شاعر لعيون القصيد

البارت 25

شموخ تغسل يدينها وهي تعض شفتها بضحكة وتقول بداخلها يا حليلها عمتي المستقبلية خافت علي
غسلت وخلصت وطلعت برا وكانت بأنتظارها اجوان الي كانت مبتسمة ابتسامتها
شموخ بضحكة :شرايتس فيني انا وعمتي المستقبلية
اجوان :تهبلوون
شموخ تمشي :شفتي اشلون خافت علي فديتهاا
اجوان :اي شفتها عيوني والله واضح عليها طيبة. وحبيبة
شموخ:حتى خواته طيبين وحبيبين ما تذكرين بعرس اخوه قعدنا معنا
اجوان: الا اذكر قعدنا معهم وكانو صدق طيبين
شموخ تنهدت بفرحة:
اجوان ابتسمت بفرحة لها لشموخ:تعالي نرجع مكاننا
شموخ ناظرتها وابتسمت :يالله

وصلت مها الي كانت بس تبكيي ومعها رهف تهديها لكن ابد بس تبكي خاايفة من كل شيء وبنفس الوقت تذكر امها وتبكي لانها مو معها
وتلوم حظها انها اخذت بدر الي قلبه مع وحدة ثانية
والعروسين الليلة كانو من داخلهم يبكوون ومنهارين وكل وحدة تلوم حظها الشين
وسارة تناظر مها وماسكة قلبها وتقارن نفسها فيها بكل شيء وتقول يا زين حظها يا زين نصيبها خذت الي ابيه وش تبي من حظوظ الدنيا زيادة
وكان اول لقاء لهم بعد سنوات لان مها بعد ما صار الحادث معها وما صارت تقدر تتكلم منعت من الناس وما صارت تطلع وتجي ومالها حس ابدد
ورهف عند مها الي بس تبكي :تكفيين يا مها خلص لا تبكين والله قطعتي قلبي عليتس
ومها مستمرة تبكي وتمسح دموعها
رهف:لا يدخل عليتس احد الحين ويشوفتس تبكين وش يقولون يا مها
تنهدت بعد ما شافت ما ينفع معها كل الي تقوله
ودخلت ام عادل وهي تقول:يالله يا بنات وشصار معكم
رهف ناظرتها :تكفين يا خالة كلمي مها ما قاعدة تسمع مني وبس تبكيي
ام جاسم تقدمت وهي تقول :يمه وشبلاها ليه تبكي
رهف:والله مدري
دخلت ام عادل وهي تستعجلهم :يالله بسرعة يا بنات
ومن شافتهم واقفين حول مها بقلق سكتت وقالت بستغراب من شافتهم واقفين :وشبلاكم ليه تبكي مها
رهف :مثل ما تشوفين يا خالة قاعدة تبكي ولا راصية تعلمنا ليه
ام عادل ناظرت ام جاسم وسكتت بحزن وكنها فهمت ليه قاعدة تبكي وتقدمت وجلست جنبها وهي تقول لرهف:انتي روحي يمه وانا بكلمها
رهف قامت وهي دمعتها بعينها لانها متقدر تتحمل تشوف احد يبكي قدامها
وطلعت برا وام جاسم ناظرت مها شوي وطلعت هي بعد وام عادل لفت نظرها لمها الي كانت منزلة راسها وتبكي وتحس نفسها غريبة بينهم ما تعرف احد مافي احد يحسسها انها هي قريبة منهم
ام عادل حضنتها وهي تهدي فيها:ليه تبكين يا يمه هاه هاذا عرستس هاذي بداية مشوار طويل لتس وان شاء الله تكون مشوار يسر قلبتس ينسيتس ضيم ايام الي فاتت يا يمه ادري تحسين انتس منتي منا وفينا وحنا غريبين عليتس لكن والله حنا قريبين منتس ونحبتس وانتي صرتي مننا وفينا و الله شاهد علي يا مها انتس انتي مثل وحدة من بناتي غلاتس عندي مثل غلاوتهم بقلبي لا تقولين ابد انتس يتيمة دام امتس فوزية تتنفس طيب يا يمه
مها ناظرتها وهي عيونها دمووع الي ما قالته فهمته ام عادل وحضنتها وهي تحس بحضنها مثل حضن امها
وام عادل قعدت تمسح بشعرها بحنية وهي دمعتها بعينها لانها هي بعد عاشت نفس الشعور من تزوجت وامها متوفية وما تتمنى ذا الشعور لأحد
وسارة كانت تراقبهم وساكتةة ما بوجهها اي تعابير
بعد دقايق طويلة وجا وقت الزفة وبحكم ان بدر هو الاخ الاكبر زفو مها قبل وكانت جدتها جنبها ماسكة يدها وتزفها وهي دمعتها بعينها انها بتفارق مها الي ربتها وكبرتها بيدينها وما بقي لها من الدنيا غيرها
وانزفت مها اجمل عروس بفستانها الابيض الي كان يفوح منها ريحة أغلى البخور وتسريحة شعرها القصير الي يوصل لين كتفها وسوو لها تسريحة خفيفة جدآ ومكياجها الناعم الي خربته من البكي لكن عدلته لها رهف
والكل كان يسمي بالرحمن عليها وجدتها تقرى عليها خايفة عليها من. العين والحسد