Killy's POV.
Nang makarating ako sa bahay, hindi muna ako pumasok sa loob. Nakaharap lang ako sa pinto dahil may kakaiba akong nararamdaman.
Parang... May nakatingin sa akin mula sa malayo.
Sige lang pagmasdan n'yo lang ang kagandahan ko, tignan ko lang kung hindi kayo maglaway.
May naramdaman akong kakaibang hangin sa likuran ko kaya naman napalingon ako roon, pero wala naman akong nakita. No'ng humarap na ako...
"Ay, demonyong guwapo!" Gulat na wika ko nang makita ko sa harap ng pintuan si kuya, pero bakit hindi ko siya napasin? Ni hindi ko nga rin naramdaman ang pagbukas ng pinto.
"Gano'n na ba ka-obvious ang kaguwapuhan ko?" Malamig na tanong niya pero mararamdaman mo sa boses niya ang KAYABANGAN.
"Letse! Tumabi ka nga sa daraanan ko!" Tinabig ko siya dahilan para mapalayo siya sa pintuan.
Umakyat 'agad ako sa kuwarto ko, remember? Ayoko silang makita. Kinuha ko ang iPad ko at nagsimulang magpatugtog. Ang kantang napili ko ay 'That's What I Like By Bruno Mars'.
Sinabayan ko 'yong kanta at sumayaw-sayaw pa ako sa harap ng salamin pero natigil ang kasiyahan ko nang biglang may kumatok sa pinto ng aking kuwarto.
Sino naman kayang hampas-lupa ang may lakas ng loob na gambalain ang magandang tulad ko?! Baka gusto niyang ihampas ko siya sa lupa bwisit siya! Nagsasaya ako rito, eh!
Zack's POV
Pipigilan ko sana si Kill na umakyat sa taas pero naunahan ako ng kaba ko kaya hindi ko na siya napigilan. Napabuntong-hininga na lang ako at na-upo sa sofa sa gilid at napayuko.
How can I fix this family problem?
"May problema ba anak?" Napaangat ang tingin ko ng marinig ko ang boses ni Mom.
"U-uh... Nothing, Mom." Pinilit kong ngumiti sa harap niya.
Napataas ang kilay niya at tumingin sa mukha ko na parang binabasa ang isip ko kaya naman umiwas ako ng tingin. Alam ko ang tingin na 'yon. Alam niyang nagsisinungaling ako.
"'Wag mo akong niloloko, Henry Zack Killton Nightblood." Nakakainis talaga kapag may tumatawag sa akin sa buo kong pangalan.
"Mom! Alam mo naman pong ayokong kinukumpleto ang pangalan ko!" Inis na sabi ko.
Hindi naman sa napapangitan ako sa pangalan ko, pero hindi ko talaga gusto na naririnig siya ng buo. It's too long! Zack is fine.
YOU ARE READING
Half Blood Academy (School Of Half Bloods)
Fantasy[COMPLETED] Isa itong paaralan na hindi maaaring makita ng isang ordinaryong tao. Tanging mga Half Bloods lang ang maaring makapasok. Isang paaralan na magiging saksi sa paglalaban, pagmamahalan, paghihirap, at pagigingsawi ng ating mga bida **** Is...
