شاعر لعيون القصيد

البارت 3

ومثل كل يوم عيد في ظهر تلقى كل واحد يطيح ورا الثاني نايم وغاطس بالنوم
اغلب الرجال والشيبان نامو وصقر مستحييل يقدر يناام غير ما دلال تهمز له رجوله ف يوم لقى الاغلب نام طلع برا ونادا على فهد وقاله نادي دلين وخليها تجي غرفة امي
وراح هو غرفة امه وهو ميت نووم
دخل فهد عند الحريم الي اغلبهم نامو بس البنات صاحيين
فهد :دلين قومي صقر يقولتس الحقيني غرفة جدة رقية عشان تهمزين له رجوله ويقولتس بسرعة لانه مييت نوم
دلال :يالله قايمة رح قوله الحين جاية
عهد ناظرت حنين بدهشة من الي سمعته
دلال تقوم :يالله بنات شوي وراجعة لكم اذا نعستو نامو يا روحي لاني ممكن اتأخر
وقامت وهي متوجهة غرفة ام جاسم عشان تهمز لصقر
وعهد همست لاختها:لا لا مو قادرة استووعب ،فوق ما اني بجي وانحبس بهاذا البييت زي السجيينة وكمان بصير خداامة لصقر واهمز له رجوله وانومه بعدد ،حسبي الله على ابلييسه بزر هو بزرر؟؟
حنين :وشفيها تهمزين رجوله وبس وشوله تتحلطميين
عهد :اجل شرايتس تجين وتتزوجينه بدالي"وضربت فخذها" يا ربييي وشصار فينيي والله رحتي فيها ياا عهد والله رحتي فيهاا وين الحلااوة ويين البسوسة انا لااززم اكل وامتن عشان يهونو ياخذوني ولا قسم بمووت
حنين :اهجديي يا بنتت ولاا بقول لاميي حدها معصبة منتس من حركتس حق الصبح
عهد وهي شوي وبتبكي :والله مقدرر هنا كل شيء ممنووع يا حنين تنفس الهوا مدري اشلون مسموح لهم انا ماابي كذا مااابي
حنين تناظر اذا في احد ملاحظ عليهم :خلاص يا عهد حبيبتي والله ما يسوا
عهد قامت من عندها وهي متضاايقة وتدري انه زواجها بعد العيد من صقرر وهي تكره صقر وتكره كل شيء يخصه لانها تشوفه انه شخص ذكوري وأصلآ مو بس تكرهه هو بس ما تبي اي واحد من هاذي العايلة

دلال تهمز لصقر :والله يا صقير ياااا البسبوسة الي تسويهاا تطيييير عقل الوااحد صدقق مدري وش تحط له عشان يطلع معها كذا حلووو
صقر مغمض عيونه وميت تعب :حلوو
دلال : بس زفتة ما تعطي وصفااتها لااحد قلك وصفات سرية مالت عليها وعلى وصفاتها ، حرتني وقهرتنيي
صقر للحين مغمض :طيب دسيتي لي شوي على جنب
دلال:ايه اكييد دسيت يا روحي اصلا اول ما جو دسيت لك متقوولة انسى اخووي نظر عييني
صقر الي خلاص ناام وبدا يشخر ،ودلال عرفت انه نام لانه ما جاوب
فقامت بشويش عشان تطلع بس سمعته وهو يقول :وين راايحة ما نممت للحين
دلال رجعت قعدت :امداك تصحى ما شاء الله
صقر :لا تقومين لين تسمعيني اشخر واتجد زين؟
دلال :طيب طيب
وكملت تهمز له وهو رجع يخر من اول دقيقة ابتسمت لشكله المتعب وهي تضحك عليه

جا اليل وصحيو الكل وبدأو يتجهزون عشان يمشون المزرعة
عهد نايمةة لانها ما نامت الا متأخر من الوقت
جت صحتها امها بصعوبة وهي تقول :قوومي يا عهد فشلتينا عند العرب مرة تاكلين وكنتس مو ماكلة من سنة ومرة نايمة نومة اهل الكهف ،قوومي ولا تفشليني زياادة قومي حسبي الله على ابلييستس
عهد عين مغمض وعين مفتح:هااه يمه هااه
ام نايف بغضب :قووميي
عهد رجعت حطت راسها ونامت بتعب لانها قعدت صاحية لوقت متأخرة وما امداها والا يصحونها
ام نايف ناظرت يمين وشمال مافي احد ملاحظ عليهم ومدت يدها من تحت و قرصتها قرصة الحارة هذيك الي كلنا نعرفها وفزت عهد من مكانها وهي تمسك مكان القرصة: ايييييي يممممه
ام نايف :ان ما قمتي الحين يا عهد والله بتجيتس الي احرر واصغر منهاا ،تفهميين
وقامت ومشيت من عندها وعهد قعدت تمسح مكان القرصة بآلم وقامت ومشيت للحمام وانتو بكرامه عشان تتوضى وتصلي الي فاتها وتتجهز