شاعر لعيون القصيد

البارت 9

وصلو ياسر وابوه البيت وابو ياسر للحينه ما رضي ينطق بحاجة لياسر الي كان طول الطريقه يسأله ،وكان يردد بكل تساؤل "ليه يبه "
نزل ابو ياسر ما وده يسمع ولا يحكي شيء وياسر وراه و :يببه علمني وشصاار، تكفى يا يبه  لييه قلبتو فجأة وشلوون انت وياه كنتو اثنينكم موافقيين وشصاار علمنيي تكفى يا يبه
كان متجاهل كل سؤال يساله فيه  و دخل داخل وهو ينطق اخر كلمة :البنت هاذي مب من نصييبك يا يبه افهمها خلااص
خرجت ام ياسر على اصواتهم و وراها بنتها وهي متروعة من اصواتهم ونطقت  :بسم الله ،وشصااير ليه تصارخون
ياسر  التفت لامه ونطق ب رجا :يمه ترجيتس ، قولي لابويي
ام ياسر مستغربة:وشهو اقوله
ابو ياسر التفت له وهو ينطق بحدة :خلاص يا ياسر البنت ماهي من نصييبك يا يبه مااهي من نصيبك لا تصعبها علي نفسك وهي سهلة
ياسر ميل راسه ب رجا : طيب عطني سبب يا يبه ، وشصاار كنت موافق وطلعنا من البيت وانت مستاانس قولي وش حصل ،وشهو الي تكلمته معه وما اتفقتو فيه علمني يبه تكفى
ابو ياسر سكت  لوهلة يقلب نظره عنه ونطق بهداوة :ياسر خلاص يا يبه خلااص
ام ياسر :ليه يا سعود وش صاار ليه ما خطبت البنت
ابو ياسر اخذ نفس بقلة صبر ما يدري اشلون يقولها
ياسر هدي شوي وناظر ابوه بعيون جادة :اذا هي مو من نصيبي غيرها ما بيكون من نصيبي، والحين اقولك يا يبه و قدام امي واختي، يحرم علييك حفيد من غيرهاا ويحرم علي زوجة غيرهااا
ابو ياسر سكت وهو عينه بعين ياسر الي كان غاضب من رفض ابوه ،وكان يلمح الاصرار بعينه وملامحه ،وشلوون مصر ياخذها وشلون بنته خذت عقله وقلبه كذاا لدرجة ياسر ما صار ياسر نفسه الي لو قاله على كلمة ما تصير ثنتين
مشي وترك ولده وحرمته ،وام ياسر استغربت وش الي صار وليه رفض فجأة وناظرت لولدها الي كان واقفة وهو مو داري عن حاجة ،ولا ليه رفض ابوه ورفض ابو جزاع بعد ،ام ياسر طبطبت بكتفه وهي عاقدة حواجبها بدهشة من ابو ياسر ونطقت: معليك يا يمه معليك،بكلمه انا
والتفت ورا ابو ياسر  الي راح يتوضى عشان يصلي وهو يحس مو قادر يستوعب للحين انه شاف ابو جزاع الي ذبح صاحبه ما يدري اشلون يفهم ياسر انه ابو جزاع هو قاتل ابوه اشلون يفهمه ويقول ما يصلح تاخذ بنت الي ذبح ابوك بدم باارد
وقفت ام ياسر عنده وهي تنطق بإنزعاج ودهشة من رفضه :سعود وشهو ذا الي سوييته
ابو ياسر سكت وما جاوب
ام ياسر :علمني يا سعوود ليه ما خطبتهاا ياسر يبيهاا وانت تدريي،، شفته بعيونك من اسبووع وهو وشصااير فيه منهاا ليه ما خطبتها
ابو ياسر خلص من الوضوء ولف لها وهو يقول :خلاص يا ام ياسر تكفين لا تزودي النار علي، البنت ماهي من نصيبه خلاص افهموها
ام ياسر :وشلون مو من نصييبه وانت ما تكلمت مع ابوها وخطبتها حتى، تكفى يا سعود ولدي مقدر اشووفه ضايق صدره وزعلاان
ابو ياسر :وانا اقدر اشوفه كذا يعني؟؟
ام ياسر :لو ما تقدر لييه قااصد تزعله وما خطبت له البنت هااه
ابو ياسر  تمض عينه بقلة صبر وصرخ: البنت الي تبيني اخطبه له تصيير بنت علي يا هياام،، ايييه علي اليي ذبح تمييم ،،تبيني اخطب بنته ليااسر ،تبيني اخذ دية سعود من علي  ببنته ؟؟؟علميني يا هيام انا وشلون احط يدي بيده علمييني وشلوون؟؟
ام ياسر تصنمت بمكاانها وهي وضح فيها الصدمة من رجفة عينها الي كانت تعبر عن ملامح صدمتها
ابو ياسر اخذ نفس : فهمتي الحيين ليه ما خطبتهاا؟ فهمتي لييه يا هياام
ام ياسر بلعت ريقها ب عدم التصديق وهي قلبها ينتفض من الصدمة :وشلون يا سعود ،وشلون طلع هوو ،هو راح من الديرة ماهو علي انت غلطان يا سعود اكيد انت غلطان
ابو ياسر زفر وقرب صوبها وهو يحاول ان يتدارك وضع ياسر قبل تتعمق ومد يده وهو يمسك رقبتها من منبت شعرها ونطق بجدية :اسمعيني يا هيام، انتي لازم تقولين لولدتس يبعد عنهاا ،قوليله البنت ما تصلح لك وفهمييه خليه يطلعها من عقله وقلبه هي مب من نصييبه ،علميه يبعد عنها ولا عاد يروح لها ،لا تخليه يعرف وشلون مات ابوه ،لا تخلي قلبه ينكسر رجيتس
ام ياسر كانت مصدومة ومن صدمتها ما قدرت تنطق
وابو ياسر تفهم هاذا الشيء وحضنها وهو يحاول يخفف من صدمتها  وهو مقتنع انه عربا مستحيل تكون من نصيب ياسر وكلها كم يوم ويطلعها من قلبه وينساهاا وما يبي الموضوع ياخذ مجرا ثاني ويعرف ياسر عن مواضيع المفروض ما يعرف عنها