شاعر لعيون القصيد

البارت 39

بعد فترة زمنية من الوقت
صقر واقف عند المطبخ: يالله يا دلال لسه ما جهزت قهوتس ترا ما صاارت
دلال مشغولة تسوي  :شوي بس ادور الهيل نسيت احطه وهو يغلي
صقر:الله يستر من قهوتس والله بتفشليني عن العيال
جت عهد :وش تسوون! ؟
صقر ناظرها:ليه قمتي ما قلت ممنوع تدخلي المطبخ
عهد:جيت ابشرب موية وشفيهاا!
دلال :كنتي تناديني اناا مهوب تقومي
عهد: وش اسوي يا قلبي والله ضاق صدري وانا قاعدة بالغرفة بيجي الولد وهو مكتئب لو قعدت كذا
صقر:الله اشوفكم صرتو حبايب! ؟
دلال:ايه حنيت لها بعد ما راحت ورجعت
عهد ناظرتها:تبين الصدق انا بعد ما عاد احستس غثيثة زي اول خليتس كذا عفية عليتس
دلال ضحكت وقالت:هاذا القهوة جهزت خذ
صقر:هاتي فنجان بس هاتيي اشوف وشلون زينتيه عز الله بيروحو العيال فيها
دلال تخصرت : يعني انا معرف اسوي قهوة! ؟
عهد:الا تعرف بس لو تخليه يفور ثلاث مرات احسنن
دلال :سمعتت
صقر جرب:ايه معليه شيء، يالله انا اتوكل وما اوصييتس يا دلين عهد بعيونتس
دلال:معليك معليك بعيووني ،ولفت لعهد يالله قدامي الغرفةة
عهد لفت وجهها:مااشية

وصلو العيال الخيمة وهم يجتمعون بعد المغرب
واول ما وصلو كبرو وهم يصلون
وبعد صلاة المغرب توزعو داخل الخيمة والي يوزع القهوة والي يوزع الشاي
والي راح يشب النار والثاني يساعده ويسولفون ويضحكون وذي الاجواء الي كانو مستحيل يملون منها بيوم
حيدر:والله انها طلعة توسع الصدر يا رجال خلنا نطلع كل خميس والله ضاقت علينا الحال
رامي:والله حنا كنا نجتمع دايم لكن بعد الي صار خبرك انشغلنا بالعزايم
امجد:وهو صادق
حيدر:والله اذا كذا ودني ارجع الي تعرفونه
بدر:طيب مهو ذاك يوم قلت تذكرت بيت الشعر تذكر شف الخيمة زين وشف تذكره ولا لا
حيدر ناظر للخيمة بتعمق:والله اكذب عليك ان قلت ما اذكره احسني قد جيته لكن مدري متى
ياسر:الحمدلله يعني في تقدم
حيدر:والله احسني عشت عمري عمرين هههههه
ساهر:وحنا الي متعذبين معك بالعمرين ذا
حيدر:احمدو ربكم على النعمة الي عندكم غيركم يتمنى يقعد معي
ساهر:بالله علموه ان محد ميت عشان يقعد معه ذبحني بهالثقة الي عنده
صقر ضحك:وانشهد في الي يتمنو يقعدو معه
حيدر ناظره نظر بمطق بجدية :مين؟!
صقر يشرب قهوته: خله مستوور
حيدر :يا رجاال وش خله مستور علمني مين بس! ؟
صقر ناظر لامجد الي اشر له بمعنى لا تعلمه وقال:يعني يمكن في بنية تحبك
حيدر قعد لوهلة ساكت وبعدها ضحك بخفة وقعد يرتب ثوبه بثقة:احم قول من الاخر عبالي شيء ثاني طيحت قلبي فبطني
ياسر كان يضحك معهم لين طاح عينه بالصدفة على بيت اصيل وتحديدآ الشباك
كانت عربا واقفة وتناظر لهم من بعييد يا دوب لو تشوف بس تلمح النار وتدري ان ياسر قاعد وسطهم لان اصلا ياسر ما يفارق مكانه وكانت عبارة"اراقبك من بعيد واكتم بقلبي الف شعوور"توصف عربا الي كانت تراقبه وبقلبهاا كااتمة الجوارح وتحط يدها بفمها تكتم شهقاتهاا
وهي تدري ان بعد يومين خلااص هي رايحة وللابد
ما بتشووف ياسر ولا بتراقبه وتشوفه يوميآ وهو يصلي ويدعي ويقعد كل اوقاته عند الخيمة كانت تشوفه وتراقبه
تشوفه من بعيد و ودها تروح لكن ما تقدر
الظروف اقوى منها
مقيدة بسلاسل الظروف
ياسر اخذ نفس وهو يحس كل نفس ياخذها يكون له معنى بس لانه شافها قر عينه فيهاا بعد شهور من اخر مرة شافها فييه وكان يدري انها بهاللحظة هي تراقب من بعيد وتبكي ما يدري ليه لكن يدري ان قلبها رهيف وحساس ادنى شيء يبكيها
امجد كان ملاحظ لياسر الي فجأة ضل يناظر بيته وهو سااكت وحالته ما تطمن
وياسر وجه نظره لامجد وهو عينه تلمع وكنه يقول تكفى علمني وش اسوي
امجد الي كان قاعد جنبه سكت لوهلة وبعدها ناظر للعيال وهو يقول:اسمعو القصيد يا عيال
العيال التفتو له وامجد اشر لياسر الي نزل نظره وهو يدري ان ما يقدر يوصف جروح قلبه الا بالقصايد وامجد قاصد انه يقول كذا لأنه داري تزيد جروحه وتزيد وما لياسر مفر منهم الا القصيد
اخذ نفس وقال
"يا عيون سلخت أهدابها بالنظر من بعيد
ارحم عيونك ولا تحاتي عهدتك عهد بدمي
يا بعيد عن ناظري تراك بقلبي القريب والوحيد
لا تعاقب عيون ناظرها امانه وهات همك لهمي "
دارت ناظريهم وهم يدرون حلة القصيد واقفة من بعيد وتراقبه
ونشد لها وهو يبي يوصل صوته لهاا لكن البعد حاجة ما قدر علييها ياسر واتعبته واتعبت ما حوله من الناس
والقصيد كانت الحاجة الي يخف على ياسر من نار شوقه