အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

229

Unicode

ခြူးမုယွင်သည် ယဲ့ကျန့်ဟန်အား မော့ကြည့်နေလေ၏။ အသနားခံနေသည့် အမူအရာမျိုး မရှိပါသော်ငြား တစ်ဖက်လူ၏ ရင်ခွင်ထဲ ခိုနားရင်း တိုးလျညင်သာစွာ ပြောနေဟန်က သူ့အလိုလို အားနည်းပျော့ညံ့သယောင် ဖြစ်သွားစေသည်။ အရာအားလုံး ထုတ်ဖော်ပြလိုက်သည်ထက် ပို၍ ဆွဲဆောင်မှုရှိနေတော့သည်။

မည်သို့ဆိုစေ ဉာဏ်ကောင်းသူများသည် ‘အမှန်တရားကို ရှာတွေ့နိုင်ခဲ့ပြီ’ ဟူသော ခံစားချက်ကို နှစ်ခြိုက်ကြသဖြင့် လျှို့ဝှက်ချက်တစ်ဝက်၊ အမှန်တစ်ဝက် ကိစ္စများကိုသာ စိတ်ဝင်စားတတ်ကြသည်။

ခြူးမုယွင်ကလည်း လူသားတို့၏ စိတ်ဆန္ဒကို ဖမ်းဆုပ်ရာ၌ အလွန်တော်သည်။ သို့နှင့် ဇာတ်လမ်းဆင်ကာ သရုပ်ဆောင်ပြီးနောက် ယဲ့ကျန့်ဟန်က သူ့ကို တကယ်ကြီး ယုံကြည်သွားခဲ့သည်။

“အဲ့တော့…..” ယဲ့ကျန့်ဟန်က မေးလာသည်။ “လင်းရွှမ်နဲ့ ရန်ချန်းကို လက်ထပ်ခွင့်တောင်းဖို့ ကူညီပေးစေချင်တာလား..?”

ခြူးမုယွင်က ခေါင်းညိတ်ကာ.. : “အင်း..”

ယဲ့ကျန့်ဟန်က စည်းကမ်းချက်များကို လွယ်လင့်တကူ ဖော်ထုတ်နိုင်ခဲ့သည်။ : “စိတ်ကျေနပ်အောင် ပြောတာဖြစ်ဖြစ်၊ လိမ်ပြောတာဖြစ်ဖြစ် အကျုံးဝင်တယ်မလား..?”

ခြူးမုယွင်က ပြန်ဖြေသည်။ “အင်း..”

ယဲ့ကျန့်ဟန်က ပြုံးကာ.. : “မင်းကို ကူညီပေးရင် ကိုယ်ရော ဘာပြန်ရမှာလဲ..?”

ခြူးမုယွင်က သူ့ကို မော့ကြည့်ကာ.. : “အချိန်ကျလာလို့ ‘သူ ဘာဖြစ်ချင်တာလဲ’ ပြောလာတဲ့အခါ ခင်ဗျား သိရမယ်ထင်တယ်..”

ဤသို့ဖြင့် ‘ဘာမှန်းမသိသည့် အရာ’အပေါ် လွှဲချလိုက်ပြန်သည်။

Ze - ဘာမှန်းမသိသည့် အရာလေး - ro : ကျွန်တော်လည်း ဘာဖြစ်ချင်မှန်း မသိပါဘူးခင်​ဗျာ.. φ(≧w≦*)!

ယဲ့ကျန့်ဟန်မှာ သိချင်စိတ်ပြင်းပြလာသော်ငြား တခြားကိစ္စတစ်ခုအတွက် စိုးရိမ်နေမိ၏။

ဒါပေါ့၊ ခြူးမုယွင်က သဘောပေါက်သည်။ သူက ယဲ့ကျန့်ဟန်အား လေးလေးနက်နက် စိုက်ကြည့်ကာ တစ်လုံးချင်း ပြောလိုက်သည်။ : “ကျွန်တော် အသက်ရှင်နိုင်ပြီဆိုရင် ရွေးချယ်မှုတစ်ခုပဲ လုပ်နိုင်တော့မှာ..”