شاعر لعيون القصيد

البارت 38

وصلت في غرفة امها ولقتها تطلع الاكسسوارات ولما دخلت ناظرت لها وقالت:شفتي يا يمه شفتيي ابووتس صدق بنت الذين ولا صدقني
شموخ تقدمت وقعدت وهي كاتمة ضحكتها لانهم فعلآ هم الي يقولو الصدق
جويريا راحت وقعدت قدام التسريحة وهي تقول:ايه اضحكي اضحكي ليه كاتمتهاا وانا بعدد  ادري اني انا كذاابة لكن برضوو ليه يصدقها ولا يصدقنيي المفروض يصدقني انا
شموخ :هو قال ما صدقهم هم بعد
جويريا:كذاب ما شفتيه راح سأل بنتها وما سألني انا
شموخ: اي شفت
جويريا سكتت وقعدت تمسح مكياجها بقهر فجأة تذكرت ولفت لشموخ: الا ما سألتس؟!
شموخ: وشهو؟!
جويريا: شفتي النسيب وتطمنتي عليه ولا لا ! ؟
شموخ الي ركزت بكلمة النسيب وقالت: هاه
جويريا:اقولتس شفتيه وتطمنتي عليه ولا لاا! ؟
شموخ: اهاه ايه ايه شفته وتطمنت عليه
جويريا ابتسمت وقامت من مكانها وجت جلست جنب شموخ بفرحة: ما اصدق ان بنتي تحب وبتتزوج بأذن الله
شموخ ضحكت: مستعجلة يا يمه وش الي زواج!
جويريا: ليه بعد الحب وش غير الزواج؟
شموخ : زواج  يا يمه وحيدر ولا ذاكر حتى مين انا؟
جويريا :معليتس بيذكر ان شاء الله انتي اصبري
شموخ: ان شاءالله يا يمه ان شاء الله
جويريا باستها : فديتس
شموخ ابتسمت لها وبعدها قامت :يالله انا قايمة اامسح الي بوجهي وانام
جويريا: يالله عيوني
طلعت شموخ وجويريا تنهدت لحالة بنتها
وبعدها قامت وتوجهت عند التسريحة تمسح المكياج
وبعد ما خلصت مشيت عند الدولاب وطلعت لها ملابس فضفاضة ودخلت الحمام وانتو بكرامة وغيرت
ومن طلعت شافت ابو ثامر موجود بالغرفة
لكن مشيت عند التسريحة وهي تاخذ لوشن تدهن يدها فيه :وش طردتك المدام وجيت عندي! ؟
ابو ثامر : جويريا تكفين خلاص
جويريا كملت تدهن يدينها وهي ولا ناظرت له حتى
ابو ثامر: وش اسوي لتس عشان ترضيين هاه وش اسويي! ؟
جويريا لفت له : لا تسوي شيء ابد ودامك وافقت ارجع لك خلاص تحملني
ابو ثامر لف وجهه عنه وهو يمسح وجهه بقلة صبر
جويريا: ولا الحيين صرت ما تعرف وشلوون تتحمل بعد ما دلعتك المسلطةة ايه ليه لاا اكييد  تلبس لك المفصخ هذاك في ليل موو ايه معلوم تلبس ليه ما تلبس لك بسم الله عليهاا متزووجة واحد يضم بيده وحدة ويضم الثانية تحت عيينه
ابو ثامر : يا ربي صبرك انا وين يا جويريا وانتي ويين
جويريا : لا كلنا بوادي واحد معلييك وانا سبق وقلت لك ما رجعت لك الا لاجلل بنتيي وانت بالطقاق الي تطق راسك فييه
ابو ثامر مسك يدينها بقلة صبر وهو يحط عينه بعينها :قلت لتس خلااص يا جويريا خلااص انتي متى بتفهميين هاه متى ذبحتينيي وشيبتي رااسي بعنادتس متى بتفهميين اني احبتس يا مرة احببتس واموت فيتس واعشق الهوا الي تشميينه اييه غلطت بحقتس اعترفف غلطت بحقتسس ومعترف بغلطيي ودفعت ثمن غلطتي كل السنين الي مرت ولو اني ما ابييتس كان ما جريت وراتس كل ذا السنين وانا احتريس توافقين ترجعين لي واصلح غلطي وانا مستعدد اسوي كلل شيء بس عشان ترضيين يا جويريا  مستعد امد روحي لتس كلل الي ابييه منتس تعطييني فرصة ثانيةة حتى هاذي الفرصةة مكثرتها عليي
جويريا كانت تناظر لعيونه الي حمرو من العصبية وبلعت ريقها
وعنان كان يتنفس بعصبية وهو يناظر لعيونها
وجويريا استوعبت وبسرعة صدت نظرها عنها قبل تضعف له وقالت: عنان اترك يدي
ابو ثامر قعد يناظر لملامح وجهها الي كلامه ولا غير فيه فيه
وترك يدهاا وهو يحس كل محاولاته فاشلة جويريا ما قاعدة تعطيه ولو فرصة وحدة
لف وجهه وطلع من الغرفة
وجويريا قعدت تطالع مكان ما خرج وهي تحس بغصة لكنن ما تبي تضعف وقعدت فوق السرير بكسر وهي تقول ما ودي اعطيك فرصة اخااف اعطيك وترجع تكسرني يكفي كسرتني مرة يا عنان ما ودي تكسرني مرة ثانية كسر الاول لسه ما التأم اشلون تبي اعطيك الثانية