شاعر لعيون القصيد

البارت 55

جري انس وهو يدخل مجلس الرجال ويدور بعيونه على صقر لكن من ربكته ما شافه وناداه لاجل يستجيب له ويشوفه : عمو صقرر
صقر التفت له وهو يشوفه وشلون متخبص وقال:هناا عمك صقر
انس الي لف نظره للصوت وطاح عينه على صقر ومشي عنده وهو يقوله بربكة :جدتي تبيك يا عمي بسرعةة قم واقفة لك برا
صقر استغرب وقال : تبيني؟ زين يالله جاي الحين
قام معه وطلع برا وكانت ام جاسم واقفة بخووف وربكة وقال :هلا يم
وقبل يكمل كلمته تقدمت عنده ام جاسم بخوف وهي تقول : بسرعة يا صقر قم ناخذ عهد المستشفى
فز صقر بخوف من نطقت اسم عهد وقال : ليه وشفيها يا يمه
ام جاسم : ماا ادريي يا يمه والله ما ادريي قاعدة تنزف البنية بسرعة خذهاا المستشفى
صقر انصدم لمن سمعها وحس اطرافه بردت وقال بصدمة: وشهو؟؟
ام جاسم : بسرعة خلي ناخذها المستشفى يا يمه
صقر استوعب وبسرعة التفت وهو كل الي يفكر فيه انه ولا حد منهم يصير فيه شيء وجري بسرعة داخل البيت بدون لا حتى يتأحح وتوجه ل غرفتها وهو بس يبي يوصل لها وياخذها المستشفى بسرعة
كانت امها عندها واختها حنين وشوق لكن هو ما كان منتبه لاحد وبسرعة جري عند عهد الي كانت منهارة وتتألم وهي تردد عياليي وكان منصدم من المنظر لكن خوفه كان سابق صدمته بالمنظر ومسك يد عهد وهو يقول بستعجال:شوق جيبي عبايتها بسرعةة
وشد بيد عهد الي كانت تبكي وهي يدينها يرجفوو وناظرت له وهي منهارة : صقرر تكفى خذنيي المستشفى عيالنا بيموتو يا صقرر
صقر كان خايف اكثر منها ولمن شاف الدم صار خايف اكثرر ،خايف على عهد وعلى عياله الاثنين ومد يده ومسك وجهها بيدينه وهو يهديها : عيالنا مافيهم شيء ان شاء الله يا عهد انتي بس هدي ولا تخافين طيب يا ابوية عيالنا مافيهم شيء
ولكن عهد كانت مثل ما هي وتبكي وشوق جابت عبايتها ولبسوها لها بسرعة وام نايف مع عهد الي تبكي وتحاول تهديها ومن جهة صقر ساعدوها تمشي لمن السيارة وركبو السيارة وتوجهو المستشفى بسرعةة وكل واحد منهم خاييف وصقر ما درا ابد وشلون وصلو المستشفى من خوفه حس انه نسي ووشلون يسوق نسي الطرق نسى كل شيء من بكاء عهد
وصلو المستشفى ونزل بسرعةة وهو يساعد عهد تنزل ومعه ام نايف وام جاسم بعد ودخلوها المستشفى بسرعة ونادو الدكاترة بسرعةة ودخلوها عشان يكشفو عليها وهم ضلو واقفين برا
صقر دخل يده بشعره وهو يحس منظرها مع الدم مو راضي يروح من باله ،ناظر ليدينه الثنتين وشاف يدينه يرجفوو من الخوف عمره ما رجف من الخوف زي كذاا
والتفت لامه وهو يقول : يمه وشصار معهاا طاحت ولا وش صاار
ام جاسم : بسم الله عليها يا يمه لا طاحت ولا صار لها شيء كانت قاعدة معنا قامت وراحت غرفتها ولحقتها وسالتها ان كان فيها شيء وقالت مافيها شيء بس ظهرها يوجعها شوي وكانت طيبة لكن لمن قامت ما شفت الا الدم نازل منها
صقر صد وجهه وهو يمسك راسه ويقول لنفسه كله بسببك يا صقر بسببك انت يا صقرر الحين عهد بهاذي الحالة
ام نايف الي قعدت وهي تبكي وخايفة وام جاسم جلست تهديها وهي تقول : ما يصير كذا يا ام نايف ان شاء الله ما فيها شيء
وصقر الي ابتعد مسافة عنهم وهوو يدعيي ان ما يصيير شيء لعهد او لاحد اطفاله وكان صدره يرتفع وينخفض من الخوف عليهم وكل ما يمر دقيقة يحسها مثل الساعة خذو منه عهد للداخل وتزيد خوفه مع تاخيرهم
لحد ما طلعت الدكتورة وفز صقر من مكانه وهو يروح لها بسرعةة وهو يقول بخوف : طمنيني يا دكتورةة حرمتي وشلون صاارت؟
