شاعر لعيون القصيد

البارت 33

دخل امجد على حيدر لقاه يقرا قصيدة الي فيه اسم شموخ ومبتسم
دخل وهو يصد وجهه عن جروحه لانه ما يقدر ابد يطالع عليه
ومد السلسال لحيدر الي اول ما شافها صدم وناظر فيه ببسمة وهو يقول :من وين لك السلساال؟!
امجد بتنهيدة :عطتني ياه بنت عنان وقالت قولي له هاذي قلادة شعرها الي من سنين ليا جيتها و وفيت بوعد حبكم خذته منك بدت قصتكم فيه وتبيك تختمها فيه
حيدر اخذ السلسال من يده وهو يقول :عطيتها من عمري ثلاث سنين ولو اني ماليها العمر كله ما كان سارحت بالدروب العذاب لاجلهاا
امجد ما ناظر فيه حتى وقال:بغيت مني شيء
حيدر ناظر له وهو مبتسم وقال:ما بغيت الا سلامتك
مشي امجد وطلع برا الغرفة. وهو يحس مو قادر يناظر في حيدر ابدد قلبه قاعد يتقطع عليه وعلى جروح الي بصدره من السوط
وحيدر ضل يناظر السلسال ب وله وهو مو مصدق وقال وهو يناظر السلسال :بدت قصتنا فيه وابيك تختمها فيه!
وناظر جنبه بالصندوق ومد يده وطلع من داخله الحبر والورق وهو يغمض عينه يتذكر تفاصيل اليوم كحلها وسلسالها وخالها يبي يجمع كل دليلها بقصيدة يهديه فيهاا
فتح عينه بعد تفكير من ترتيب الكلمات
ومد يده وهو يكتب قصيدته الي اجمع ما بين حبه ودلائل حبه وصفها الي ما كان الا من وصايف الريم
"قلبي تعلق بين كحل وسلسال
على نحر منتوقة العنق ريمه
الي يدها ميزته حبة الخال
يشبه نحرها طيف مركاز خيمه
قالت تحداني وانا قلت من قال
انا خسرت ومعترف بالهزيمة"
ورجع غمض عينه ولا وده يضيع تفاصيل شكلهاا
وكل ما يتذكر جيتها له قبل شويي ينسا كل شيء ولمسته لصدره وهي خايفة عليه
كله تفاصيل عيشت حيدر بحلم ما بيصحى منها ابد

ومرت ليلة حيدر بكذا وهو يحلم ويفكر فيها
والناس راحو بيوتهم وياسر مثل كل ليلة يقضيها
يروح الخيمة وبيده سجادته وسبحته ويقضي ليله كله هناك
ضل يناظر للبيت ويتذكر الليلة الي شلعو قلبه من مقره وجرح اصيل الي ما التم للحين
وقسوة ابو جزاع له كله بذاكرته محفوظين للحين
تنهد تنهيده من كل قلبه وهو ينزل نظره بالارض
فجأة حس باحد قعد جنبه
رفع نظره وانصدم بالشخص الي جلس جنبه
كان اصيل الي جلس جنبه بهدؤ ولا تكلم بكلمة حتى
ضل يناظر فيه لوهلة وبعدها رجع نظره للبيت بكل هدوء
واصيل كان يناظر بالبيت معه وهو سااكت وبس وده يرجع ايامهم سوا لكن بعد وش بعد ما كسر ظهره وخان العشرة
ونطق ياسر بهدوء وهو ينزل نظره عن البيت :ليه يا اصيل؟!
اصيل بلع ريقه ولا قدر يجاوب عليه
ياسر ناظره فيه بعتاب: انا قد كان قصرت بحقك يا اصيل قد جرحتك بدون قصد وش الي سويته عشان خذيت بقلبك علي وذرفته بعملتك؟؟!
اصيل غمض عينه بندم وهو يبلع ريقه بغصة
ياسر رجع ناظر البيت :انت وابو جزاع كسرتو ظهري سوا والله كسرتو ظهري وكسرتو ضلوعي وكسرتوني
وليتكم اكتفيتو شبيتو النار بضلوعي بعد
انا ما ادري يا اصيل مدري اشلوني صامد رغم كسركم لي صدقني معرف ولاني كنت اعرفك جريح يا اصيل خاويت منو وعلمك تجرح ما اخبرك جريح والله ما اخبرك،.،انا وانت كلينا من نفس الصحن وتقاسمنا نفس الخبز وشربنا من نفس الكوب اشلون نسيت كل ذا معقول تناسيته كله
من العذاب الي اعيشه يا اصيل ودي ادخل يدي واشلع قلبي من مكانه قلبي ما عاده يقوا ذاق من مر كوبك وذاق سموم البعد وصابه سهوم الموت والله انهد حيله وانهد حيلي معه
اصيل كان يسمعه والغصة ذاابحته ولا هو قاادر ابد ينطق
كمل ياسر : تدري يا اصيل والله ما بي شيء ولا ابي منك الفرقا بسس ابي اعطيك قلبي يرتااح بقربها بسس والله مابي غير كذا بس ودي يرتااح وما عاد يعذبني
اصيل كان يغمض عيونه بقهر جا وهو يبي يعتذر ويواسيه وبيروح وهو همومه ملايين
يدري صاحبه الي من سنين مستحييل بيوم يرجعله
هو خسره وخسره بيدينه
قام من مكانه بسرعة ومشي
و ياسر غمض عينه بقهرر وهو يحي العذاب تمكن منه وهو يدري ما بيقدر يسمع كلام الكل ويحاول ينساها وهو لسه اليوم فز من سميها
ومثل حب عربا تربع حب بنت عادل بقلبه وكنه يشوفها مثل بنته وبنتهاا واكثرر
لكن محد ياخذ مكان عربا بقلبه ولو ايش