UNICODE
"ပြီးခဲ့တဲ့တစ်ခေါက် ကျွန်တော်တို့ ညစာတူတူစားတုန်းကလေ မော့နိုင်က ကျွန်တော့်ကို သူ့ကောင်လေးဖြစ်ပေးဆိုပြီး အပူကပ်တယ်... ကျွန်တော့်မှာ ကောင်မလေး လေးယောက်ရှိပြီးတာတောင် ငါးယောက်မြောက်ဖြစ်ချင်တယ်တဲ့ အဲ့အချိန်မှာ ချူယန်က ရောက်ချလာတော့ ကျွန်တော်လည်း အကြံရသွားပြီး ချူယန်ကို ဆွဲပြီးတော့ ကျွန်တော်က ယောကျာ်းတွေကို သဘောကျတယ်ဆိုပြီး လိမ်လိုက်တယ်... အဲ့တော့ ဒါက မော့နိုင်ကို ကျွန်တော်လိမ်ထားတာ"
ယဲ့ချင်းရန်က အများကြီးပြောလိုက်ပေမယ့် ဟဲစီကျိုးက မလှုပ်မယှက်ရှိနေတုန်းပင်....
သူက အဓိပ္ပါယ်အပြည့်နဲ့ ထိုစကား လေးလုံးကို ပြောလာသည်။ "ငါနားလည်ပြီ"
ယဲ့ချင်းရန် ချွေးပြန်သွားသည်။ "ကျွန်တော့်ကိုမယုံဘူး? ဒါဆို ညလယ်စာစားပြီးရင် ပြန်ပြီး ချူယန်ကို သွားမေးရအောင်"
ဟဲစီကျိုးက ငြင်းလိုက်၏။ "ငါက သူ့ရဲ့အကြီးမားဆုံးလျှို့ဝှက်ချက်ကို သိထားတာကို သူသိသွားရင် ဘာဖြစ်မလဲ?"
ယဲ့ချင်းရန်က ပြောလိုက်သည်။ "အစ်ကိုမသွားဘူးဆိုရင် အစ်ကိုသိထားတဲ့အကြောင်း ကျွန်တော်ပြောလိုက်မှာ... သူလည်း သိဖို့လိုတယ်လေ... အစ်ကို ကျွန်တော့်ကို ယုံရမယ် အဲ့နေ့က ကျွန်တော်တကယ်ကို အလျင်လိုနေတာ"
သူမ ဂရုမစိုက်ပါ။ ထို့အပြင် စောင့်နေလို့လည်းမဖြစ်ဘူး။ သို့သော်ငြားလည်း ချူယန်က သေချာပေါက် ကြိုက်မှာမဟုတ်ပေ။ ဒီဟာက ယခုလက်ရှိ သူတို့ဆက်ဆံရေးကို ထိခိုက်နိုင်သည်။ ထို့ကြောင့် မေ့လိုက်တာ အကောင်းဆုံးပင်။
ဟဲစီကျိုးက တွေးပြီးနောက် သဘောတူလိုက်သည်။ သူခေါင်းငြိမ့်လိုက်၏။ "ဟုတ်ပြီ အဲဒါဆို ခဏနေ မင်းနဲ့လိုက်ပြန်ပြီး မေးလိုက်မယ်"
*****
ယဲ့ချင်းရန် ပြန်လာတော့ ချူယန်နှင့် တည့်တည့်တိုးလေသည်။
ချူယန်က ဒီညကို ဗီလာမှာ ညအိပ်သည်။ သူတို့ပြန်လာတော့ ချူယန်က စာကြည့်ခန်းထဲတွင် ဖြစ်၏။
YOU ARE READING
နိုးထလာသော သန်မာသည့် အမျိုးသမီး ဇာတ်ရန် MM Translation
Romanceယဲ့ချင်းရန် နိုးလာတော့ သူမက စာအုပ်ထဲ ကူးပြောင်းသွားတာကို သိလိုက်ရတယ်။ သူမက ဂုဏ်မောက်ပြီး ဗိုလ်ကျတတ်တဲ့ ဆိုးဝါးတဲ့ ဗီလိန်ပါပဲ။ ဗီလိန်တွေရဲ့ ထုံးစံအတိုင်း အသေဆိုးနဲ့သေရမယ့်သူပေါ့ သူမ မကူးပြောင်းလာခင်တုန်းကတော့ သူမက သူမရဲ့ မိသားစုမှာ ဆက်ခံသူဖြစ်သည်။ သူ...
