شاعر لعيون القصيد

البارت 53

حيدر بعد ما رقص عدة مرات رجع جلس بمكانه وابوه ولا عمه مانع انه عريس ويرقص خلوه براحته وزود كمان قعدو يحييونه وهم فرحانين لهم والاغلبية يدري بقصته والي ما يدري درا من رقصه وفرحته
وبعد ساعات من الرقص قرر انه يقعد ويستريح شوي
وما دامت استراحته الا خمس دقايق وجاه صقر وهو بيده الجوال :حيدر
حيدر فز بخوف من جيته المفاجئة وقال:وشصاير
صقر ناظره بستغراب :مافي شيء صاير يا ابوي اشبك فزيت
حيدر:والله بعد الي شفته ما عاد في امان
صقر ضحك بخفة وقال:اتصلت خالتي وتقول يالله الزفة
حيدر ابتسمت ب لهفف وهو يحاول يتخيل شكل شموخ بالفستان الابيض
وصقر قال:يالله بسرعة 
حيدر :يالله يالله جايي
قام معه ومشيو اثنينهم مكان الحريم وحيدر يحس بشوية توتر توه ويحاول يضبط نفسه

خرجت اجوان بعد ما لبست طرحتها واخذها فهد مكان شوي بعيد عن الحريم واجوان مستغربة:ولد ياهوه وين ماخذني انت وينه محمد
فهد :بس بس شوي قدام
وتمشي وراه لين ما وصلو الاسطنبل وكانت تبي تفصل على فهد وقبل تنطق شافت شخص واقف ومعطي ظهره وسكتت وفهد اول ما وصلها هو انحاش واجوان ناظرت فهد الي انحاش ومستغربة منه وناظرت بالشخص الي واقف وهي متأكدة انه مو محمد ما كانت هيئة جسمه مثل محمد وكان مختلف حييل
استدار لها لمن حس بوجودها واول ما شافها توسعت ابتسامته لها بعجاب وذهول من جمالها
وتقدم عندها وهو يناظرها من فوق لين تحت بإعجاب
واجوان ما انصدمتت للحظة توقعت انه ممكن رعد وقالت :انت !
رعد للحينه ما شال نظره عنها:واه واه يا اجوان والله ما عرفتش معقول انتي هي نفسهاا
اجوان بداخلها من كلامه لكن قالت :انا اوري فهد بسس خل اشوفه
رعد ضحك ضحكته المعتادة :معليتس تراه مسكين ما سوا شيء غير انه كذب عليتس عشان خمسين ريال
اجوان:وبفلوس بعدد
رعد:ايه شفتي الدنيا ما هي ب سهال لازم تدفع لاجل تحصل على الشيء الي تبغاه "وتقدم ببتسامة منها وهو نظرته لعيونها"الا انتي ما ظنتي بتجين ب شروا
اجوان ضلت تناظر له ولنظراته الي واضح انه يناظره لها بإعجاب و حب وهي بداخلها تقول معقول صدقه يحبني ولا كذا؟
و رعد كان سكوته له فرصة لاجل يطول النظر لها وما باعد نظره عنها ابد ،واجوان صدت نظرها  ب صد وهي ما بين تصدقه وما بين تكذبه وقالت:انا راجعة عند شموخ بس لا تطوفني الزفة بسبتك انتت
رعد ابتسم وما عارضها او منعها لانه الدقيقتين ذول كانو يكفونه وزيادة انه يكحل عينه فيها
واجوان تذكرت كتابها والتفتت له وهي تقول :تذكرت
رعد عرف انها تذكرت الكتاب وقال:وش
اجوان:لاحظت ان كتابي ضايع من يوم اني ركبت معك السيارة اظن انها معك لو سمحت رجعه لي قبل يوم الاحد ضروري
رعد صد نظره بلا مبالاة:ما بجيبه اذا تبين تعالي خذيه بنفستس
اجوان اخذت نفس وهي تناظر بغضب من بلا مبالاة وتدري انه قاصد اخذ كتابه وخلاه معه ،ومشيت من عنده ، رعد ناظرها وهي تقفي وناداها بصوت عالي :اجواان
وقفت بمكان بدون لا تستدير له ،ورعد ابتسم لانها وقفت له وقال :احبتس
اجوان ما تدري ليه بهاللحظة تلاشى كل الكبر بداخلها عنه وحست الكلمة هاذي حركت بداخلها شيء
ابتسمت من جمال الشعور الي حسته وحمدت ربها انها ما قالها هالكلمة وهي تناظر له
بلعت ريقها بتوتر ومشيت وهي حاطة يدها بقلبها ورعد ابتسم ابتسامته الوسيعة من شافها وقفت بمكانها للحظات وهو داري انها بدت تحبه لكنها تكابر ودخل يده بين شعره وهو يجعدهم بفرحة ومتلهف للقائهم الجاي