SUN { Season 1 }

SUN { 6 }

အရုဏ်ဦးစအချိန် . . . ။
    
အိပ်ရာနှင့် ကျောပြင် ကင်းကွာလာ၍ ညစ်နေသော စိတ်သည် ဝါဂွမ်းစလေးကို တွေ့တာနှင့် အစ ရှာမရအောင် ပြေးထွက်သွားတော့သည်။

သာမန် နေ့တွေနှင့် မတူ ပါးပြင်ပေါ် ကွက်ထားသော သနပ်ခါး ထူထူ ပါးကွက် နှစ်ခုက အထင်အရှား။ မနက် စောစော ထလာရသော်လည်း မျက်နှာတော် နုနုဟာ လပြည့်ဝန်းလို အေးချမ်းနေသည်။

သူ့လိုပင် ဝတ်ခဲလှသော လည်ကတုံး အဖြူ၊ နိညိုရောင် ပုဆိုးကို ဆင်မြန်းလာသဖြင့် နှစ်ယောက်သား မတိုင်ပင်ဘဲ ဆင်တူသွားသည်။ ရင်ဘတ်ထဲက လှိုက်ခနဲ။ ကြည်နူးမှု ဆိုတာ ထိုအရာကို ခေါ်ခြင်း ဖြစ်လိမ့်မည်။

မြန်မာ့ရိုးရာ ယဉ်ကျေးမှုနှင့် အညီ မြန်မာ့ဟန်ပန် အပြည့် ရှိနေသော ကောင်လေး။ တကယ်လို့များ ဂျပန် နိုင်ငံ၏ ရိုးရာ ကီမိုနိုကို ဝတ်ဆင်လိုက်မည် ဆိုလျှင်ရော . . ။

"အယ်တော့ . . မျက်လုံးကြီး ကျွတ်ကျတော့မှာပဲ"

မာယာက ရိသဲ့သဲ့ စနောက်သည်။ ငြိမ်ခံတတ်သူ မဟုတ်တော့ သာမန် အချိန်သာဆို စကားလုံးတွေ သုံးကာ အစ်မဖြစ်သူကို အနိုင်ပိုင်းမိလိမ့်မည်။ သို့သော် မျက်စိ ရှေ့က အသက်ဝင် ပန်းချီကားလေးကို အကြည့် မလွှဲချင်။ အစ်မဖြစ်သူနှင့် ငြင်းခုံဖို့အထိ နေသူရိန်မင်းခန့် နှမြောနေမိသည်။

ထည်ဝါမှု အငွေ့အသက်တို့ တိတ်တဆိတ် ကြွေဆင်းလာသည် ထင်မိသည်။

ခြေလှမ်းလိုက်တိုင်း ပုဆိုး အောက်က ထွက်ပေါ်လာတတ်သော ခြေဖနောင့် ရဲရဲလေးတွေ။ နဖူးပေါ် သဘာဝဆန်စွာ ဝဲကျနေသော ဆံစတွေ။ လှစ်ခနဲ ပြုံးပြလိုက်သည့် အေးချမ်းသော အပြုံး။

သူ့အတွက်တော့ မဟုတ်။

"အိုဟားယိုး မမ"

"အိုဟားယိုး Yang Yang"

ပထမဆုံး ဝတ်ဖူးသော မြန်မာ ရင်ဖုံးနှင့် လုံချည်သည် မာယာနှင့် တော်တော်လေး လိုက်ဖက်ကာ မျက်လုံးထဲ တစ်မျိုး အမြင်ဆန်းစေသည်။ အကြိုက်ဆုံး အရောင် ဖြစ်သော အပြာနုကို ဝတ်ဆင်ထားသဖြင့် မဟာဆန်ခြင်းနှင့် နုနယ်ခြင်း ဝေါဟာရတို့ အကြား အစွမ်းကုန် လှပနေသည်။ လိုက်ဖက်ပါဘိ။