ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{115}

Unicode

သူသည် ချူချန်အတွက် ခက်ခဲစေမည့်အရာတွေကို နည်းနည်းမှ မဖြစ်စေချင်သည့်အတွက်  မတ်တပ်ရပ်ဖို့ တောင်းဆိုလိုက်သည်။

သူဘက်မှ မည်သည့်စကားမှ ထပ်မဆိုလာသည့်အတွက် ချူချန်ကပင် ထပ်ပြောလိုက်သည်။

“ကျိုးကျိုး...မင်းအခက်အခဲကြုံနေရတာကို ကိုယ်လစ်လျူရှုပြီး မနေနိုင်ဘူး။အထူးသဖြင့် ဒီကိစ္စက ကိုယ့်အတွက် ဘာမှ ကြီးကြီးမားမားမဟုတ်ဘူးလေ။ကိုယ်တို့ လမ်းခွဲပြီးတည်းက မင်းအဆင်ပြေတယ် ကောင်းကောင်းမွန်မွန်လေးနေနေတယ်ဆိုတာ ကိုယ်လက်ခံနိုင်ပါတယ်။ဒါပေမယ့် မင်းကိုဆိုးကျိုးသက်ရောက်စေမဲ့  ပြဿနာတစ်ခုခုနဲ့ကြုံတိုင်း ကိုယ့်ကို ဝင်မစွက်ဖက်စေချင်တဲ့အပြင် ယွီအန်းယီကိုတောင် ရှာပြီး အကူအညီတောင်းဖို့တွေးလိုက်သေးတယ်။ ကိုယ့်ဆီတော့ မင်းရောက်မလာခဲ့ဘူး။ အဲ့ကိစ္စကို  ကိုယ်လက်မခံနိုင်ဖြစ်နေတယ်ဆိုတာသိရဲ့လား”

“ဒီကိစ္စနဲ့ပတ်သက်ပြီးသည်းခံဖို့ မင်းအတွက် အဆင်ပြေတယ်ဆိုပေမယ့် မင်းမဖြေရှင်းနိုင်ရင် မင်းရဲ့ သူငယ်ချင်း ကို အကူအညီတောင်းလို့ ရတယ်ဆိုပေမယ့် အန်းယွီက မင်း သူငယ်ချင်းမို့ မင်း သူ့ဆီသွား‌တယ်ဆိုပေမယ့် ဘာမှ လွဲမှားတာလည်း မရှိပေမယ့်  ကိုယ်ကလက်မခံနိုင်လို့ပါ။ အပြင်မှာ မင်းအနိုင်ကျင့်ခံရမှာကို ကိုယ် လက်မခံနိုင်လို့ မင်းပါးစပ်က ထွက်လာတဲ့ အဆိုးဆုံးအရာကြီးဆိုတာကို လက်မခံနိုင်လို့ပါကွာ။ မင်းကိုဆို ကိုယ်က ကာကွယ်ပေးချင်တယ် ပိုင်ဆိုင်ချင်စိတ်ပြင်းပြတယ် ။ မင်းက ကိုယ့်အပိုင်ပဲ။ မင်းနဲ့ ကိုယ် လမ်းခွဲပြီးပြီး မပြီးပြီး မင်းပြဿနာကြုံလာတာနဲ့ ဖြစ်နိုင်သလောက် ကိုယ့်ကိုဘဲ လာရှာစေချင်တဲ့အထိပဲ။တကယ်လို့ မင်း ကိုယ့်ဆီမလာခဲ့ရင်လည်း ကိုယ်ကိုယ်တိုင်မင်းဆီ အရောက်လာပေးမှာပါ”

“မင်းမှန်ပါတယ်။ မင်းဘဝမှာ ဘာတွေဘယ်လောက်ပဲ ကြုံခဲ့ရပါစေ ဒီအရာက မင်းဘဝမှာ အဆိုးဆုံးအရာဆိုတာလေ။မင်း ဒါကိုသာ ကျော်ဖြတ်နိုင်ရင် ဘာတစ်ခုမှ ကြောက်စရာမလိုတော့ဘူး။ဒါပေမယ့်...ဒီကိစ္စသာ ဖြေရှင်းနိုင်သွားရင် မင်းကိုယ့်ကို မလိုအပ်တော့ဘူးမလား? ဟင်”