شاعر لعيون القصيد

البارت 47

رجع ابو ثامر المجلس بعد ما طول بالمطبخ قلك يثقلو شوي
وحيدر عدل بقعدته اول ما دخل وهو يبتسم بفرحة
رامي همس لحيدر وهيو مبتسم بنذالة :تخيل معي بالله يا حيدرر  تخييل يقول لا رفضت وش يكون ردة فعلك
حيدر فز من مكانه :تفلل من فمكك ياا زفت وش ترفض سنين ونحن نتعذب وتاليها ترفض ،والله اروح انتحر من فوق السرير
رامي قعد يضحك بخفة :لا يطلع روحك واسمع العم وش يقول
ابو ثامر جلس وهو مبتسم وعيون العيال فيه ينتظرون منه الخبر رغم انه الموافقة واضحة من بين عيونه
وبلغهم ابو ثامر  ان شموخ موافقة وعم الفرحة بالمجلس الي كلهم كانو يدرون انها موافقة وهو موافق وكل شيء تمام
وبدأو يتكلمون حول العرس والملكة والمهر وذا الحاجات وحيدر كان مستانس والفرحة واضحة من عيونه
وشموخ الي رجعت غرفة امها بعد ما ابوها قلها يا ويلك لو تجين لا يطلع احد ويشوفك
وقعدت بغرفة امها بفرحةة وهي منتظرة لين يطلعون وتشوف حيدر
وبعد ما تعشو وخلصو قعدو شوي مع السوالف والقهوة
وبعدها قتم الجميع لاجل يمشون
وتزاحمت الحوش بطلعوهم وشموخ فزت اول ما شافتهم طلعو وقعدت تدوره من بين الحضور بعيونها وهي مبتسمةة
وطاحت عينها عليه واخييرا وكان الاوضح بفرحته الي حسته ان النور بين الحضور
ولكن هو ما لاحظ لها  لانه كان يكلم العيال وهو مستانس وطلعو برا وتوجهو لسياراتهم وهم يركبون وتزاحم
اجوان قالت بحماس:انا نازلة اشوف خالتي
شموخ كانت عيونها للي برا وكانو يركبون سياراتهم :انزلي وانا لاحقتس
جريت اجوان تنزل وهي مستانسة وتبي تسأل خالتها عن وش الي حددوه
لكن وهي تجري ونازلة في اخر درجة  زحلق رجلها وطاحت
وياسر الي كان جايي وهو بيده الامانة اول ما شافها طاحت تقدم منها وهو يقومها : بسم الله عليتس يا اجوان وشبلاتس مدرعمة حصل لتس شيء يوجعتس ؟
اجوان مسكت رجلها:لا  لا ما يوجعني
قومها ياسر :قومي
قامت اجوان وهي معقدة حواجبها بآلم :انت ما رحت معهم؟
ياسر كان مركز فيها وقال :لا ما رحت معهم ،متاكدة ما يوجعتس يا اجوان ؟
اجوان ضحكت:صدق ما يوجعني ،لكن وراك ما رحت معهم
ياسر اعتدل بوقفته وهو يطالع الدرج:وينها شموخ ؟
اجوان:فوق ليه؟
ياسر مد لها الورقة:خذي هاذي وعطيها لشموخ قوليلها ذا من حيدر
اجوان ناظرت الورقة ببتسامة وقالت:ابشر الحين اعطيها
ياسر قال بتراجع:ولا اقولتس ناديها انا بعطيها
اجوان ابتسمت بفرحة:ابشرر
ولفت وجهها وهي تجري مرة ثانية وياسر قال:انتبهيي يا بنت
طلعت جويريا من المطبخ ومن شافته توسعت ابتسامتها وجت عنده وهي تسلم عليه:ياسر
ياسر ابتسم اول ما شافها وتقدم منها وهي يبوس يدها:هلا والله خالتي وشلونتس اخبارتس
جوريريا:والله اني طيبة يا قلب خالتك ،انت وشلونك اخبارك وشلونها امك واختك
ياسر:الحمدلله كلهم طيبين
جويريا ناظرت حولها بستغراب: وشهو تنتظر احد ؟
ياسر ضحك:انتظر شموخ ودني ابارك لها
جويريا قالت بفرحة:لو تشوفها يا ياسر طاايرة من الفرحةة مو مصدقة
ياسر ضحك بخفة وهو يقول:الله يسعدها يارب
جويريا:امين
قاطعتهم صوت شموخ وهي تنزل بفرحة:هلا بولد الخالة هلاا باخويي هلا بتااج راسي
جويريا وياسر قعدو يضحكون وشموخ وقفت عندهم وهي الفرحة واضحة من بين عيونها الي تلمع من الفرحة وياسر تقدم منها وهو يبوس جبينها: مبروك يا شموخ عساني اشوفتس بالفستان الابيض يارب
شموخ تنفست بفرحة من كلامه وقالت بتمني:الله يبارك فيك يا ياسر وعقبال لا احضر عرسك وعرس اجوان
ياسر الي ابتسم وقال:امين يا رب
جويريا قالت بتدارك:ليه واقفين تعالو ادخلو المجلس
ياسر:لا والله بمشي بس قلت ابارك لشموخ واعطيها الامانة
جويريا رفعت حاجبها:الامانة؟"و وجهت نظرها للي بيده وفهمت
شموخ ناظرت الي بيده وياسر يده لها:خذي
شموخ اخذته وهي تقول شكرآ لك