Miss Super High Standards (Season 2)

CHAPTER 54

Czarianne POV

"Czar?" Rinig kong tawag saakin ni Allen kaya nilingon ko siya.

Nasa kotse niya kami ngayon at kasalukuyan siyang nagmamaneho habang yung dalawang bata naman ay nasa likod at nakaupo sa baby seat habang sumasabay sa nursery rhyme na pinapatugtog ni Allen mula sa radyo niya dito sa loob ng sasakyan.

"Gusto niyo ba sumama saakin doon sa venue?" Tanong niya saakin.

Nagpaalam na din siya saakin kanina na sasamahan niyang magpractice sina Jellian doon sa venue kung saan gaganapin yung concert nila bukas.

"Hindi na siguro. Makukulit pa naman ang mga batang 'yan baka makaabala lang kami doon" sabi ko.

Ayoko din na malaman ng iba na may anak na saakin si Allen dahil paniguradong malaking gulo 'to lalo na't siat na sikat siya. Ayokong bigyan siya ng problema at ayoko din masira lahat ng mga pinaghirapan niya.

Katatapos lang din namin mamasyal at medyo napagod din ako pero nakapagpahinga na naman ako ngayon. Sa labas na din kami kumain ng tanghalian at sina Czallen naman mukhang hindi pa rin nauubusan ng energy at panay pa rin ang likot, nangingibabaw nga ang boses nila dito sa loob ng sasakyan.

"Hindi kayo makakaabala doon" sabi niya at hindi ako agad nakasagot dahil nilingon ko muna ang dalawang bata.

"Czallen, Czallie. Gusto niyo sumama kay daddy?" Tanong ko sakanila kaya natigil sila sandali sa pagkanta at tinignan ako.

"Opo!" Sabay nilang sagot pero agad din nagsalita ulit si Czallen.

"But mom-i, if you are tired na po stay na lang po tayo sa... Sa bahay" sabi niya sa cute na cute na boses.

"'indi... Hindi ka po namin ku... Kukulitin na sumama kay dad-i" sabi naman ni Czallie na nahihirapan pa din managalog kaya bahagya akong napangiti.

"Tama nga naman sila, asawa ko. Baka mas lalo ka lang mapagod kapag sinama ko pa kayo doon, kailangan mo pa din magpahinga" malumanay na sabi ni Allen kaya umayos ulit ako ng upo at tinignan siya. "Dalhin ko na lang kayo sa bahay nina tito, hindi ko kayo pwedeng iwan doon sa bahay na kayong tatlo lang" sabi niya ulit kaya nginitian ko siya.

"Salamat" sabi ko kaya nakangiti niya naman akong mabilis na tinignan.

"You are always welcome, asawa ko. Kukunin ko na lang ulit kayo doon pagkatapos namin" sabi niya kaya tumango ulit ako.

Kinuwento niya naman saakin bigla lahat ng ginagawa nila tuwing papalapit ang concert nila habang binabaybay namin ang daan papunta sa bahay nina mama. Pero habang nagkukwento si Allen, napapangiti ako dahil ramdam ko na minahal jiya talaga ang trabaho niya ngayon kahit sobra siyang napapagod.

Nakarating kami sa bahay nina mama saktong twelve thirty, at pagbukas na pagbukas ni Allen sa pintuan ng kotse agad na nag-unahan ang dalawang baya papasok sa bahay.

"Mag-ingat kayo" paalala ko sakanilang dalawa nung bigla silang tumakbo.

"Asawa ko" napalingon naman ako kay Allen ng ilahad niya saakin ang kamay niya kaya tumawa ako dahil bahgaya pa siyang nakayuko na parang isang prinsipe.

Hinampas ko muna siya ng mahina sa balikat bago ko inabot ang kamay niya. "Parang ano 'to" kunwareng naiinis kong sabi pero hindi ko napigilan ang ngumiti.

"Tara na mahal na asawa...ko" sabi niya kaya itinago ko na lang ang mukha ko sa braso niya habang parang bola naman na pa bounce-bounce ang puso ko. "Magpahinga ka ulit aking asawa dahil mamaya..." Sabi niya at ramdam kong bahagya niyang inilapit ang bibig niya sa tenga ko kaya lumayo ako ng konti dahil nakikiliti ako. "Papagurin kita" pabulong niyang sabi kaya nanlalaki ang mga mata kong tumingin sakanya bago ko siya malakas na hinampas dahilan para mapalayo siya ng konti saakin.