شاعر لعيون القصيد

البارت 26

وصلو البيت ومها شابكة يدينها فبعضهم بتوتر اول مرة تزورهم ومتوترة وبدر من يشوف توترها ما يتكلم معها اكثر عشان لا تتوتر زيادة وهو داري انها ما كانت تطلع من البيت وشيء طبيعي جداً انها تتوتر وتخااف لان الكل الحين غريب عليها وماهي متعودة على الناس
نزل بدر و وراه نزلت مها وتقدمو عند الباب الي فتحوه لهم البزران لانهم سمعو صوت سيارته من جا وقال ليوسف :يوسف حبيبي دل الخالة عند المجلس
يوسف :طيب
مشي يوسف وهو يقولها تعالي وراي ومها تحس توترت زيادة وهي تناطر بدر ولا ودها تبعد عنه لانه بعد جدتها هي ما تعرف الا بدر وهي معه يالله شوي احسن من انها تكون مع اهله الي ما تذكرهم ولا تعرف عنهم شيء
ومشيت مع يوسف وبدر وقف لين دخلت وبعدها هو مشي المجلس

مها لحقت يوسف والبزران الباقيين وراها
يدرون ان في سلة حلاوة باقي
واول ما دخلت مها قعدت تزغرط الجدة وجت دلال وهي وشوق يتهاوشون مين ترش الحلاوة لكن اخر شيء قعدو ثنينهم يرشون الحلاوة والبزران يجمعو
ومها مسكت قلبها بخوف ما تدري وشسالفة
والجدة تقدمت منها وهي تبوسها وترحب فيها ومعها ام عادل وام جاسم الي مقررين انهم يستقبلونها مثل ما استقبلو سارة وما حسسونها انها هي غريبة بينهم
وسارة كانت واقفة بعيد وتناظرها وهي ساكتة
بعدها دخلو. كلهم. المجلس

دخلت الدكان وهي تقول السلام وعليكم
صويلح ولا رفع راسه قال :وعليكم السلام
روان تقدمت منه وهي تقول :اقولك يالجويد تعرف وينه بيت ابو ثامر
صويلح استغرب ورفع نظره لها وسكت من شافها
روان تناظره :تكلم يا رجال تعرفه ولا لا؟!
صويلح صحي على نفسه وهو يقول :ااييه ايه اعرفه اشلون ما اعرفه بس انتي وش تقربين لهم؟!
روان :والله لو اقعد اقولك الحين وش اقرب لهم ما خلصن لين بكرة علمني وين بيتهم ابركك لي ولك
دخلت شموخ بهاللحظة الدكان وهي مو ملاحظة لروان وتقدمت و وقفت جنبها وهي تعطي الورقة المطبقة له وما تكلمت لانه في جنبها حرمة وهي ما تدري انه روان
صويلح اخذ الورقة المطبقة وقال وهو. عيونه بروان :االحين باخذتس بيت ابو ثامر تفضليي
روان :يالله بسرعة تفحمتت من الحر والله
شموخ استوعبت الصوت انه صوت روان وغمضت عينها بوهقة ما تبي تشوفها روان هنا
ولفت وجهها بشويش عشان تطلع من وراها لكن بنفس الوقت لفت روان عشان تطلع وشافت شموخ وقالت بفرحة:شمووخ؟ "وتقدمت منها وباستها" عيووني انتي اشلوونتس اخباارتس
شموخ تضحك بوهقة:الحمدلله طيبة يا قلبي انتي اشلونتس اخبارتس وشلونها جوير
روان :بيني وبينتس اليوم منفسة مدري وشبلاها لكن الحمدلله طيبة،.ما قلتي وش تسوين هنا
شموخ ضحكت بخفة:جاية اشتري لكن شوفة عينتس ما لقيت الي يعجبني
روان ناظرت الدكان:جاية تشترين وشهو؟
شموخ سكنت للحظات :عادي كتاب
روان ناظرت الكتب وجاها لحظة ادراك وشهقت وهي تقول :لا تقوولين
شموخ بصدمة:وشهو؟؟!
روان بغمزة :لا يكوون انتي هيي
شموخ:مين! ؟
روان:الشاعرة المجهولة؟
شموخ ناظرت صويلح وقالت:لااا وش انا عيون القصيد يا عيوني لا لا ابد
روان تضرب ذراعها بخفة:عليناا يا شموخوو الا انتيي صحح؟
شموخ :اقولتس مهوب انا وشبلاتس من قالتس اصلا انها انا
روان لفت لصويلح :هي عيون القصيد صحح
صويلح :ه هااه لا لا ابد مهي شمووخ صدقييني
روان :تكذبوون على من انتم شايفة الكذب بعيوونكم تراا لو ما قلتو لي الصدق الحين بعلمم النااس كلها واقولهم  انتس انتي هي "وصرخت بصوت عالي" ياا ناا
شموخ  مسكت فمها بسرعة وهي تقول :وشبلااتس انتي انهبلتيي ايه انا هي اناا بس اسكتيي
روان توسعت عيونها بصدمة من الفرحة وقالت:صدق شموخوو انتيي؟؟؟!
شموخ بهمس :رخي صوتس وشبلااتس مابي حد يدريي
روان مسكت فمها :يعني صدق انتي؟
شموخ:ايه اناا بس لا تعلمين احدد
روان:لا لا معليتس سرتس في بير
شموخ الي تعرفها لروان :ان شاء الله سري في بيير هاه
روان بحماس :طيب الحين وين بيتكم تعالي نروح وتقولين لي كل شيء
شموخ ناظرت فيها وهي متوهقة وتمنيت لو غير روان الي عرف :امشي قدامي نروح
روان بحماس :يالله
طلعت روان من الدكان وشموخ طلعت وراها وهي تتنهد بقلة صبر