شاعر لعيون القصيد

البارت 37

جويريا الي تجهزت وكشخت طلعت برا وهي تمشي بشوييش عند غرفة سلطانه شافت عنان يلبس شماغه وسلطانه اخذت المبخرة وقعدت تبخره
جويريا بهمس : جعلل تنحرقي بذا الجمررة انتي وبنتس ام الشوشة
خلصت من تبخيره وعنان لف لها وهو يقول : ليتس كنتي تجين معنا
سلطانه ترتب شماغه :ما ودي اجي وحرمتك موجودة
يكفي بنتي تجي معكم
عنان بنظرة : سلطانة
سلطانة صدت نظرها لانه ما يرضى عليها بشيء حتى ولو مخطية
وجويريا ابتسمت
وعنان لف وجهه وطلع برا الغرفة
وجويريا تخبت بسرعة وما شافها وبعد ما تاكدت انه نزل تقدمت وقفلت الباب بالمفتاح وهي تقول : انا اوريتس يا لوجينوو بنت المسلطة اجل تبين تسرقين من بنتي فرحتها والله ما تِوليين في الي سويتيه
ومشيت تجاه غرفة لوجين الي كانت لابسة ومتجهزة خلاص اول ما فتحت الباب لفت لها
وجويريا رفعت حواجبها بدهشة وهي تناظرها من فوق لتحت :والله ؟ ما على كشختس كلاام متكشخة من قلببتس
لوجين صدت وجهها عنها
وجويريا تقدمت وهي تناظر فستانها : بس تدرين ما عجبني ذا الفيونكة كنتس بزررة
لوجين اخذت نفس بقلة صبر من تعليقاتها :
وجويريا مدت يدها ونزعت الفيونكة بعنف : الحيين صارت حلووة
لوجين شهقت من الصدمة : انتي مهبوولة؟؟!وش سوييتي؟؟!
جويريا :اص لسه ما خلصتت
لوجين بعدت يدينها عنها : بعدي يا مهبوولة
جويريا غصب عنها قعدت تسحب الفستان ولوجين تحاول تبعد يدها عنها وهي تقولها مهبوولة بعديي وانشقت الفستان شقة كبييرة
ولوجين شهقت بصدمة : وش سوييتي انتيي؟؟!!
جويريا ضحكت: والله جت من الله كنت بشقها شوي شوفيها وشلون صاارت ههههه
لوجين ناظرتها وهي مصدومة ودفتها بعصبية : بعديي يا مهبوولة
دخلت شموخ بهاللحظة بعد ما سمعت اصواتهم ومن شافتها دفت امها كذا تقدمت بسرعة وهي تقول بدفاع : هييه سلااماات
وجويريا ماسكة ضحكتها
وشموخ اول ما شافت فستان لوجين جتها ضحكة:لوجين انتي وش لاابسة؟؟؟!
جويريا تناظرها وهي تضحك:مررة حلوو صحح؟
شموخ بضحكة :وااجد
لوجين نتظرت لهم بعصبية وهي منقهرة على فستانها : انا اورييكم "ونادت بصوت عالي "يمممه
جويريا : ناديها يا عيوني قد ما تبيين ناديهاا ما بتسمعتس صدقيني
شموخ ناظرت امها الي مخططة لكل شيء من قبلل
جويريا تذكرت حاجة وقال بسرعة:وي وي نسييت حاجة تعالي بنيتي
ومشيت عند لوجين ومسكتها من ورا
وشموخ مستغربة: وشهوو؟!
جويريا :سويلها مكيااج وشبلااتس
لوجين تحاول تفلت من يدين جويريا : بعدي عنيي منتيي صااحيية انتيي
شموخ الي تحمست مع امها و تقدمت وهي تاخذ روج احمر وتقربه من شفاه لوجين:خليتس ثابتة بنسوي لتس مكيااج يهببل
وقعدت تحطلها روج احمرر وكبرت شفايفها بالروج
وبعدها مدت يدها واخذت الايلانر وحطت لها فوق شفايفها حبة خال كبييرة: وهاااذا عشاان العين والحسد ههههههه
لوجين بعدت جويريا عنها
وجويريا اول ما شافتها قعدت تضحك : امبييه هاذي لوجيين ما عرفتها صدقق
شموخ :ههههههه
لوجين ناظرت لنفسها بالمراية وشهقت لما شافت نفسها بالمراية
شموخ:والله يمه بردتي قلبيي عليهاا
جويريا رفعت المفتاح وهي تقول : يالله نمشيي
شموخ وسعت عيونها بصدمة وضحكة لان الواضح قفلت الباب على سلطانه بعد
وطلعو من الغرفة وجويريا قفلت الباب ورا لوجين بسرعةة وشموخ تضحك
وسرعان ما جاهم صوت لوجين وهي تناديهم عشان يفتحون الباب
شموخ فطست ضحك: يمه تكفيين والله تذكرت ساندريلا لما زوجة ابوها نزعت شكلها عشان ما تروح الحفلة ههههههههههه
جويريا :امحقق ساندريلا والله هههههه
سمعو صوت عنان ينادي من تحت: يالله يا بناات بسرعةة تاخرناا
جويريا ناظرت الدرج :انتي روحي جيبي عبايتي وعبايتس وتعالي انا بروح الهيه لا يحس عليهم بس
شموخ ابتسمت : ايه زين يالله روحي بسرعة
جويريا نزلت بسرعة وهي تقول : هااه هااه جاايين
عنان رفع نظره من صوتها لانها خلال الايام هاذي كانت تصده ولا تتكلم معه ابدد ومن شافها وقف بمكانه من كحلها وفستانها وشعرها الي طويل لين ظهرها وريحة العود الي سبقتها
جويريا لاحظت لنظراته الي كانت نفسها نفسها اذا شافها متكشخة ما تغيرت نظراته ابدد
وهي تقدمت وهي تقول :يويل حالي تاخرناا وااجد يا شمووخ بسرعةة
وتناظره بطرف عينهاا نظراته مثل ما هم وابتسمت وهي تقول ليت المسلطة موجودة وتشووف
بهاللحظة سمعت صوت سلطانة من فوق تصارخ وتقول افتحو لي البااب
عنان عقد حواجبه :صوت مين ذا؟
جويريا بسرعة تقربت منه وهي ترتب ثوبه وتلهيه : لا صوت محد هاذي قطوة معليك محد يا عيوني انتت رح السيارة وانا وشموخ لاحقينك تماام؟!
عنان مستغرب منها وبنفس الوقت مو مدقق :هاه،. ايه طيب رايح السيارة تعالي بسرعةة
جويريا : ايه رح انت معليك جايين
طلع عنان وجويريا لفت للدرج وهي تقول اشوا كانت بتفضحني بنت الذين ونادت:يا شمووخ
شموخ وهي تنزل : هاه جيت جيت
جويريا : بسرعةة بغينا ننقفطط
شموخ عطت لامها عبايتها : هاتس يالله
جويريا قعدت تلبس وهي تضحك ب نصر:تستااهلون يا كلاب