Code 15:Greatest Mistake
Chapter 25- နှလုံးလှရေကန်စောင့်ရှောက်သူနှင့်တွေ့ခြင်းမဟူရာကျောက်တုံးတောင်တန်းဒေသကား ကျောက်တုံးကျောက်ဆောင် ထူထပ်ကာ သစ်ပင်အနည်းငယ်သာရှိသည်။ သို့သော် မှော်စွမ်းအင်အထူထပ်ဆုံးနေရာတစ်ခုဖြစ်ပြီး ကျင့်ကြံခြင်းအတွက် အကောင်းဆုံးနေရာတစ်ခုဖြစ်သည်။
ကျင့်ကြံသူအများစုမှာ နဂါးအဆင့်သို့ရောက်သည်နှင့် လေ့ကျင့်ရန်အတွက် တောင်တန်းဒေသသို့ လာရောက်လေ့ရှိကြသည်။ မှော်စွမ်းအင်ထူထပ်ခြင်းအပြင် တောင်တန်းဒေသပေါ်တွင်
ရှိနေသည့် အမျိုးမျိုးသော သဘာဝရတနာများကလည်း ထိုပညာရှင်များ၏
ကံကြမ္မာကို ပြောင်းလဲသွားစေနိုင်သည်မဟုတ်လား။တောင်ကုန်းလေးတစ်ခုကို ဧရာမသတ္တုရုပ်ကြီးက ပြေးတက်နေသည်။ သတ္တုရုပ်ကြီး၏နောက်ကျောမှ ရေနွေးငွေ့များပြုံထွက်နေပြီး အဆုံးအစွန်စက်အားကို အသုံးပြုထားရကြောင်းဖော်ပြနေသည်။
"မမလေး စင်သီယာ၊ ကျွန်တော်တို့က
ဘယ်အထိသွားမှာလဲ။ ဒီလောက်နက်တဲ့နေရာကို နဂါးအဆင့်တွေတောင်တော်ရုံမလာရဲကြဘူး။"သတ္တုဂေါ်လမ်ကြီး၏ လူနေရန်ပြုလုပ်ထားသော အခန်းထဲတွင် မင်းသားသီးဆီးယပ်က ထိုင်နေရင်းမေးလိုက်သည်။
အစက စင်သီယာမှာ သူ့ကိုမလိုက်ခိုင်းခဲ့သော်လည်း ထိုအကောင်ကအတင်းတွယ်ကပ်နေသောကြောင့် ရွေးချယ်စရာမရှိဘဲ ဂေါ်လမ်ပေါ်တင်ခေါ်လာရခြင်းဖြစ်သည်။ ထိုအကောင်မှာ ခွန်အားနည်းကာ နှာဘူးကျသည့်အပြင် အလွန်အမင်းလဲ ခေါင်းမာလေသည်။
စင်သီယာက...
"ငါက အနက်ဆုံးအပိုင်းမှာရှိတဲ့ နဂါးအသိုက်ကိုသွားမှာ။" နဂါးအသိုက်ဆိုသည့်စကားကိုကြားသည်နှင့် သီးဆီးယပ်မှ
ငြိမ်ငြိမ်မနေနိုင်တော့ဘဲ ရောယောင်ကာထိုင်ခုံမှ ထလိုက်မိသည်။ ဂေါ်လမ်ကအမြန်နှုန်းဖြင့် သွားလာနေသည့်အတွက်ကြောင့် အီနားရှားဒဏ်ဖြင့် သီးဆီးယပ်မှာ ကျည်ကာမှန်အမိုးနှင့်ဝင်ဆောင့်မိတော့သည်။"အားယိုးယိုး..." သူက ဘုထသွားသော
သူ၏ခေါင်းကိုဆုပ်ကိုင်ရင်း ပြောလိုက်သည်။
YOU ARE READING
Code15:What is wrong with my daughter
Adventureမေမေတစ်ယောက်အနေနဲ့ အမွှေစိန်သမီးလေးတစ်ယောက်ကို ထိန်းရတာမလွယ်ပါဘူး။ အထူးသဖြင့် တအားတော်တအားတတ်ပြီး စွမ်းအားကြီးလွန်းတဲ့ သမီးလေး စင်သီယာလို ကောင်မလေးတစ်ယောက်ကိုပေါ့။ မူရင်းရေးသားသူ- သော်လွင်ကိုကို Suchende စိတ်ကူးယဥ်စကြာဝဠာ