شاعر لعيون القصيد

البارت 1

كلنا نعيش مشاعر حلووة في سفرة الرمضان الي تجمع كل الأحبة ننتظر الاذان بفارغ الصبر وبعد الفطور تجمعنا السحور وعلى توالي رمضان لين نوصل اخر يوم رمضان ونختمها بعبارة"ما حسينا اشلون مر"وكانت تجمع و عايلة ابو جاسم جو مشابه لهاذا الجو ملتمين ب سفرة الفطور بتاريخ تسع وعشرين رمضان يفطرون وملهوفين لأجواء العيد الي مستحيل احد ينساها من جمالها وننتظرها طوال رمضان
اذن المغرب وسمو بالله وبدأو ياكلون وبطلنا كان قاعد بينهم ويفطر بسرعة وهو شايق من الشوق طوال رمضان شايق لوحدة ما قد عمرها شافها ولا لمحها عاش وكبر حبه بقلبه عبر القصايد ،وكان يعد اليالي ليلة ليلة لاجل يوصل لليلة العيد الي بيرهف قليه بقصيدة ملهوفته
همس له صقر  :بشويش يا رجال بشوييش لا تغص وانت تااكل
حيدر خلاص مستعجل حييل :مو قاتدر يا صقر مو قادرر ملهووف ابشوف لو عيد ولا لاا
صقر:اشوفك مستاانس حييل بالعيد، اول مررة هااه
حيدر : الشووق وانا اخوك الشووق ذابحني و واصل لاقصاه
صقر كانت بيتكلم بس شاف ابوه يناظره وقال بهمس :كل زي ناس ولا بهفك كف بوجهك يا حيدر ترا ابوي يناظر فيك
ابو جاسم بصوت عالي :شبلااك تاكل وكنه في احد يركض وراك كل زيي النااس يا حيدرر ولا ببلعك العصا هاذااا
حيدر  وقف وهو يبلع الي بفمه :ابشر يبه بس جوعان
الجد :خل الولد ياكل براحته
ابو جاسم : ذا الولد مو معدل مب عيال عبدالله الي يكونو كذا كنهم وراعيين للحين تعبت وانا اعلم فييه
الجد :صايم المسكين
ابو جاسم صد بنظره وسكت عشان ابوه
وصقر ضحك. وقال:تستاهل عشان ثاني مرة تسمع كلامي ،هات سمبوسة هاات بسس
حيدر عطاه سمبوسة وشرب موية وقام وهو يقول الحمدلله
وجري بسرعة عند الحريم وهو يتنحنح عشان حريم إخوانه يلبسون طرحهم ودخل بعدها وقعد يدور الريموت
ام عادل :خيير خير ورااك وش تدور
حيدر :يممه ويينه الريموت، بسرعةة
ام عادل :مدري والله شف هناك
حيدر كان يدور بس وقف بمكانه وهو يتذكر في صبح شافه مع دلال :دليين ويين الريمووت كان معتس في صببح اييه والله كان معتس انتيي قوولي وينه بسرعةة
دلال كانت تاكل وهي لسه مو مصحصحة ولفت له وهي بفمها السمبوسة وقالت بفهاوة :هاه
حيدر :قولي وين الريمووت ،بسرعةة كان معتس انتيي
دلال :مدري اسال عهد
ورجع حيدر يدور وهو يقول:يوووه يا دليين بتجلطييني انتيي
قامت شوق تدور مع اخوها ولقت الريموت فوق التلفيزون شالته ومدته :تفضلل يا عيون اختك
حيدر شاله منها بفرحة وهو يقول :ويلومووني بحبتس
وبسرعة غير القناة للاخبارية عشان يعرف اذا بكره عيد ولا لا
سارة تغمز لشوق :اول مرة نشوفك متحمس للعيد وش ورااه
شوق تضحك :عيون القصيد يا سويير عيون القصيد شبلااتك نسيتي
حيدر عيونه بالتلفزيون :يووه شبلاهم ذول يسولفون عن بريطانياا شعلينا منهمم خلي يقولون لنا لو عيد ولا لااا
الجدة :اخلص يا حيدر تراا لو جت الساعة 8 اخذ الريموت غصب علييك تفهم ولا لا
حيدر يغير القناة :افهم يا جدة افهم،  بس خل اعرف لو عيد ولا لا
شوق:اصبر يا رجال خلي يغيب الشمس كامل وشبلاك مستعجل
حيدر ناظر لها :افف وش يصبرني اناا
شوق:معليك هات الريموت وابشر بعزك ابقعد واشوف الاخبارية لين يعلنو
حيدر رمى الريموت لها :خذيي ولا تعطيينه للجدة والله ما عاد تعطيتس ياهاا بعدين وانا طالع السطح اذا اعلنو انه بكره تعالي وخبريني واذا قالو بعد بكره لا تخبريني طيب
شوق :ابشر ابشر رح انت
راح حيدر والحريم يضحكون عليه
عهد :عمي صار مجنون في هاذي عيون القصيد
سارة :هو مو شايفها ومجنون كذا لو شافها وش يصير فيه ،ينجلطط
يقين :يالله بسرعة بناات نخلص عشان نسوي المعمول وننظف البيت اذا بكره عيد او لا بنسوي المعمول من بدري
ام جاسم :وانتي صاادقة هاذا كلام ال زين عشان تلحقو على باقي الشغل