شاعر لعيون القصيد

البارت 5

مثل كل صباح فهد قاعد عند الجدة وهو يقول : يا جدة انتي تحبييني
الجدة تقرب له لانها ما تسمع زين :هااه
فهد:انتي تحبيني
الجدة :ابشر الحين اقول لدلين تاخذ المفتاح وتعطيك "وقالت بصوت عاالي" يا دلييين يا دليييين وصممغ يا دليين تعااالي
شوق ضحكت وقالت بصوت عالي :يا جدة يقولتس انتي تحبيينه
الجدة واخيييرآ سمعت:يا عيوون جدتك يا روحها وقلبهاا ياا سنع الرجال والشيبان ،ما احبك وانت نور عيني هااه اشلوون
فهد ابتسم لها بحب :وانا بعد احبتس يا جدة
دلين جت قعدت جنب شوق  الي ميتة ضحك على فهد والجدة ونطقت دلال  :قومو جيبو سماعة الجدة صايرة اخر فترة ما تسمع زيين ،ذبحتي ضحكك
الجدة بصوت عالي :انتيي الي صمغة مب انا تفهميين
دلين:ما قلت انتس صمغة يا جدة بعدين اشوفتس سمعتيني ما شاء الله وفهد له نص ساعة يقولتس احبتس وانتي ما تسمعيينه
الجدة ضربتها بعصاها على راسها :اهجديي و رووحي جيبي سماعتي لا اهفتس كف الحيين
دلين:قاييمة يا جدة قايمة ليتني قاعدة بالمطبخ اقابل المواعين ولا جيت قعدت
جا حيدر من برا وراح قعد بحضن امه وبعد يوسف :بعد اذلف عند امك
ام عادل ضحكت:اعقلل تطرد الولد وتجي تقعد انت استح على وجهك
يوسف يبعده:بعدد
حيدر :عشتو وخذا امي منيي
يوسف ناظره نظرة تهديد يقلد نظره ابوه :قمم بسرعةة يوورع
كلهم فطسو ضحك من نظرته الي قلد ابوه فيه بزبط
ام عادل دف حيدر:بعدد هاذا مكان يوسف حبيبي
حيدر بعد وهو يضحك:والله يا يمه هاذا بيطلع نفس ابووه بس ان شاء الله ما يكون خفيف زيه عند حرمته
الجدة رمت عليه علبة المنديل :اعقلل يورعع
حيدر مسك راسه بوجع ولف لامه وهو يقول:ما شاء الله سمعتني
جت دلين ومدت للجدة سماعتها ،وجت يقين بنفس الوقت وهي توها مسوية كيكة
وقعدت توزع للكل
شوق:والله يا يقين انتي مااافي منتس والله توي شميت ريحة الكيك وقلت يمكن يتهيأ لي واشتهيتهاا وطلعتي انتي الي تسوينها
يقين مبتسمة بفرحة : بالعاافية عليكم
نزلت الصحن للجدة ودلين مدت يدها وقبل تاخذ يقين ضربت يدها :بعديي يدتس والله ما تاكلين منه روحي كلي بسبوووسة عهد الي تهبل
دلين :يووه يقين للحينتس ما نسيتي السالفة
راحت وقعدت يقين: ولا بنسااهاا
حيدر يتربع :وشسالفة فهمووني
دلين :مدحت بسبوسة عهد عند يقين ومدري وشبلاها زعلت منيي احس مااله داعي تزعل
شوق:يا غبيية هي طباخة وتعرف بكل الأشياء ما شاء الله ويوم تقولين لها شيء زي كذا يكون زي الاهانة لهاا
دلال ناظرت ليقين:انا اسفةةةةة خلااص سامحيني اخر مررة
يقين صدت بوجهها
دلال :تكفيين يقييين والله احبتتتس
يقين :خلاص سامحتس بس ما ينعااد
دلال:ابشريي
يقين مدت لها صحن الكيك:خذي بس لانتس عمة عيالي ولا عادي ترا تموني عليي
دلال اخذت وهي مستانسة :افاا بس
يقين ناظرت لولدها: يوسف حبيبي رح جيب صحن عشان احط لابوك
حيدر وشوق قعدو يضحكون وهم يقولون :حركااات
يقين :ايه رجلي اكيد ب خبي له
ضحكو كلهم عليها

