شاعر لعيون القصيد

البارت 22

جا صقر وهو بيده كيس حلويات وكان مشتري للبزران وعطاهم حقهم وكان مشتري لدلين من كل شيء وزيادة لانه داري زعلانه منه لانه ما جاب لها الفار الي تبيه
كانت قاعدة بالحوش وكانت راكبة فوق الكرسي وتقطف لها لوز لكن من شافته صدت بوجهها ونزلت بزعل
وصقر قال قبل تروح وقفها بسرعة :دليين يا رووحي
دلال وقفت ولفت له بزعل :هلاا بغييت شيء يا اخو شوق؟؟؟
صقر ببتسامة من زعلها الي يحببه :يا زيييين هلا من لساانتس يا دلين
دلال كلمة منه ترضيها لكن هالمرة حبت تثقل شوي ونطقت :لاا معلييك هي ازين من لسان غيريي
صقر :وش تقولين انتي مين!؟
التفتو لصوت عهد تنادي :دليين يا دليين
دلال تضد نظرها بزعل وهي تنطق بصوت عالي :هناا، وااقفة مع شاايبتس
جت عهد وشافت صقر معها وقالت:هلا شايبي بغيت شيء!؟
صقر ابتسم وقال :ما بغيت الا سلامتس
دلال ناظرت له : هااه ازين من لسانها مو!؟؟
ضحك صقر ونطقت عهد مستغربة :وشهو تقوله ذي؟؟
صقر:معليتس منها تمزحح
عهد :ايه معليه اسمع ،.اخوي دق وقال جايين بعد شوي
صقر يناظر ساعته:ايه والله قال جايين العصر، اسمعي ناقص شيء اروح الدكان و اجيب!؟؟
عهد:لا لا مو ناقص شيء الحمدلله ما نسينا شيء من البيت "ولاحظت للكيس الي بيده" وشذا الي معك؟
صقر ناظر لدلال :هاذي الكيس حاجات يحبهم قلب دلين حبيبة قلبيي ونظر عيني جبتهم لها
عهد ناظرت لدلال وبعدها صدت نظرها عنها
دلال الي مصررة هاذي المرة تثقل رغم ان ما هان عليها ما ترضى :اناا دااخلة الداخلل اكل لووز
ومشيت من عنده بزعل وصقر تنهد منها بضحكة وهو يقول :رضا البنات صعببة والله
عهد :انا دااخلة تبي شيء؟
صقر ناظر لها بستغراب ليه :وانتي ليه زعلتي؟
عهد لفت وجهها :ولا شيء سلاامتك
صقر ابتسم ومد لها الكيس :خذي لكن لا تزعلين بوجهتس انتي ما يليق عليتس غير المبسم الرزين يحلي وجهتس ويزيده حلا فوق حلاه
عهد لفت له :والله وشش؟؟ يعنيي الي جبتهم لدليين حبييبة قلببك ونظر عيينك تقووم تعطيني هي عشان دلين ما اخذتتهم!؟؟
صقر :وشبلاتس يا مرة عصبتي وزعلتي ما نقصد والله، بعدين ايه صح جبتهم لدلين لكن انتي ودلين غلاوتكم نفس بعض بقلبي وشفيها لو انتي الي اخذتيهم ولا هي ما فرقت عندي يالله يا بعد قلبي خذي
عهد صدت وجهها باستهزاء من كلامه :رح عطهم للورعان يستاهلوونه اكثر منيي "ومدت يده وقطفت لها لوز من الشجرة" بااكل لووز وشعلييه
ومشيت من عنده وخلته واقف بمكانه
صقر ناظر الي بيده وقال:اليوم الكل منفسين مدريي وشبلاهم،.يالله وشعلييه نحطهم ونراضيهم فيه بعدين بعد شوي اشوفهم جايين يدور،،ومشي

عند شموخ وحيدر الي خذو جولة وراحو بعيييد عن الاسطنبل بوااجد و وقفو عند نهاية التل بحيث في مسافة بينهم وبين الارض ويقدرو يشوفو البيوت القريبة من المزرعة لكنها بيوت بعييدة عن بعض وفي حولين البيوت خيم وبيت شعر لكل بيت
شموخ وقفت لانهم وصلو لنهاية الطريق وقالت وهي ترجع ب خيلها:صاير خيال والله معليك من العيب شيء
حيدر:ايه اجل متحمس للسباق
شموخ نزلت من خيلها:والله بعد الجولة تحمست اكثر
