{Unicode}
အခန်း ၃၀: စွန့်ပစ်ခံကလေးငယ်
ပုံမှန်အတိုင်းပဲ နင်နင်မနက်အစောကြီးနိုးထလာခဲ့တယ်။ ဒါပေမဲ့ဒီနေ့မှာတော့ သူမထက်ပိုစောစောနိုးနေတဲ့လူရှိနေတယ်။
ပြီးတော့အဲ့ဒါကတစ်ယောက်တည်းမဟုတ်ပေ။
"ရှင်တို့ဘာလုပ်နေကြတာလဲ?" ခြံဝန်းထဲမှာစုဝေးနေကြတဲ့လူအုပ်ကြီးကိုတွေ့လိုက်ရတော့ နင်နင်မေးလိုက်တယ်။
လူတွေကဘာမှမပြောဘဲ သူမကိုထူးဆန်းတဲ့အမူအရာတွေနဲ့စိုက်ကြည့်လာကြတယ်။
နင်နင်လည်းသူတို့ကိုခဏလောက်ပြန်ကြည့်နေပြီးမှ ခေါင်းကိုဖြည်းဖြည်းချင်းလှည့်လိုက်တယ်။ အဲ့ဒီအချိန်ကျတော့မှ သူတို့ကြည့်နေကြတာသူမကိုမဟုတ်ဘဲ သူမရဲ့အနောက်ကဝမ်ယွီကိုဆိုတာကို သဘောပေါက်သွားရတယ်။
ဝမ်ယွီကသူမဆီကိုပြေးလာပြီး ပွေ့ဖက်လာတယ်။ ပြီးတော့သူခေါင်းငုံ့ပြီး အရှေ့နားကမြေကြီးပေါ်မှာလှဲလျောင်းနေတဲ့မိန်းမလှလေးကိုကြည့်လိုက်တယ်။ သူမရဲ့မျက်နှာပေါ်မှာရှိနေတာက သွေးတွေဖြစ်တယ်။
ဆရာဝန်တွေ၊ ရဲတွေ၊ သတင်းထောက်တွေရောက်လာခဲ့ကြတယ်။ ဗရုတ်ကျတဲ့နေ့တစ်နေ့ကုန်ဆုံးသွားတယ်။ ဒါရိုက်တာက စားပွဲကိုထုပြီးပြောလာတယ်။ "ရက်နည်းနည်းလောက်နေရင် ရိုက်ကူးရေးစတော့မှာကို ဒီလိုကိစ္စမျိုးဖြစ်သွားရတယ်လို့!"
မိန်းမလှလေးသေသွားပြီဖြစ်တယ်။
ပြဇာတ်ရုံကအဲ့ဒီအမှုကြောင့် ချိတ်ပိတ်ခံထားရတယ်။ ပြဇာတ်ရုံထဲမှာနေနေခဲ့ကြတဲ့ အဖွဲ့သားတွေအကုန်လုံး အတင်းအကျပ်နေရာပြောင်းခဲ့ရတယ်။ ဘယ်အချိန်ကျမှပုံမှန်အခြေအနေပြန်ဖြစ်မလဲဆိုတာကို ဘယ်သူမှသေသေချာချာမသိကြပါချေ။
ချန်ကွမ်းချောင်လည်း မျက်ကွင်းတွေမည်းညိုနေတယ်။ သူနံရံပေါ်မှီပြီး ခေါင်းငုံ့ကာစီးကရက်ဖွာလိုက်တယ်။ ပြီးတော့ သူရုတ်တရက်ခေါင်းပြန်မော့လာတယ်။ "ဒီကိစ္စကလုံးဝကြီးမကောင်းတာတော့မဟုတ်ဘူး"
ဒါရိုက်တာကသူ့ကိုစိုက်ကြည့်လိုက်တယ်။ "မင်းဘာပြောချင်တာလဲ?"
YOU ARE READING
ငါဒီရုပ်ရှင်ထဲကူးပြောင်းလာဖူးတယ် « 这个电影我穿过 »
Mystery / ThrillerFan translation of 这个电影我穿过 [I've Transmigrated Into This Movie Before] Author 梦魇殿下 [Mèngyǎn diànxià (Her Highness, the nightmare)] Status in COO 174 Chapters (+ 2 Extra Chapters) ©️ Cover illustration is fully credited to Z...
