شاعر لعيون القصيد

البارت 44

وبعد يوم طويل وكله شقا وكرف رما نفسه صقر فوق السرير ب تعب وعهد جت له تضحك وهي تقول:تعبت فديتك؟
صقر:ايه والله تعبت صدق
عهد:هانت الحمدلله
صقر:الحمدلله "وابتسم وهو يلمس بطنها بكل حب"علميني مو متعبينتس؟
عهد:والله اكذب لو قلت لك لا، ذااابحيني ذبح بالرفس والضرب مدري يلعبون مصارعة ولا وشلون
فطس ضحك صقر :لاا هاذي كبيرة على عيالي هااه ما ارضى عليهم
عهد:ما ترضى عليهم وترضى يعذبوني! ؟
صقر بعد شعرها عن وجهها ب حب:لا والله ما ارضاه
عهد ب شكوة:هاذا غير الوحام الي مدري وش قاعدة اشتهيي تخيل امس اشتهيت طين
صقر:يويلي طين! ؟
عهد:ايه والله اشتهيته كنت اقول الحريم يبالغون لكن والله طلعت صدق صعبةة
صقر قعد يضحك:هانت ما بقا شيء وينورو ضلوعنا بالدنيا
عهد ابتسمت وهي مو مصدقة متى تشيلهم بحضنها
صقر تثاوب وناظر ساعته وهو يقول:وينها دلين تأخرت ابي انام نعساان
عهد :والله مدري لكن  شفت شوق تنظف وقلت وينها دلين  تساعدنس قالت ان دلين نايمة
صقر عقد حواجبه:نايمة؟؟وشلون نايمة هي ما تنام قبل تهمز لي "وقعد"لا يكون مرضانة؟؟؟؟
عهد:والله مدري
صقر قام:بروح اشوفها لا يكون تعبانة عمرها ما سوتها ونامت قبل تهمز لي
عهد:رح شفها وطمني انا بعد
صقر:معليتس
قوم وطلع وتوجه غرفة البنات وقبل يدخل دق الباب لكن ما سمع صوت احد وفتح الباب وشاف دلين بسريرها نايمة
قرب صوبها وهو يحط يده بجبينها
وهي كانة ضامة نفسها بالبطانية ومغمضة عيونها بقوة
لكن ما كان فيها شيء وحركها شوي وهو يقول:دلين! ؟ عيوني انتي طيبة ؟؟؟في شيء يوجعتس يا بعد عمر صقر؟؟
لكن ما ردت عليه وكان الواضح عليها انها صاحية
وهو بعد شافها انها صاحية وتمثل النوم واستغرب من تصرفها عمرها ما سوت كذا لكن حب يخليها براحتها وقرب وباسها من خدها وقام وطلع من الغرفة
ودلال الي كان ضامة البطانية قامت من مكانها بعد ما تطمنت انه راح وهي تقول بداخلة بخووف
معقول كان صقر
وبلعت ريقها وهي متأكدة ونه كان نفس بنية جسمه ونفس ريحة عطره حتى وغمضت عيونها وهي تبكي وتقول ما ظنتي فيك يا صقر معقول كنت انت

صقر رجع مستغرب وقعد فوق السرير وهو معقد حواجبه استغربت عهد وقالت:وشبلاك دلين طيبة؟
صقر :طيبة طيبة معليتس بس
عهد قعدت جنبه:بس وش
صقر:كانت صاحية وما ردت علي هي احد قايلها شيء في احد مزعلها!! ؟
عهد:لا ابد والله بزاد شفتها كان تدورك وهي مستعجلة لكن بعدها ما تلاقيت معها
صقر:هي ما قد سوتها فيني حتى وهي زعلانة مني تجي تهمز لي وهي زعلانة وتمشي وشصاير معها عشان ما تجي عندي قاصدة
عهد:معليك اكيد زعلت منك بشيء وما عرفت تعرفها زعولة
صقر غمض عينه ب تعب:يمكن
عهد:تعال شايبي وعيوني تعال انا بهمز لك
صقر:لا نامي فديتس انتي تعبانة
عهد:تكفىى
صقر :لاا
عهد:طيب شرايك العب بشعرك لين تنام ابوي كان يخلني العب بشعره لين ينام
صقر ابتسم:يالله
راحت عهد وقعدت وصقر حط راسه بحضنها وهي قعدت تلعب بشعره وتقلب فيهم وهو فعلآ نعس وحبة حبة نام
وهي ابتسمت لشكله النايم الي واضح التعب بعيونه