حيدر ضحك حماسها ونزل من الخيل وقال وهو يمسح بخيله :والله شكلي بقول لابوي عود صار حقي انا
شموخ :صار لك ومن زمان ولا ابوك لمين يعطيه غيرك؟
حيدر:من وانا صغير قايل انه لي لكن مدري ما كنت احبه وحبيته بذا الشهرين مدري اشلون
شموخ ابتسمت لانها تبييه يحب الخيل مثل ما هي تحبه وتعشقه ،. ومشت وهي وربطت عنبر عند الشجرة
وحيدر نفس الشيء وبعدها قعدت شموخ بالارض وقعد حيدر جنبها بس بمسافة وهم يتأملون البيوت الي تنشاف كلها لانهم هم بمكان عالي شوي
حيدر كان يناظر ويتأمل بالبيوت وجت بباله عيون القصيد سكت للحظة وبعدها ناظر لشموخ و وده يسالها عنها شيء يسحب منها كلام
شموخ لفت له يوم حست وده يقول شيء
وقبل يتكلم حيدر طاح عينه بعيونها وكان اول مرة يركز بعيونها وهي عيون مألوفة بنسبة له لكن ما يذكر وين شايفها ومستحيل يتذكر عيون القصيد ويشبه عيون شموخ بعيونهاا
شموخ استغربت وتوترت بنفس الوقت من نظراته ونطقت بتوتر وربكة :و ،.وشبلاك حيدر؟
حيدر للحين كان يناظر وقال وهو يأشر لعيونها و يحاول يتذكر بمين شبه شموخ :عيونتس!؟؟!
شموخ رمشت بتوتر وهي تحس خلااص عرفهاا او شكك فيها ،.وسكتت ما عرفت وش تنطق او تبعد الشك منه وحيدر كان يحاول يتذكرر ،.صحي قطرات المطر حيدر من تفكيره وحيرته وكانه قريب يتذكر لكن صحي من حيرته بقطرات المطر
وشموخ تنهدت بارتياح لما بعد نظره عنها وكنها عرفت انه كان قريب ويعرفهاا لكن ما كتب يعرفها الحين
قام حيدر من مكان ورجع ورا بحيث يغطيه الشجرة من المطر وما يتبلل
وشموخ قامت من مكانها ببتسامة للمطر وهي ترفع كفها تلامس قطرات المطر الي بدا يزيد شوي ،.ومع صوت الرعد حلي الجو اكثرر .وتقدمت شموخ ومشت تحت المطر بالكامل وهي تضحك بفرحة للمطر ولفت لحيدر وهي تقوله:تعاال
حيدر :خلني واقف مع خيلي احسن
شموخ :يا رجاال ما يمطر داايم ترا تعاال
حيدر :ما بودي اتبلبل
شموخ :برااحتك بس والله فاتك اليوم يوم مميز والمطر زادها تميز
حيدر ضحك:ادعي لي القي الدرب الي يوصلني لعيون القصييد
شموخ ابتسمت :من عيووني
ضلت شموخ تلعب تحت المطر بفرحة وطفولية وحيدر يضحك عليها وكان المطر خفيف لكن فرحة شموخ بالمطر كان يضاهيه ،.حيدر قعد يناظرها بضحكة وشموخ قالت بستغراب:وشبلاك تناظرني كليتيني يا رجال!؟
حيدر نزل نظره بضحكة:لهدرجة تحبين المطر ؟
شموخ اطلقت ضحكة ومطقت :انا بنية تايهة بحب الخيل والقصيد وزاده المطر حب ،..خيلي معي والدنيا مطر وش ابي زيادة عشان استانس!؟؟
وكاان وجود حيدر معها فرحة الثالثة لشموخ والي كان اهمهم واكثرهم حبآ
حيدر سكت شوية ببتسامة وقال:تهتي ب حب القصيد يعني شاعرة!؟
شموخ ضحكت:جربني
حيدر ناظر الخيل بتفكير وقال :قولي قصيدة يوصف حبتس للخيل
شموخ تبسمت وتقدمت من خيلها ولمسته ب حب ونطقت:جبتها على الصميم
حيدر :لهدرجة تحبين خيلتس!؟
شموخ ناظرت فيه :تلومني على حبه؟
حيدر نزل نظره بضحكة :لا والله ما الومتس
شموخ رجعت نظرها لخيلها وهي تلامسه ب حب : لا تلومني بحبه، لأن حبي له يشابه حبك لعيون القصيد
حيدر رفع حاجبه ببتسامة:تلوميني على حبها!؟
