက်ရုံတို့က ခပ်စောစောရောက်လာကြပြီး ယွီအန်းမင်နဲ့ ယွီအန်းယီကလည်း မကြာခင်ရောက်လာလေသည်။ယောက်ရှိုးယွမ်ကတော့ လမ်းပိတ်မှုကြောင့် နောက်ကျလုနီးနီးပင်။ရှောက်ရုံက သူ့ကို ပြစ်ဒဏ်အနေနဲ့ သုံးခွက်သောက်ခိုင်း၍ သူ့မှာ ရွေးချယ်စရာမရှိပဲ သောက်လိုက်‌ရလေသည်။

သူတို့တွေက ကလေးတည်းက ရင်းနှီးခဲ့ကြသူတွေဖြစ်၍ ယဉ်ကျေးမနေကြတော့ပေ။ချူချန်ရဲ့မွေးနေ့ပွဲကို ကျင်းပတာဖြစ်၍ ချင်းရွှယ်က လူတိုင်းနဲ့ ဖန်ခွက်လိုက်တိုက်ပြီး အော်ပြောလာသည်။

“Happy birthday အားချန်!!!”

ကျန်တဲ့အချိန်‌တွေကိုတော့ အရင်လိုပဲ စကားစမြည်ပြောရင်း သောက်လိုက်စားလိုက်လုပ်နေကြတော့သည်။

ကျိချင်းကျိုးမှာ ယွီအန်းယီကိုသာ ကောင်းကောင်းသိပြီး တစ်ခြားသူတွေနဲ့ မရင်းနှီးသော်ငြား ထိုလူတွေကတော့ သူ့ကို မစိမ်းကြပုံပင်! အထူးသဖြင့် comment အများဆုံးရေးပေးခဲ့သော comment ပံ့ပိုးရေးအဖွဲ့အစည်းရဲ့ ဥက္ကဌကြီး ရှောက်ရုံဆို ကျိချင်းကျိုးကို မြင်တာနဲ့ မထိန်းနိုင်မသိမ်းနိုင် ချစ်ပြနေတော့သည်။

“လာ ကျိုးကျိုးလေး ကောကောက မင်းကို ဝိုင်တစ်ခွက်နဲ့ ချီးမြောက်ပေးမယ်ကွာ!”