شاعر لعيون القصيد

البارت 41

ظلمت المكان وكنه بياذن المغرب الحين لكن بالحقيقة للحينه الصباح بأوله
لكن الغيوم غطت السماء تعلن عن نزول المطر
وحيدر كان مثل ما هو ماله نية يرجع البيت
جا امجد وهو يناظر السماء:شكله بيمطر
حيدر ناظر السماء :ابتدا موسم الامطار
امجد :خل نرجع البيت مندري يمكن يطول المطر
حيدر :انت رح انا قاعد هنا يمكن تجي شموخ
امجد:جايين بنفس السيارة اشلون تبي اروح واخليك لوحدك هنا اشلون بترجع؟!
تنهد حيدر:طيب خل نقعد احسن من ان تنزل علينا المطر ونحن بالطريق
امجد:تمام بس خلني اتصل على رامي وابلغه اننا بالمزرعة وما بنرجع لا يخاف عمي
حيدر:طيب
مشي امجد وحيدر ناظر السماء بتنهيدة وهو يقول :عسى المطر يجيب معه الغايب 
تساقطت حبات المطر بغزارة
وحيدر للحين عنده امل ان ممكن تجي شموخ
رغم ان ب بعيدة انها تجي وخاصة ان قاعد يمطر
وبهالاثناء كانت شموخ تناظر المطر من الشباك وهي مبتسمة
وتذكرت حيدر بهاللحظة وتنهدت تنهيدة من قلبها
وقفلت الشباك ومشيت

وقفت المطر بعد ما بللت ارض الديرة كلهاا
والهدوء الي ما بعد المطر ملي المكان ما ينسمع الا لصوت قطرات المطر وهي تطيح بالارض
رفع الاذان
وهنا ايقن حيدر انها صدق ما بتجي
وامجد الي حزن عليه وقال:اذا تبي خل ننتظر شوي وبعدين نحرك
حيدر:لا لا خل نحرك عشان نلحق الجماعة
امجد:طيب
مشيو ثنينهم وحيدر ما زال به شوية امل ان ممكن تجي يمشي قدام وهو نظرته ورا
لكن ابد

فبيت ابو جاسم في حين الي الكل عرفو بأن عند حامل بتؤام كانو مستاانسين ومحد مصدق ابد وبعد ما الحزن دخل بينهم لشهور بسبب حادثة حيدر رجع دخل بينهم بحضور الاحفاد الي بيشرفو بعد ست شهور.
وكان كل من بالمجلس يبارك لصقر الي كانت فرحته مو تنوصف وما بانت هباله بفرحته الا بعد ما تلي الصدمة الي رافقته لين وصل البيت وعلم اهله كلهم
دخلو امجد وحيدر واول ما دخلو استقبلهم رامي بفرحة وهو يقول :هاتو البشارة
حيدر استغرب:بشارة وشهو؟
رامي :انت هات
حيدر :يخي طيب بعطيك خمس ريال بس قلي وش شوقتني
رامي :والله انه بشارة يستاهل خمسين ريال بس معليه بعلمك ،اخوك صقر بيجيه صبي وبنيةة
امجد مو مستوعب للحين انه قصده بيجيه تؤام:اشلون يعني بيجيه صبي وبنية ايه كلنا ندري ان شاء الله يجيه صبي او بنية
حيدر:لا لا قصده يعني الحين بيجيب صبي وقدام بيجيب بنية صح
رامي:يا تيوس لاا بيجيب صبي وبنية يعني تؤام
حيدر ناظر بصدمة:احلفف تؤام ؟؟
امجد:صدق يا رامي ولا تكذب" كانو عند مدخل المجلس ودخل وهو ينادي صقر"يا صقرر
صقر اليه كان جالس جنب جده ولف له بفرحة:هلا
امجد:بالله صدق الي سمعته بيجيك تؤام
صقر بفرحة:ايه باذن الله بيجيني تؤام صبي وبنية
امجد ناظره بصدمةة :بالله ما تكذبب تؤام ؟والله اني موو مصدقق
ورفع ثوبه وجا قعد جنبه :والله حمستوني اتزوج وينه عمي ابعلمه يزوجني
صقر:قاعد وراك لكن الظاهر من فرحتك ما شفته
امجد لف وراه وشافه قاعد يضحك عليه وقال:قدام اذا تبي تزوج انت أشر بيدك وانا اخطب لك 
امجد توهق:لا لا لحينه بدري
حيدر الي كان عند الباب وسمعه حديثهم وقال بحماس:انا ابي اتزوج اخطب لي انا يا يبه
ابو جاسم ناظره:تعال بس تعال انت اخر واحد بزوجك
حيدر:لييه؟؟!
ابو جاسم ضحك وقال:امزح معك يا يبه تعال اقعد معنا وعلمني منهي الي تبيها وابشر بهالشنب اخطبها لك وازوجك
حيدر الي تأحمم وهو يعدل في شنبه وقال:يعنيي والله ايه مأشر يدي لكن خلي ارتب اموري بعدين
ابو جاسم ضحك وعرف ان في وحدة فباله :وقال معليه خذ راحتك
حيدر لاحظ لصقر وقرب عنده وهو يقول:نسيت اقولك مبرووك ياهووه بيجيك تؤام باذن الله
صقر:لا لا كمل حديث زواجك بدري تلاحظ
حيدر:يخي مستقبلنا عاذا لوزم نهتم له
صقر ضحك
وحيدر قال:والله ان الخبر جا بوقته احس شلع الضيق من قلبي ودخل الفرح لقلبي
صقر ابتسم:عسى فرحتك الجاية بعرسك
حيدر:اميين