شاعر لعيون القصيد

البارت 11

وصلو العيال كلهم ونزلو الكشتة وقعدو كلهم سوا و ولعو النار وبدأوها بالسوالف وهم يتذكرون ايام زماان و مواقفهم مع بعض، وياسر كان بينهم لكن عيونه تطل لبيت ابو جزاع وهو يفكر ويسأل نفسه وش الي بينه وبين ابوي لييه؟؟ ليه  رفضو ثنينهم من بعد لقائهم مع بعض، وفكرة تاخذه وافكار تجيبه
وكان حولين الخيمة فااضية ومن بعيد ينشاف بيت ابو جزاع وبيت ثاني
قام امجد من بين الحضور وراح قعد جنب ياسر الي ملاحظ عليه من يوم وصل انه مو معهم وفيه شيء مو طبيعي،حط يده فوق كتفه وفز ياسر
امجد :وشبلاك ياسر علامك ضايق ومهموم؟؟
ياسر تنهد وما تكلم
امجد بخوف:الاهل طيبين عسى ما شر
ياسر :لا لا الكل طيب يا خوي بس وانا اخوك"وسكت م
امجد :بس وشهو
ياسر رجع نظره للبيت
امجد قبل يتكلم ياسر كنه عرف انه عربا لها دخل
ياسر:بلاي عيون ساكن الدار
امجد عقد حواجبه بتساؤل
ياسر ناظر لأمجد وقعد يحكي له عن السالفة
وامجد الي انصدم انه كل ذا صار وهو ما يدري :طيب ليه رفض ابوك ما دريت وش السالفة ؟
ياسر:وانا هاذا الي اسأله لنفسي يا امجد وش بينهم لييه رفضو كذاا
امجد :كلم العم سعود مرة ثانية  لعله يرضى يعلمك وشسالفة وتشوف لهم حل
ياسر:مو راضي يا امجد مو راضي يعلمني صدقني ،كلمته وااجد انا لا ليلي ليل ولا نهاري نهاار ابي اعرف العلم وش بينهم
امجد :كلم ابو جزاع وانا بكلم العم سعود لعله يعلمني
ياسر تنهد:بكره ان شاء الله رايح اكلم ابو جزااع وبكلمه كل يوم لين يرضى
امجد طبطب عليه :الله يسهل دربك يا اخوي الله يسهل دربك
ياسر رفع نظره وطاحت عينه على عربا الي طلعت عشان تجيب الموية من البير وقام من مكانه بسرعة و راح
وامجد ما قدر يوقفه لانه ياسر كان اسرع منه

ياسر :عربا
عربا الي صدمت بوجوده :يااسر انت وش تسوي هنا عسى ما شرر
ياسر:ما شر يا روح الهنا ماا شر
عربا شافت النار واللمه الشباب عند الخيمه وعرفت انهم ملتمين بالخيمة وناظرت بعدها ياسر بحزن :كلمت عمي؟
ياسر:ايه كلمته
عربا:وش قال
ياسر :ما قال شيء يا عربا بس معليتس بكلمه مرة ثانية وانا جاي بكره وبكلم عمي ابو جزاع مرة ثانية
عربا :تكفى سوي شيء يا ياسر ابوي بيعرسني اذا حد خطبني وانا ماابي الا انت، تكفى لا تخليهم ياخذوني منك
ياسر :والله ما اخليهم ياخذونتس مني يا عرباا ، بقنع في ابوتس لين يرضى وان لزم ببوس رجوله بس والله ما اخليهم ياخذونتس مني انتي بس احتريني اقنع في ابوي وابوتس واعرف بس وش بينهم و اصلح بينهم واخذتس لي عروس وهم راضيين
عربا بلعت ريقها وهي عينها بعينه  : والله احتريك العمر كله
ياسر ابتسم لها من بين همومه وخوفه في انه يخسرهاا
سمعو صوت جزاع وهو ينادي اخته
عربا ب روعة :انا بروح الحين وانت روح بعد لا يشوفك احد
ياسر :بروح بس عيوني تحتري يمر نظرها وان من بعيد ما اوصيتس مري واروي لهف عيني
عربا ابتسمت بعيون تلمع :ابشر
وراحت عنه وهي ودها ما تبعد وتعلقها بياسر يزيد يوم عن يوم وياسر الي لا ليله ليل ولا نهاره نهار وبس يفكر في طريقة يرجع الامور زي ما كانت ويصلح بين ابوه وابو جزاع ولو هاذي الشيء مستحيل ما بيستسلم لين ما ياخذها