အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

189

Unicode

ဤကား အနုနည်းဖြင့် အကျဉ်းချထားခြင်းပင်။

သို့သော် ‘တရားမဝင် ပိတ်လှောင်ထားခြင်း’ ဟူသည့် ဆိုးယုတ်သော သဘောသဘာဝကို ဖုံးကွယ်ထား၍မရသည်မှာ နှမြောစရာကောင်းလှသည်။

ပြီးခဲ့သောလကို ပြန်ကြည့်ကြပါစို့၊ ခြူးမုယွင်သည် အတန်ငယ် မိန်းမောနေသလို ခံစားခဲ့ရသည်။ နူးညံ့ပျော့ပျောင်းသည့် တိမ်တိုက်ကြီးထဲ နစ်ဝင်နေသလို သူနှင့်ထိတွေ့သမျှ အရာအားလုံးဟာ နူးညံ့ပျော့ပျောင်း၍ သက်သောင့်သက်သာရှိလှ၏။ ထို့အပြင် ကျွင်းမော့ကလည်း သူ့အပေါ် အလွန်ကောင်းသည်။ အပျင်းကြီးလာသည်အထိ အလိုလိုက်ထားသည်။ လုံးဝလိမ်ညာခြင်းမရှိ၊ ရိုးသားဖြူစင်နေသည့်အပြင် သူ၏ ပုံတူပန်းချီကားသည်လည်း ဖြည်းဖြည်းချင်း မီးလင်းလာပြီး ယခုဆိုလျှင် ထောင့်စွန်းလေး တစ်ခုသာ မီးလင်းရန် ကျန်တော့သည်။ သို့ဖြစ်ရာ ခြူးမုယွင်တစ်ယောက် ကျွင်းမော့အပေါ် သတိမထားခဲ့ပေ။

တကယ့်တော့ ကျွင်းမော့က မူလကျွင်းမော့ မဟုတ်တော့ရုံသာ။ (အရင်လို ဖြူစင်တဲ့ကလေးလေး မဟုတ်တော့ပါ။)

အတော်ကြာ နေရောင်ခံပြီးနောက် ခြူးမုယွင်မှာ နေရခက်လာခဲ့၏။ သူ၏ခန္ဓာကိုယ်က အတော်လေး အားနည်းနေသဖြင့် ရုတ်တရက် နေရောင်ပြင်းပြင်းအောက် ရောက်ရှိသွားသောအခါ အသားကို အပ်ဖြင့်ဆွနေသလို တဆစ်ဆစ် နာကျင်လာခဲ့သည်။

ခြူးမုယွင်လည်း အခန်းထဲသို့ ပြန်ဝင်လာခဲ့လိုက်သည်။ အခန်းထဲရောက်သည်နှင့် ပျင်းရိငြီးငွေ့ခြင်းများ တဖန်ပြန်လည် အုံကြွလာခဲ့သည်။ အိစက်ညက်ညောသော အိပ်ရာပေါ်သို့ ပြန်သွားကာ လှဲအိပ်လိုက်ပြ များမကြာမီ အိပ်ပျော်သွားတော့သည်။

ယင်းဖြစ်ရပ်သည် ပုံမှန်မဟုတ်မှန်း သိသာနေ၏။

သာမာန်အတိုင်း ကိုယ်ခံအားနည်းခြင်းက ဤသို့မဟုတ်ပေ။

သာမာန်လူများထက် စိတ်ဓာတ်မာကျောသော ခြူးမုယွင်ကို အသာထား။ သာမာန်လူတစ်ယောက်ဆိုလျှင်ပင် အခန်းထဲ တစ်လလောက် အောင်းနေရုံဖြင့် ဤမျှအားနည်းသွားမည်မဟုတ်ပေ။