ضحكت شموخ:لا ما الومك
حيدر قام من مكانه وهو ينفض التراب من يدينه :لكن حبي لعيون القصيد غير عن حبتس،. ويضااهي حبتس للمطر والقصيد وان كانك تلومين قلبي على حبها انا الوم قلبتس بحب الخيل وماهو ب ملام المحب بحب محبوبه
شموخ سكتت لوهلة وهي تناظر بخيلها والتفت له وهي تنطق :يقولك الشاعر من يلوم القلب في حب الخيل!؟
كنه يلوم الارض ب حب المطر"
حيدر ضحك بخفة وردها بالقصيد :ومن يلوم الشاعر في حب قصيدته!؟
كنه يلوم الفارس في حب مهرته
شموخ ابتسمت ابتسامة حب وقالت:محد يلوم الشاعرين ليا طاحو في حب القصيد
حيدر :وانا طحت في حب الشاعرة وقصيدها
شموخ ابتسمت وشدت بيدها من الفرحة من كلامه وكلامه من فمه لقلبهاا يستقر وناظرت فيه وهي تحس حيدر الشخص الي هي تبيه لاول مرة تخاف انها تخسر شخص مثل حيدر واول مرة تحب شخص مثل حبه
قاطع تفكيرها حيدر الي كان يتأمل بالطبيعة لكن شده الفضول يسأل :بسألتس سؤال وجاوبيني بصراحة
شموخ استوعبت لنطراتها له ونزلت نظرها وهي تقول:تفضل
حيدر:عيون القصيد تقرب لتس!!؟
شموخ سكتت وما عرفت تجاوبه لانها ماهي مجهزة نفسها لأسئلته ،.حيدر رفع حاجبه محتريها تجاوب
شموخ ناظرت له :يعني تقريبآ
حيدر ابتسم وقال:ما استغربت كل العايلة شاعرين والله انتم يلقبونكم ب اهل القصيد
شموخ ضحكت على كلامه وما علقت
وحيدر كمل يبي يسحب منها كلام :طيب هي تحب الخيل مثلتس؟
شموخ توهقت وش ترد :ا يعنيي اييه تحبهم
حيدر :طيب قد جاءت الاسطنبل؟
شموخ ابتسمت:ايه
حيدر فرح وقال بحماس:طي
قاطعته شموخ بعد ما استوعبت انه يسحب منها الكلام وهي قاعدة تجاوب عليه بكل سهولة :سؤال وااحد وصارو سؤالات
حيدر حك راسه :وش اسويي ميت حب لين اعرفهاا
شموخ:لازم تتعنى لاجل محبوبتك ان تحبها لازم تتعنى لين توصل لها
حيدر شكت وبعدها قال بابتسامة وفرحة:طيب صدق تقرب لتس!!؟
شموخ بضحكة :اييه كم مرة اقوولك
حيدر ابتسم و وجه نظره للبيوت وهو مبتسم ويفكر لكن فجأة تذكر لوجين ولف لشموخ وهو يقول بصدمة وحماس:لاا تقوليهاا
شموخ استغربت :وشهو!؟
حيدر اشر اصبعه لورا :هذييك البنت لا تقوليين هي عيون القصيد؟؟؟؟؟
شموخ مستغربة :ميين!؟ لووجين؟؟
حيدر:اييه هذيك الي سلمت علينا
شموخ ضحكت بإستهزاء :فكر بالكل الا فيهاا هااذي الي شوشتها واصلة لسماء هي عيون القصييد والله ظلمتهاا للادمية
حيدر سكت لوهلة يفكر ورجع قال : قولي الصدق تكفيين
شموخ : لاا مب هي لييه اكذب عليك
حيدر سكت :خلاص زين صدقتس
شموخ:زيين، انا راجعة الاسطنبل وقف المطر
حيدر كان يفكر وقال :طيب انتي روحي وانا لاحقتس
شموخ ركبت خيلها وهي نظرها بحيدر الي يفكر ومشيت وهي تقول يا خوفي يحطها بباله ويقول هي عيون القصيد اصلا مدري اشلون فكر فيهاا هاذي ما تعرف تكتب سطرين خطاب حق المدرسة تقوم تكتب قصيد
ومشيت من عنده وحيدر قعد يفكر وهو يقول يمكن هي ليش لا وشموخ تكذب علي لأجل ما تخرب السباق ايه صدق
وكان يفكر وهو يبتسم وانه سلم عليها اليوم ويمكن هي عيون القصيد وضل بافكاره وخيالاته
بعيون القصيد الي هي حوله داايم لكنه يفكر بالبعيد