بعد ما خلص صلاة العيد
حيدر طلع الي بجيبه وهو مااسك نفسه من يوم وصل انه ما يطلعه ويشوف لانه ابوه حده معصب واذا شافه بيده يا ويله منه
قام واسنحب من وسطهم وطلع برا وراح وقف بعيد شوي عند الجدار وطلعه من جيبه بسرعة وقرا القصيد بلهفة الي كان محتواها
"اعرفني اذا مال قلبي ل شي
امشي على الجمر حاافي
واعرفني اذا مال قلبي عن شي
لو كان في جوفه الماء
وانا ميت عطش ما قلت اسقني"
سند نفسه بالجدار وهو يقول :يا مترفة وش بااقي زيااادة والله هديتي حيليي وحيل القصاايد
جا صقر الي شافه اول ما قام وهو من اول يبغى يكلمه ويعلمه انه يعقل جا وقف عنده و ويوم شافه وضعه قال :بسم الله ،وشبلاك انتت
حيدر :امسكني ياا صقرر اسمكني تكفىى ، والله انا ميت ميت من حروف قصاايدهاا لو تدري وشصاار في اخوك اليووم لو تدريي يا صقيير
صقر :اعقلل واثقلل تدري لو جدي ما كان تدخل في اخر لحظة وش كان سوا فيك ابوك والله كنت بتعيد هاذي السنة وانت مجبس
حيدر :والله يهون على الي شفته اليوم
صقر صد نظره بقلة صبر
حيدر :تخيل صقير شفتهاا اخخ يا صقرر ما اصدق اني شفتهاا والله ما اخطا من سماها عيون القصييد لانه فعلا عيونهاا قصييدة
صقر اعتدل بوقفته :شكلك انهبلت شفت مين؟؟
حيدر نطق بجدية : والله العظييم اني شفت عيون القصييد
صقر منصدم:وكانت بنت صدق؟؟
حيدر:اييه بنت اصلا قلت لكم انها بنت محد صدقنيي
صقر صد نظره بتدارك :صدمتني يا حيدر والله اني كنت خاايف عليك يوم تدري انه ولد مب بنت وش يصير فييك
حيدر :يا رجاال قلت لكم كلكم انها بنت محد صدقني صقر:ايه و وشصار كلمتهاا عرفت وين بيتها؟؟
حيدر باحباط :لاا ما كلمتها انحااشت اول ما شافتنيي وما لحقت اعرف اسمها ولا وين بيتهاا
صقر : طيب اشلون شفتها و وين؟
حيدر :كانت جاية عشان تعطي القصيد لصويلح وصدمت فيني وما عرفتهاا الا يوم شفت توقيعها بالورقة
صقر :والله في احد داعي لك اشلون رحت بالوقت الي هي جاية فييه
حيدر :شفت يا صقر الظاهر ام الله يسلمها بالفطور دعت لي
صقر:طيب تحرك بسرعة جدي كان يدور عليك
حيدر:وشهو يبي؟؟
صقر:وش يبي بعد يبي يتطمن عليك ضربك بظهرك زي الحمار وانت بغل ما تعورت
حيدر ضحك بخفة وتوه يزدارك انه انضرب اليوم :تعال ندخل طيب
راح عند جده وقعد جنبه وهو يقول:هلا جدي ياا نور عيوني
الجد مد يده وحطه على ظهره بقلق :عسى ما تعورت يا يبه
حيدر:لا لا ما تعورت شفني زي الحصاان
الجد قرب منه وهو يهمس له :هاه جبت القصيد؟؟
حيدر يضحك:جبته جبته وتخييل يا جدي وشهوو؟؟
الجد:وشهو؟
حيدر يهمس :شفت عيوون القصيد
الجد بعد.عنه وهو يضربه بكتفه : اهب عليك هاذاا ولد المسعد ويين شفتهاا
حيدر:وانا رايح دكان صويلح يا جديي والله في احد داعي لي واخيرآ شفتهاا
الجد :هاذا دعوات جدك لك، ورني ورني القصيد بسرعةة
حيدر طلعه من جيبه ومده له وهو مستااانس وشوي ويطر من فرحته
