شاعر لعيون القصيد

البارت 36

طلعت جويريا وهي تاخذ نفس تجمع فيه قواها ومشيت بعدها وهي تمشي للسيارة مشيتها المعتادة مشية شموخ وكبرياء
وركبت السيارة ولا ناظرت فيه حتى
وابو ثامر الي يحي الدنيا مو سايعته من الفرحة ويلتفت لها كل شوية لكن هي ابد ماهي معبرته حتى
وقال بتوتر : وشلونتس؟!
جويريا ناظرت فيه بحدة وهي ساكتة
وابو ثامر من نظرتها قال بداخله هاذي جوير نفسها ابد ما تغيرت حتى بعد كل هاذي السنين
جويريا :يكون بعلمك اني رجعت لك مو لاجلك انت ولا لاجل سواد عيونك رجعت لأجل بنتيي تفهم لاجلل بنتيي
ابو ثامر بتنهيدة:يعني للحين ما سامحتيني؟
جويريا : الله لا يسامحني اذا اسامحك ولا بكل عين تقول يعني ما سامحتيني؟؟
ابو ثامر وقف السيارة ولف لها وهو يناظرها
جويريا :سلامات ليه وقفت؟!
ابو ثامر :جويريا اسمعيني زين انا ادري اني انا اخطيت بحقك وااجد وتزوجت عليتس وجبتها بالبيت وانا ادري انتي ما ترضينها على نفستس لكن ب وش تبيني احلف لتس اني ندماان ولو تقولين الحين الحين طلقها اطلقها وانا مغمض عيوني
جويريا :ليه وانت مغمض عيونك بيوجعك قلبك عليها لا لا خلهم مفتوح لا يوجعك قلبك عليهاا
ابو ثامر دعلك جبينه :جويريا انا صاادق ما امزح معتس والله اني احبتس ولااني تهنيت يوم واحد بالسنين الي مرت ما قد حبيت احد مثل ما حبييتس ولو يرجع الزمن والله ما ازعلتس ولا اتزوج عليتس انااا احبتس يا جويريا والله احبتسس
جويريا بلعت ريقها ورجعت لفت للطريق وهي ساكتة
ابو ثامر:انا ادري انتي للحين تحبيني وما نسيتيني ليه المكابرة يا جويريا لييه المكاابرة دام الدنيا قصيرة
جويريا لفت له وناظرته بحدة:اناا ما احبك يا عنان افهمهاا خلاص وما رضيت ارجع لك الا عشاان بنتي لا تحسبه ضعف او عجز مني فاهم
ابو ثامر: مو صح  اذا كان كلامتس صح ليه ما تزوجتي بعد ابو مراد؟! هااه ليه ما تزوجتيي؟؟!
جويريا صرخت نفس صراخه :لانيي انا ماابي، طاابت نفسي من الرجاال غسلت يديني منكم ما عاد لي لذة بالحياة اعيشها مع رجال تركتكم واخترت عزة نفسي
ابو ثامر ضل يناظر فيها ويشوف فيها نفس النظرة ونفس النبرة نفس كلل شيء حق جويريا ما تغيرت ابدد :ما تغيرتي ابد يا جوير انتي مثل ما انتي السنين ما غيرتس ابد
جويريا ما تبي تضعف له ابد وصدت نظرها وهي تقول: خلاص يا عنان وصلني البيت مخنووقة والله مخنووقة منك
ابو ثامر  ضل يناظرها ولا تحرك من مكانه
وجويريا ناظرت فيه ما حرك السيارة وقالت بعناد: زيين يا عنان زين
ولفت وجهها وهي تفتح باب السيارة
عنان صدم:ويين نازلة ياا جوير اركبي بسرعة
جويريا ما سمعت كلامه ونزلت ومشيت من عنده
عنان نزل بسرعة وهو يلحقها:ويين رايحة تعاالي خلاص باخذتس البيت بس ارجعيي وين بتروحين لوحدتس؟؟؟!
جويريا ما لفت له حتى
وعنان اسرع مشيته وجا عندها وبسرعة وقفها وهو يلف وجهه لعندها بحدة :خلااص يا جويريا
جويريا ناظرت لعيونه وهي بعيونها عتاب السنيين بقلبهاا ما كانت بعمرها تبي تضعف فييه لكن غلبها العتاب وقالت وهي تناظر بعيونه بعتاب تبلع ريقها تكتم الغصة لتنطق بعد ثواني طويلة من الصمت:  ليه يا عنان  علمني ليه ذليت قلبي بعد ما سلمتك ياه هااه لييه اناا عطيتك كل شيء اقدر اعطيك يااه عطيتك قلبيي وروحيي وعطييتك عيوني بعدد وانت وش سويت!؟ علمني وش سويت؟ !! جازيتني بالعمى وكسرتني وذليتني انا وقلبي
عنان غمض عينه ب ندم يحس كلامها مثل السكاكين بقلبه
جويريا وقفت له باعتدال وهي تناظر لعيونه الي كساها الندم :يا ماا رددت وقلتت يا عناان انا كل شيء عنديي يهوون الا كراامتي كل شيء اتحمله الا عند حدود كرامتيي ما يوقف شيء قداامي ولو كاان قلبيي امشي علييه ولا كنه عذابه هو عذابي "وبلعت ريقها بغصة" حتى بنتيي لاجل كراامتي حتى بنتي ما قعدت لأجلها حطيتها بين يدين حنان ومشيت،.. بنتيي كاانت صغييرة كانت ترضع من صدريي يا عنان بسببك انتت انا ما ربيت وكبرت بنتي بيدييني بسببك انتت
عنان تقدم منها وهو يمد يدها لها لكن هي بعدت يده بيدينها الي ترجف  :لا تلمسني يا عنان تكفى لا تلمسنيي الحب الي بيننا ماات من زماان مات من يوم هنت عليك ورحت تزوجت علي، الي بيننا مستحيل يرجع يا عنان انتت دمرته بيدينك
عنان قرب منها وهو يمسكها من وجهها : برجع كل شيء مثل قبل يا جويريا صدقييني  بعوضك عن كل شي صاار معك انتي بس عطيني فرصة
جويريا بعدت يدينه :عن وش بتعوضني يا عنان عن وش هاه عن السنين الي ضاعـت؟؟! ولا عن الليالي الي قضيتها وانا ابكيي؟! عن وش بتعوضني ؟؟! ،.هااه اليي فات يا عناان ما يتعووض ابدد ما يتعووض تفهمم
عنان يناظر فيها وهو كله ندمم على الي سوااه وقال وهو ينزل نظره:تكفين سامحيني يا جويريا والله اني ندماان
جويريا بلعت ريقها وهي ترجع تجمع قواها:ما عاد يفيد لا الندم ولا كلمة سامحني يا عنان الاسف مثل التعازي ما يرد المصيبة
عنان ناظر لها بترجي وقبل ينطق جويريا رفعت يدها:تكفى خلااص مابي اتكلم زياادة خذني البيت ولا والله يا عناان برجع بيت عميي
عنان :لا باخذتس باخذتس تعالي
جويريا تعدته ومشيت قبله للسيارة وهي تاخذ نفس بضييق
وعنان لحقها السيارة وهو سااكت وجويريا مصدية بوجهها عنه