وفي ذا الوقت كان صقر قاعد في الصالة الي في الطرف الي لأم جاسم
ام جاسم:طيب كلم ابوك قوله يكلم ابو نايف ويتفقون على يوم العرس ترا ما يصير كذا يا ولديي ترا ام نايف من يطب رجلها بيتنا وهي تلمح لي اننا تأخرناا وبعدين صارلك وااجد مخطووب انت تدري ان محد يرضااه
صقر:ادري يا يمه والله ادريي وابو نايف وابوي قالو انه بعد العيد ليه اروح واستعجلهم واحوسهم
ام جاسم :ولا تنسى انه حنا اهل العريس يعني حنا الي لازم نكلمهم قبل
صقر اخذ نفس وهو يبتسم :ان شاء الله يمه
ام جاسم:الله يتمم لك على خير يولدي ويا جعل اشوف عيالك  حولي يلعبون
صقر ابتسم وهو يتخيل :امين يا رب امين
جت عهد  بنت الجيران الي دايم يحارشها صقر لانها اسم خطيبته ،و وقفت عند الباب يوم حست انهم يتكلمون في موضوع مهم
ام جاسم لفت لها وابتسمت:هلا يمه عهد تعالي
ابتسمت عهد وراحت قعدت جنبها ،نطق صقر بطقطقة :عهد تكفين ابتسمي
عهد صدت بوجهها :والله ما ابتسم ادري بتطقطق على غمازاتي
صقر قعد يدغدغها:يالله اضحكي اضحكي
وضحكت عهد وهي تقول:خلااص يا عمي
صقر ضحك وقال :واخييييرآ بانو المطبات هههههههههه
عهد :ياا جددة شوفي ولدتس
ام جاسم تضحك:خلااص يا صقر
صقر يضحك بطقطقة :والله احب غمازاتها من غلاتي لهم اطقطق
ام جاسم :اصبر اصبرر يا صقيير بس لا تجي خطيبتك لا نجلطها انا وحبيبة قلبي عهد ونطلع كل الي تسويه فيها الحين
عهد :اييه الوعد لهاا
صقر:لاا الا خطيبتيي خط احمر معليييش
عهد :اصبر اصبر بسس
صقر:خلااص كنت امززح وشبلااكم
ام جاسم ضحكت:اهجد ولا عاد تطفشهاا ولا تقرب من الخط الاحمرر
صقر :ابشرريي يا يمه ابشريي "والتفت لعهد وهو يضحك " الحين بسألتس سؤال يا عهد
عهد : وش؟
صقر :الحين لو جت خطيبتي وش نصير ننادي لتس دام هي اسمها عهد بعد
عهد :لا على هاذي لا تحااتي لاني داارية بتتقصد تناديني عهد وارد عليك وتقول لا كنت اقصد حرمتيي حركاتك هاذي اعرفها اعرفها
صقر قعد يضحك:والله كفوو بنت منذر  فاهمتنيي والله
ضحكت ام جاسم عليهم
وجا انس وهو يقول :عمي صقر جدي يناديك
صقر التفت له  :جدي انا ولا جدك انت
انس :جدي انا
صقر عقد حواجبه ونطق :انت رح وانا جاي الحين
انس :طيب
راح انس وام جاسم نطقت : قم يولدي رح شوف ابوك وش يبي منك
قام صقر :ان شاء الله خير
طلع وتوجه عند ابوه بالمجلس وكان قاعد مع جاسم
صقر راح وقعد عنده :هلا يبه طلبتني
ابو جاسم:ايه طلبتك عشان نمشي بيت ابو نايف
صقر :عسى ما شر؟
ابو جاسم :كل خيير بس ابطيناا بالزواج وااجد وما يصلح كذاا وحنا رايحين ونتكلم بذا السالفة وابو نايف ما تكلم وسكت عشان العشرة الي بيني وبينه بس اندري مب عاجبه كذا ومو عاجبني انا بعد
صقر توسعت ابتسامته وما صدق ابوه الي جاب له الطار مب هو :زين انك فتحت السالفة معي لاني كنت توني جاي اكلمك فيهاا
ابو جاسم :زين اجل قم البس نروح عندهم انا وانت وجاسم
صقر:ابشرر
قام صقر وهو مو مستانس وراح بسرعة عشان يلبس
وهو الفرحة كاملته