شموخ حطت من الكحل وناظرت لنفسها نظرة اخيرة وابتسمت ورجعت الكحل مكانه وطلعت من غرفتها متوجهة غرفة امها تبي تعيد عليها قبل الكل دقت باب غرفتها قبل تدخل وسمعتها تسمح لها تدخل
وابتسمت ام ثامر اول ما شافتها وقالت:تعاتلي يا يمه تعالي
دخلت شموخ وباست راسها وهي تقول:عيدتس مبارك يا يمه وكل سنة وانتي طيبة يا رب
ام ثامر باست يد شموخ :وانتي طيبة يا يمه
قعدت شموخ جنبها وهي تشوف امها قد ايش السنين خذت منها صحتهاا ومرض ورا مرض استواهاا
وجا قصي وهو يركض توه راجع من المسجد :لحد يعيد على امي انا اوول وااحد
شموخ رفعت حاجبها له بإنتصار:تأخرت وااجد سبقتك
ضحكت ام ثامر :تعال يمه تعال
راح قصي وباس راس امه وعيد عليها وحط الكرسي قبالها وقعد
قصي :يمه شرايتس تجين المزرعة معنا
ام ثامر :يا يمه مقدر خلوني قاعد هنا وانتو روحو
شموخ:يالله تكفين يمه في ليل نتحرك وانتي بعد تعالي
ام ثامر بخيبة :بس يا يمه
شموخ :لا يمه بتجين وغصب عليتس ما يصلح تقعدي في هاذي الغرفة اربعة وعشرين سااعة والله ماا يصيير
ام ثامر استسلمت وقالت:يصير خير بعدين يا يمه
شموخ قامت :هاذاا كلام الزيين، انا نازلة اعيد على ابوي
ام ثامر ابتسمت:طيب
ولفز وجهها وخرجت ونزلت تحت وهي تشوف سلطانة تبوس يد ابوها وتعيد عليها توها وبنتها لوجين بعدها قربت وعيدت عليه
وابوها اول ما شافها قام وهو مبتسم بفخر ببنته ونطق :شموخ ابوها
شموخ ابتسمت وقربت منه وابوها باس جبينها وهو يقول :كل سنة وانتي طيبة يا حبيبة ابوتس
شموخ:وانت طيب يبه ينعاد علينا وعليك بالصحة يا رب
ابو ثامر طلع من جيبه فلوس ومده لشموخ وهو يقول:هااتس يبه عيديتس
شموخ ضحكت وقالت:شكرآ لك
وبعدها لف ل لوجين وعطا لها بعد وهي ابتسمت وفرحت وقالت بفرحة:شكرآ لك يبه الله لا يحرمني منك يا رب
ابو ثامر :يالله تجهزو كلكم بسرعة فطورنا اليوم عند ابو جاسم
سلطانة:ابشر الحين نتجهز
شموخ وقفت بتدارك : لحظة لحظة من ذاا وليه ما قلتو لي انه فطورنا عنده
ابو ثامر استغرب :ابو جاسم صاحب الاسطنبل زشبلاتس نسيتيه ؟
شموخ :طيب بس ليه فطورنا عنده
ابو ثامر:ليه وش تبين انتي
شموخ:ابي اروح واعيد على جويريا قبل و والله اني مانيب رايحة مكان قبل اعيد عليها
ابو ثامر:طيب نفطر وبعدين روحي
شموخ بحدة:لا مابي واذا ما بتاخذوني باخذ مفتاح السيارة واروح لوحدي
ابو ثامر اخذ نفس :طيب خلاص انتي روحي عند امتس بقول لقصي ياخذتس كذا زين
شموخ :ايه زين
ابو ثامر يدري لو قال لا بتسوي الي براسها عشان كذا كل اوامرها بالسمع والطاعة
KAMU SEDANG MEMBACA
شاعر لعيون القصيد
Romansaابتدت قصتهم ب حِبر وكتب قصيد كان اول إلهامه من صفوف الغزلان اختار الذيبة ومحدن بحبه لامه لفت بين الخيل وكتب المكاتيب بدون معرفة احبابه دارت بين قاهرينها وعرفها من السلسال والشامه عشقها بسبب نرجسيتها وعنادها اول واخر اسبابه من دني الخامات اختار...
