شاعر لعيون القصيد

البارت 69

وصلت سيارة ياسر ونزل قبلها وهو يفتح لها الباب وكنها اميرة ،وابتسمت عربا من اهتمام ياسر الي كان بنسبة لها غريب ونادر ،وما اكتفى بس انه يفتح لها الباب ولا مسك يدها وهم يمشو للباب ودقوه وجاهم صوت نجود وهي تقول : لحظة شوي يا تميم
وقبل تكمل كلمتها فتح الباب تميم الي ارتمى بحضن امه ب شووق ،وكان اول مرة يبتعد عن امه كذا واشتاق لها واجد.  وقعدت تبوسه عربا وهي تقول : وحشتني يا يمه والله وحشتني ،وترجع تبوسه
وياسر كان يناظر لها ومبتسم ولكنه تدارك بعدها وسلم على اخته الي ضحكت على سهوه ،ودخلو بعدها واستقبلتهم ام ياسر الي حضنت ياسر نفس ما حضنت عربا ولدها ،ورحبت فيهم ودخلتهم وهي لاول مرة تشوف لمعة الفرح بعين ياسر وقالت بعد ما جلسو : افطرتو يمه ولا اجيب لكم
ياسر : لا لا يمه افطرنا يا روحي تعالي اقعدي معنا
قعدت ام ياسر الي ما شايلتها الارض من فرحتها بولدها وهي توجه نظرها لعربا:وشلونتس يمه اخبارتس عساتس طيبة
عربا ابتسمت ب خجل:الحمدلله طيبة، انتي وشلونتس اخبارتس
ام ياسر :والله اني طيبة بفضل ربي
نجود بفرحة: ما فكرتو وين بتروحو شهر العسل ؟
ياسر :ما سألت عربا للحين لكن قبل نروح اي مكان ابي نروح المكة وبعدها نروح اي مكان فيه بخاطر عربا
عربا : يكفي اني ازور بيت الله
ياسر :وبناخذ تميم معنا
نجود:عادي خلوه معي
ام ياسر:ايه يمه خليه معنا ،تراه استانس مع نجود واجد
ياسر الي يدري زين انو عربا قلبها مع هالولد الي مالها بالدنيا غيره : ما يخالف ابيه يكون معنا
وابتسمت عربا بارتياح وما قدرت تعارض لانها اصلا تبيه معهم وام ياسر قالت: براحتكم يمه ،انا عندي بس تكونو مرتاحين والله مابي من الدنيا غير راحتكم
ياسر ابتسم ب حب : الله يحفظتس يا يمه الله يحفظتس لنا

فبيت ابو جاسم ،وتحديدآ المجلس وكان جالس ابو جاسم يكلم رامي الي علمه انهم راجعين الديرة وابو جاسم فرح انه راجع وأخيرآ وقفل وسالته ام جاسم: جاي ماشاء الله
ابو جاسم: يوصل بالسلامه ،توهم يحركون
ام جاسم : ما كلمت ياسر
ابو جاسم: لا والله ما كلمته قلت بدق عليه الظهر
دخل امجد وهو يرمي السلام وردو له السلام وجلس بعدها وهو يصب له قهوة وابو جاسم نطق:وراك منتى مداوم
امجد:والله عمي الدكان فاضي محد يدخله واذا دخله في يافوز
ابو جاسم: بس يا يبه ما يشد الزبون الا اللسان المدوح ويافوز يالله يالله يخلص شغله معه
امجد:طيب عمي بس خلي اشرب قهوتي وراجع
ابو جاسم: الله يقويك يا ولدي وعساني اشوفك معرس مثل ما اني شفت ياسر
امجد نزل الفنجان وام جاسم نطقت وهي تضحك:الحين ينحاش
امجد اعتدل بهتمام وهو يحس جته الفرصة يكلم عمه : لا لا معليتس ما انحاش ،واساسآ بغيت اعلمكم اني ابي اخطب
ام جاسم ما صدقته: يمزح يا ابو جاسم ،هاذا نفس سواليفه ما يخليها و،راه حاجة يبيها منك
تمجد:لا والله اني صاادق يا خالتي
ام جاسم بفرحة:صدقق؟ يعني صدق تبي تخطب؟؟ الله يسعدك يا رب يا امجد ويكتب لك الخير ويزين لك دربك ويسهله يا رب ،ومنهي سعيدة الحظ الي حاطها تحت عينك
امجد نزل نظره بتوهق :شدعوة خالتي مو يعني بغيت اعرس لازم اني حاط وحدة تحت عيني
ابو جاسم بنص عين: عليناا ما صارت تمشي علينا ترا ،كلكم ما بغيتو تعرسو الا وانتم حاطين القلب تحت العين مغير عيالي الي قبل صقر
امجد يمثل البرائة:الله يسامحكم
ام جاسم: خلاص يا يمه انت بس آشر على البيت وانا اروح واخطب لك هي  من بكرى
امجد سكت وبعدها قال:والله يعني سمعت عن اخلاق اخت ياسر ويمدحونها
ام جاسم ناظرت لابو جاسم وهم كاتمين الضحكة عليه :ايه ماشاء الله اخلاقها زينة
امجد يقلب بالفنجان: وكمان يعني عجبني اكلها
ابو جاسم رفع حاجبه:وانا اقول وينه ذا الولد ما عاده يتغدا معنا
امجد حط راسه بفشلة وام جاسم ضحكت عليه قال كل شيء بس عشان يثبت لهم انه مو حاطتها تحت عينه واشرت على خشمها: ابشر على هالخشم ،اخطبها لك ومتى ما بغيت
امجد ابتسمت وباس يدها:الله يخليتس لنا يا خالتي والله الحياة بدونتس وبدون خالتي فوزية ما يسواا
ضحكت عليه ولفرحته وابو جاسم ابتسم وكان يدعي بداخله يشوف كل عياله متزوجين والحين بيزوج اخر عياله
والعيال الي كانو يلعبون بالمجلس وسمعو عمهم امجد بيعرس ما قصرو وراحو علمو كل الي بالبيت وقامو مستانسين وخرج امجد من المجلس راجع الدكان مرة ثانية وقابل ام عادل برا والي حضنته بفرحة وهي تقول:مبروك يا يمه ،وأخيرآ قبلت تعرس ،والله فرحتني يا ولدي
امجد الي كان مستانس لفرحتها وبنفس الوقت مستغرب وشلون درت وهو توه يخرج من المجلس
وخرجت عربا بنت عادل تجري له :صدق عمو بتعرس؟
امجد ضحك:ايه وانا عمتس بعرس
عربا نطت بفرحة:ونااسة بنحضر عرس ثااني
ضحك امجد ودرا يا ذيب يا سيف الي ما صدق وراح يعلم الكل وقعدت ام عادل تبارك له وهي مستانسة وأساسآ ما باقي صار شيء