အရေးမစိုက်တဲ့ တရားဝင်သမီး(ဘာသာပြန်)

Chapter9(Unicode&Zawgyi)

ရွှီရှင်းတောသည် မတ်တပ်ရပ်လိုက်ပြီး ဆရာ့ကို ကြည့်လိုက်သည်။

ရှန်းကျုဟန်သည် ရွှီရှင်းတောတစ်ယောက် ရွာကျောင်းတွင် ပညာသင်ခဲ့သည်ကို သိသည့်အတွက်
သူမဟာ အင်္ဂလိပ်စာ အများကြီး မသိဘူးဟု သူထင်ခဲ့သည်။ ထို့ကြောင့် သူသည် "ကောင်းမွန်သော ရည်ရွယ်ချက်များ" ဖြင့် ဆရာ့ကို သတ်ိပေးလိုက်သည်။

"ဆရာ ကျေးဇူးပြုပြီး ဖြည်းဖြည်း ပြောပါ။ ကျောင်းသူသစ်က နားလည်မှာမဟုတ်ဘူး"

နိုင်ငံတကာအတန်း၏ သင်ရိုးတစ်ခုလုံးသည် အင်္ဂလိပ်လို ဖြစ်သည်။ ရှန်းကျုဟန်သည်လည်း ဆရာ့ကို အင်္ဂလိပ်လို ပြောနေ၏။

ဆရာလည်း ခေါင်းငြိမ့်ကာ ဖြည်းဖြည်းချင်း မေးလေသည်။

ရွှီရှင်းတောသည် သူတို့ကလေးဘဝကတည်းက ထုန်းယန်နှင့် ခန္တာကိုယ်ချင်း လဲလှယ်နေခဲ့ကြတာဖြစ်သည်။သူမသည် အတန်းတက်ရန် ဤနေရာကိုမကြာခဏလာလေ့ရှိသည်။ သူမသည် အင်္ဂလိပ်လိုသင်ကြားခြင်းကို အချိန်အတော်ကြာနေသားကျနေခဲ့ပြီဖြစ်သည်။ သဘာဝကျကျပင် သူမသည်၎င်းနှင့်ပတ်သတ်ပြီး ကျင့်သားမရခြင်းမဖြစ်ပေ။

သူမသည် တည်ငြိမ်စွာ ဖြေလိုက်ပြီး သူမတွင် ကောင်းမွန်သည့် အင်္ဂလိပ်အပြောစွမ်းရည်ရှိ၏။
သူမဟာ အင်္ဂလိပ်စာတွင် အခြေခံကောင်းရှိသည်ဟု ဆရာက ပြောနိုင်ပြီး 'တရုတ်' လို ဝဲသံတောင် တစိုးတစ်စိမျှ မပါပေ။ သူမသည် နိုင်ငံခြားတွင် နှစ်ပေါင်းများစွာ နေထိုင်ခဲ့သလို ကျွမ်းကျွမ်းကျင်ကျင် ပြောဆိုနိုင်၏။

ကျားဟွာ နိုင်ငံတကာကျောင်းသည် မူကြိုကတည်းက ဘာသာစကား နှစ်မျိုးသင်ကြားခြင်းကို စတင်ခဲ့တာဖြစ်ပြီး သူတို့၏ကျောင်းသားများ ငယ်စဉ်ကတည်းက ဘာသာစကားပတ်ဝန်းကျင်တစ်ခုကို ပျိုးထောင်ထားခဲ့တာ ဖြစ်သည်။

နိုင်ငံတကာအတန်းသည် မူကြိုမှစပြီး ကျောင်းသားများ စာရင်းသွင်းရတာဖြစ်ပြီး အတန်းသည် အထက်တန်းကျောင်းအထိ ဆက်သွားတာဖြစ်သည်။ ထိုဟာပြီးလျှင် အချို့ကျောင်းသားများသည် ပူးပေါင်းထားသော နိုင်ငံခြားတက္ကသိုလ်များသို့ ပို့လွှတ်ခြင်းခံရလိမ့်မည်။ နိုင်ငံတကာတန်းခွဲလေးကဲ့သို့ အခြေခံအားဖြင့် သူတို့အားလုံးကို နိုင်ငံခြားဆရာများက သင်ကြားပေးတာဖြစ်သည်။
အတန်းထဲရှိ ကျောင်းသားအများစုသည် မူကြိုမှစ၍
နိုင်ငံတကာအတန်းများကို တက်ရောက်ခဲ့ကြသည့်အတွက် ပြောစရာပင် မလိုအောင် သူတို့၏ အင်္ဂလိပ်အပြောစွမ်းရည်မှာ ကောင်းမွန်ကြသည်။