شاعر لعيون القصيد

البارت 31

حيدر ولوجين قعدو فوق الكراسي ولكن بمسافة شوي بينهم وضلو ساعة كاملة وكله الساعة حيدر يعبر عن حبه لعيون القصيد ويقولها عن السنين والاشياء الي صارت له بسبب حبه لها ويقولها بكل حبب ومشاعر وبين كلامه ياخذ نفس بفرحة ويقول مانيب مصدق اني واخييرآ التقيتك ولوجين الي ما كانت تعرف ترد على كلامه الي يعبر فيه عن حبه لعيون القصيد وبداخلها تدري ان كل ذا الحب لشموخ لو هي انكرت او لا
لف لها حيدر وقال :لوجين
لوجين ناظرت فيه وقالت  :هلا
حيدر ببتسامه  حب :قولي قصيدة ودي اسمع قصيدة من لسانتس مهوب من الكتاب
لوجين سكتت بوهقة وهي ما تدري وش تقول واشلون ترقعها هي ما تعرف قصايد ولا تألف
وحيدر قال ب حب :وانا ادري القصيدة من لسانتس تكون غيير من حبرتس
لوجين بلعت ريقها وهي ساكتة
وبهاللحظة دق جوال حيدر ولوجين تنفست براحة بالصرفة
وحيدر طلع جواله وهو يقوم:لحظة شوي
لوجين:خ خذ وقتك
حبدر قام ومشي شوي عنها ورد بجواله
ولوجين شبكت يدينها ببعض وهي توها تستوعب ان في كثيير اشياء شموخ تتميز فيهم وهي لا اشلون بتصرفهم اول ما جت كان عاادي عندها ولا عليها من شيء لكن الحين بدت تتوتر وتستوعب صعوبة الي سوته

حيدر فرحاان ولا هو قادر يخفي فرحته:والله يا امجد والله انييي مييت من الونااسة عرفتها يا اخوييي واخيرآ عرفتهاا وكلمتهاا،. ولو بيدي حضنتها بعددد
امجد:ياهو بشويش بشويش خل افهم  وش قاعد تقوول
حيدر:وش الي تفهمه اقولك عرفتهاا يا امجدوو عرفتهاا
امجد :الحمدله واخيييرآ
حيدر:ايييه واخييرآ وانا اخوك والله يا اخويي قلبي تضرب بضلوعي من الفرحة
امجد :ايه زين بس ترا اتصلتت عشاان ابشررك
حيدر:هاات والله ان البشارة بتزيد البشاارة بشاارتين بشرر
امجد  بنذالة:لا تعال وبعدين اعلمك
حيدر:امجدوو قوول وشش
امجد :ما بعلمك وبسرعة ارجعع لان عمي يسأل عنك وقال ان ما جيت بعد نص سااعة جا وكفخك هناك مع الغنم
حيدر:والله ما شبعتت منهاا
امجد:بعدين تتزوجها وتشبع منها بسرعةةة تعال وبعلمك بالبشارة لا وصلت
حيدر:خلاص قفل جاي الحين
امجد:اسرع
حيدر:طيب طيب
قفل منه واخذ نفس ورجع للوجين الي قامت وهي تقول:اعتذر منك صدق لكن انا ابرجع  خالي ينتظرني
حيدر ناظر رعد الي وااقف من بعييد وهو توه يلاحظ له
لوجين قالت:لا تزعل مني بس صدق لازم ارووح
حيدر ناظر لها وقال :لا لا معلييتس اصلا انا كنت ماشي بعد لكن الوعد اني بكلم ابوي اوول ما اوصل واجي اخطبتس
لوجين قعدت تناظر فيه وهي ساكتة
وحيدر بهاللحظة لاحظ لعيونها
لوجين توترت من شافت طول النظر لعيونها:ا اشفي؟
حيدر :ليه ما حطيتي كحل قبل تجين ما تدرين ان الكحل يزيد جمال عيونتس فوق جمالهم
لوجين ضحكت بخفة
وحيدر قال:انا ماشي لكني على الوعد
لوجين ابتسمت له ب حب ولكلامه و وعوده
حيدر:سلمي على شموخ لولاها مدري شلون كنت بوصل لتس
لوجين ابتسمت ونطقت بضيق وكره لشموخ:طيب
ناظرها حيدر اخر نظرة وقال:استودعتك الله
ومشي وهو ولا وده يمشي والارض مو سايعته من الفرحة واول ما راح رجعت قعدت لوجين وهي تشبك يدينها فبعضهم وهي تدعي بداخلها انها ما تنكشف