ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]

{122}

Unicode

ကျိချင်းကျိုးမှာတွေးကြည့်တိုင်း ဒုက္ခများနေရတော့တယ်။ ရှန်းဝမ့်ရှီရဲ့ အတွေးတွေကို သူတကယ်နားမလည်နိုင်တော့ဘူး။ သူ့လို နာမည်ကြီး ဒါရိုက်တာကြီးတစ်ယောက်ကဘာလို့များ ခေါင်းအရမ်းမာရတာလဲ? သူသာဆန္ဒရှိရင် ဇာတ်ကောင်နေရာမှာ သရုပ်ဆောင်ချင်တဲ့သူမှ တောင်ပုံရာပုံရှိနေတာကို ဘာလို့ သူ့ကိုချည်းကပ်တွဲနေရသလဲနော် ။

သို့သော်ငြား ရှန်းဝမ့်ရှီအတွက်ကမူ သူ့ရဲ့ တီထွင်မှုတစ်ခုတိုင်းက သွေးသားရင်း ကလေးတွေလိုပင်။ထို့ကြောင့် သူကလေးတွေရဲ့ ကြီးပြင်းလာမှုအား အထိခိုက်နည်းနည်းလေးမှ မဖြစ်ချင်ပါ။ကျိချင်းကျိုးကသာသင့်တော်သည်ဟု သူထင်သည်။ထို့ကြောင့် ဒုတိယအကောင်းဆုံးတစ်ခြားတစ်ယောက်အား သူစဉ်းစားလိမ့်မည်မဟုတ်တော့ ။

ရှန်းဝမ့်ရှီက မပြောပြထားသောကြောင့်ကျိချင်းကျိုးကဒါတွေမသိပေ။ထို့ကြောင့် ဒီရုပ်ရှင်ကို အကြိမ်ကြိမ်ငြင်းပယ်ချပြီး သူ့အကြံပေးချက်ပေါ် ခဲရာခဲဆစ်လုပ်နေခြင်း။

နောက်နေ့ရှန်းဝမ့်ရှီ ရိုက်ကွင်းကိုသွားသည့်အချိန် ချူချန်ဆိုသူဟာ သူအရင်က ထိုင်သည့် နေရာမှာထိုင်ပြီး ကျိချင်းကျိုး ရိုက်ကူးရေးလုပ်တာကို ထိုင်ကြည့်နေသည်။အဲ့နေရာကလည်း အနားယူတဲ့ နေရာအတွင်း အကောင်းဆုံးနေရာတစ်ခု။ရှန်းဝမ့်ရှီမှာ ဖယ်ဖို့ ပြောလိုက်ချင်ပေမယ့် တကယ့်တကယ်တော့လည်း အဲ့နေရာက သူ့အပိုင်ဟုတ်မနေ၍ ချူချန်ဘေးမှာသာ ထိုင်ချရတော့သည်။

ချူချန်သည် သူ့ဘေးမှာ သဘာဝကျသလိုလို ဝင်ထိုင်လာသည့် ရှန်းဝမ့်ရှီကို ကြည့်ကာ မေးမြန်းလိုက်တယ်။

“ဒါရိုက်တာရှန်း...ငါ မှတ်ထားတာမမှားရင် မင်းကို ကျိချင်းကျိုးငြင်းလိုက်ပြီးပြီမဟုတ်ဘူးလား?”

ရှန်းဝမ့်ရှီသည် သူ့ကို စောင်းကြည့်၍ အထင်းသေးစွာ ပြောလိုက်တယ်။

“မင်းက သူ့မန်နေဂျာမို့လား”

ချက်ချင်းဆိုသလို ရှောင်ချန်းလေး တုန်ရီသွား၏။

သူ့စကားကြားချိန် ချူချန်က ထရယ်သည်။

“ငါက သူ့ရဲ့မန်နေဂျာတော့မဟုတ်ပေမယ့် သူ့ရဲ့အုပ်ထိန်းသူပါ”