الدكتور :الحمدلله طيبة وتقدر تشوفها
صقر الي ما صدق ابد ودخل على طول قبل تكمل الدكتور كلامها و وراه دخلو ام جاسم وام نايف وصقر جري عند عهد بسرعة وهو يحضنهاا ويحسس انه اول مرة يحضنها من زود خوفه
وام نايف الي مسكت يد بنتها وهي تقول : وشلونتس يا يمه
عهد ناظرت صقر وقالت:طيبة يا يمه لكن وش قالو عيالي طيبين يا يمه
صقر يطمنها:معليتس الحمدلله طيبين يا عهد
عهد الي حاسة بخوف وقلق :تكفى ناديها والله احس بشيء يا سفر احسس فيهم شيء
صقر شد بيدها وهو يقول : بسم الله عليهم يا عهد لا تقولين كذا الحين بتجي الدكتورة واسمعي منها
عهد نزلت نظرها عنه وهي تمرر يدها لبطنها وتحس بداخلها مو قادرة تطمن ابدد
وبعد دقايق دخلت عليهم الدكتورة وصقر قال: هاتس يا عهد جت الدكتورة
ام نايف :طمنينا يا دكتورة عهد طيبة وعيالها طيبين؟و وش سبب النزيف يا دكتورة
الدكتورة سكتت عن اسئلة ام نايف وسكتت شوي وبعدها قالت وهي تكتف ايدينها :سبب النزيف هو انه صار معك نزيف بالمشيمة وسببها ممكن تكون ناتجة عن وقعة او ممكن سبب اخر ، وابيكم تطمنون ان الام الحمدلله بخير ومافيها شيء ..بس
وسكتت الدكتورة وعهد بلعت ريقها بخوف من وقفتهاب الكلام بالشكل الي رعب الكل وقالت : بس وش يا دكتورة
الدكتورة اخذت نفس وقالت : بسس احد الاجنة. ميت فبطن الام
عهد سكتت بصدمة وكانت حاسة بداخلها ان احد منهم في شيء احساس بداخلها خبرها بذا الشيء و غمضت عينها وهي تكتم دموعها وتشد بيدها بالبطانية
وصقر بلع ريقه وهو يحاول انه يمسك نفسه لاجل عهد مهما حزن هو حزن عهد اكبرر وشد بيدها وهو ينزل راسه لاجل ما تشوفه هو مكسور وتنكسر هي اكثر وهو يردد : الحمدلله على كل حال الحمدلله على كل حال
الدكتورة الي كانت تراجع عندها عهد دايم وكانت تشوف فرحتهم بالتؤام وحرصهم على حملها وكل شيء كانت شاهدة عليه ،قالت وهي تدري انهم بحالة ما يسمح لكنها بالضرورة شبكت يدينها وهي تناظر لصقر : ولازم نسوي عملية باسرع وقت ونخرج الجنين الميت لاجل ما يؤثر سلبآ على الجنين الاخر
صقر كانت عينه تلمع لكنه كان كاتم كل شيء لاجل عهد وقال : طيب
وعهد الي كان هدوء بكائها غريب رغم انو لمن جو كانت منهارة وخايفة لكن ما تدري وشلون لمن خبرتها الدكتورة نزل عليها السكينة كانت دموعها تنزل وهي تاخذ نفس وامها تحاول تهديها وتقولها الحمدلله على كل حال يا بنتي
وصقر الي ما ترك يد عهد ولو للحظة رفع يدها وباسها وهو يقول :قولي الحمدلله يا عهد الحمدلله على كل حال ربي يعطي وربي الي ياخذ ونحن ما نعترض على حكمه
عهد ناظرت لصقر بين دموعها وقالت ب رضا بعد كلام صقر : الحمدلله على كل حال يا صقر الحمدلله لكن قلبي وشهو الي بيرضيه بعد ما تعود على قربه بيطلعو روحي من جسدي يا صقر موو ضنااي
صقر حس كلمتها اكسرته من الداخل خمسين كسرة دمعته الي كاتمهاا يحس انه خانقه لكنه مستحيل يخليه يتجرد ويخونه وتقدم وهو يبوس عهد من جبينها ويحضنها ويحس لاول مرة بمشاعر الفقد اليي يكسر الظهر ،ضناه الي كان ينتظره اعلموه انه ميت قبل يقبل للحياة تعلق هو فيه قبل يولد وفقده بعد قبل يولد كان شيء قاسي حيل عليه انه يكون ملهوف له وكل يوم يحكيهم عن لهفته وشوقه لهم واليوم فقد واحد منهم
وام نايف قعدت تبكي هي بعد من كسرة بنتها وهي تحاول تهديها وهي نفسها تبكي وماهي بقادرة تمسك نفسها