شاعر لعيون القصيد

البارت 8

في صباح اليوم الثاني
ياسر الي كان بترقب فتحها للباب، وكان ياسر من يوقف قِرب دارها وهو عيونه ما ترمش
يحتريها على الجمر عشان يكحل العين بشوفتها وحلاها
مرت اسبوع ولهفته نفسه نفسه ما تغير يربي بها الشوق
واخيرآ فتحت الباب وهي بيدها العربون وكل ما خطت خطوة تخطي بالليالي المسره لقلب ياسر، وبسمتها لقلب ياسر بضوها تزيد ،وصلت عنده عربا مدت له العربون بإبتسامة وهي تقول:تفضل
اخذه منها وقعد يعبيه لها ويبطي قدر المستطاع لاجل يشبع عيونه الي تطمع لشوفتها كل دقيقة وثانية ،وكانخمس دقايق من حضورها ما يروي شوقه ولهفته الي يمليه كل اليوم ،خلص من تعبأتها ومده لها وهو ينطق :تفضلي
عربا ابتسمت ابتسامة عذبة تعذب ياسر اكثر من عذابه فيها وهي تنطق :شكرآ لك
والتفت لطريقها الي جت منه ،وانتهت اجمل خمس دقايق من يوم ياسر ،الي ما كان يخطي لين تغيب عن انظاره كليآ وبعدها يرجع لبيته ويكون راجع من احلى حلم عاشه
طلع جواله من جيبه ودق على صاحبه اصيل
رنتين و رد وهو ينطق بترحيب ويهلل: هلاا والله بالخوي
ياسر:هلا والله بك، اسمع
اصيل:اسمعك
ياسر:ابيك بطلب وما تكلم احد به
اصيل:افا انت قول ومعليك
ياسر اخذ نفس والتفت بنظره للبيت ونطق:تجي معي بيت ابو جزاع
اصيل استغرب :ابو جزاع؟
ياسر:ايه ،جاي معي ولا لا
اصيل :ايه طبعآ جاي ،، بس ليه تروح عنده ،وشصاير عسى ما شر
ياسر :انت الحين البس وتعال وانا اعلمك ليه
اصيل :ابشر ،الحين جاي ،وينك انت
ياسر:تعال الخيمة
اصيل:تم
قفل من صاحبه وابتسم وهو ياخذ نفس الي كان كل شوية يجدده بفرحة من الحي الي ما وسعه ونطق يقول الظاهر ما مرني الحب مرور الكرام

فبيت ابو جاسم
اليوم الكل غداه فبيت ابو جاسم اخوه ابو بدر واهله وابو نايف واهله
وكان فهد عند جدته وهو يعيد ويكر سؤاله المعتاد :جدة انتي تحبيني
الجدة:ايه يا روحي احبك
فهد:طيب ليه امس قلتي لي أنقلع
الجدة:ما قلت لك انت قلت ليوسف
فهد :لا قلتي لي انا بعد
الجدة:والله يا يمه ما قلت لك انت من يقولك انقلع
جازي ضحكت :قم رح عند ابوك وخلي جدتك بحالها
فهد :بس هي قالتلي أنقلع
جازي ضحكو الحريم عليه لانه من يوم صحي وهو يلف ويدور بنفس السالفة ويقول للرايح والجاي ان الجدة قالتلي أنقلع
قامت ام جاسم من الحريم وهي تطالع الساعة وتشوف صقر مررة تأخر التفتت لأنس وهي تعلمه ينادي عنه حيدر
وثواني وجا حيدر وهو يقول :سم خالتي
ام جاسم :وينه صقر بعده ما شرف الحين بنحط الغدا ويينه ،دقو عليه وشوفو
حيدر:والله يا خالتي ندق عليه ما يرد، مدري وشبلاه
ام جاسم بخوف:ابوك معصب؟
حيدر:لا لا معليتس مب معصب وقال اذا تأخر صقر اكثر حطو الغدا وان جا تغدا هو مع حرمته
ام جاسم :المفروض العريس يوصل وبعدين نحط الغدا بس بيبرد الغدا وهو للحيينه ،،بنتظر له شوي وان ما جا بنحط الغدا
حيدر:زين خالتي
مشي حيدر وراح قعد مع العيال الي يضحكون على صقر لانه متأخر وحالفين يمسكونه طقطقة اول ما يجي