အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

255

Unicode

‘ခြူးမုယွင်’၏ မျက်နှာပေါ်တွင် မည်သည့်ခံစားချက်မျှ မရှိပါချေ။ သူက ပွဲကြည့်သူတစ်ယောက်နှယ် ဘာဆက်ဖြစ်မလဲ သိချင်စိတ်ဖြင့် သည်အတိုင်း ဘေးမှ ရပ်ကြည့်နေခဲ့၏။

တစ်ခဏအကြာတွင် သိမ်မွေ့ကြော့ရှင်းသော အမျိုးသားတစ်ဦး ရောက်လာသည်။ ထိုသူသည် အသားကောင်းသော်လည်း ရေလျှော်များပြီး ဟောင်းနွမ်းစုတ်ပြဲနေသည့် ပြာလွင့်လွင့်ဝတ်ရုံရှည်ကို ဝတ်ဆင်ထားသည်။ မျက်နှာအမူအရာက အတန်ငယ် ညှိုးနွမ်းနေသလိုပင်။

ထိုသူကို မြင်လိုက်သည်နှင့် ရှဲ့ချင်းလန်က ချက်ချင်း ခေါင်းမော့လာသည်။ အရောင်မဲ့နေသော မျက်ဝန်းများဟာလည်း ရုတ်ချည်းဆိုသလို အရောင်တောက်လာခဲ့သည်။

“အားယွင်..”

(TN : ဒီနေရာမှာ ရပ်ကြည့်နေတဲ့လူက အိပ်မက်ထဲက ခြူးမုယွင်ဖြစ်ပြီး ရောက်လာတဲ့ ‘အားယွင်’ ဆိုတဲ့လူက ခြူးမုယွင်နဲ့ ဘာမှမဆိုင်တဲ့ တခြားလူတစ်ယောက်ပါ။ နာမည်က ခြူးမုယွင်နဲ့ ဆင်နေတာပါ။)

ထိုသူက ခြေလှမ်းရပ်လိုက်ပြီး ရှဲ့ချင်းလန်အား စိတ်ရှုပ်ထွေးစွာ မော့ကြည့်လာသည်။ သို့သော် မျက်ဝန်းထဲမှ အချစ်ရိပ်များကား အတုအယောင် မဟုတ်ခဲ့ချေ။

ရှဲ့ချင်းလန်က ထိုသူ၏ရှေ့တွင် မတ်တပ်ရပ်လိုက်ပြီး သူ၏ မျက်ဝန်းလှလှလေးများထဲတွင် မြတ်နိုးတွယ်တာခြင်းများ ပြည့်လျှံလာသည်။ : “ကျွန်တော့်ကို ထပ်မရှောင်နေပါနဲ့တော့.. ကျွန်တော် ခင်ဗျားကို လွမ်းနေတာ..”

“ငါတို့နှစ်ယောက်က မဖြစ်နိုင်....”

ရှဲ့ချင်းလန်၏ မျက်တောင်ရှည်များ မသိမသာ တုန်ယင်သွားပြီး အလွန်လွမ်းဆွတ်နေဟန်ဖြင့် ဖြတ်ပြောလာသည်။ : “ခင်ဗျား စိတ်အနှောင့်အယှက်ဖြစ်အောင် မလုပ်ပါဘူး.. ကျွန်တော့်ကို ပြန်မချစ်နိုင်လည်း သူငယ်ချင်း ဖြစ်လို့ရသေးတယ်လေ.. ကျွန်တော်က ဒီအတိုင်း… ကျွန်တော့်ကို ရှောင်မနေစေချင်ရုံပါ..”

လူပေါ်ကြော့ကောင်လေး အရူးအမူး ချစ်မိသွားသောအခါ မြင်သမျှလူတိုင်း စိတ်လှုပ်ရှားရလောက်သည်။