شاعر لعيون القصيد

البارت 14

دلال تحوس بالحوش وتسقي الزريعة وشوي تلعب قاطع لعبها وحوستها دق الباب ونطت بحماس وهي تقول :مييين
رغد :انا اختس رغد افتحيي
دلال صدت بوجهها :يا لييل يا رغيد وش جابتس انتس
رغد:افتحي البااب علاامتس انتي
فتحت لها دلال بسرعة وهي تنطق بترحيبة :هلا والله برغيد حبيبة قلبيي نوورتي انتي والعفاريت
رغد تبوسها:اهلين فيتس يا بعد قلبي
دلال :رجلتس ما بيدخل اقفل الباب
رغد:ايه ايه قفليه مشى
دلال:طيب
دخلو رغد ودلال ومعهم عامر ولين ،وسلمو عليها الكل بحرارة ورحبو بها خاصة انهم ما شافوها بعد العيد ما قعدت حيل عشانهم مشيو المدينة وهي ما قدرت تروح معهم ورجعت بيتها
بعد ما سلمو على بعض وسألو عن احوال بعض
لفت رغد لسارة ببتسامة وهي تنطق:مبرروك يا سوير سمعت عن خطبتس، والله ونعم فييه ما ينعااب الف بنت تتمنااه
سارة ابتسمت ابتسامة خفيفة ونطقت:الله يبارك فيتس
ام عادل ضحكت بخفة :وانتي صادقة ياا رغد ما ينعاب وينشرا بالذهب والله
رغد وهي تاخذ الفنجان من يد عهد:وانتي اشلوونتس يا عهد اخبارتس علومتس
عهد ابتسمت:الحمدلله يا رغد طيبة من شفتس
رغد :بسالتس صقر موجود؟
عهد :ايه موجود وشتبين منه
رغد:والله بغيت اروح السوق واحترت وين اخلي عيالي قلت اجي عندكم واخليهم واروح وارجع
دلال :اهااااه الحيين عرفنا ليه جيتي، جيتي عشان تروحين السوق مب عشاننا
رغد :لا والله بس يعني ما يحصل فرصة اخليهم مع احد
عهد :ابشري الحين اعلم صقر وياخذتس السوق
دلال :من الحين اقولتس عيالتس ما امسكهم انا
رغد :معليه اختي حبيبتي شوق تمسكهم
شوق :لا والله ما امسكهم مسكتهم اخر مرة وشفتي وش صار فيني من وراهم اعدمو ثوب ابوي الي توني مغسلته وكليتها من ابوي بعدين
رغد :انتو الي يقولون عنهم خوات رغد الحين؟
عهد ضحكت:معليتس انا امسكهم روحي يا قلبي
رغد الي تعرف بزرانها وتدري ما يقدر عليهم احد:لاا وش انتي تمسكينهم ما بتقدرين عليهم
عهد :لا انتي روحي وتسوقي يا بعد قلبي وعيالتس بخليهم عندي معليتس
رغد :والله انتس جوييدة منتي مثل خوااتي الله لا يرزق احد بخوات مثلهم، امحقق خواات
دلال :صدقيني يا عهد بيجلطونتس
عهد :لا ان شاء الله ما بيجلطوني ، انا قايمة اخبر صقر
رغد :يالله دلين وشوقو غطو عيالي لا يشوفوني وانا طالعة
دلال قامت وهي ترقص وتغني مع لين عشان تاخذها الغرفة وشوق قامت لعامر وهي تقول مين حبيب الخالتوو
وقامت ام جاسم تلبس عشان تروح مع بنتها

وعهد واقفة برا وتحتري صقر
جا واخيرآ وهو مستغرب ليه تناديها :خير يا عهد تتاديني ،انتي طيبة؟
عهد ضحكت من خوفه:ايه الحمدلله طيبة بس بغيتك
ابتسم صقر:أأمري
عهد :ما يأمر عليك الظالم ،،بس اختك رغد توها جت وتقول تبي تروح السوق وتبيك تاخذها وجيت اعلمك اذا بتاذخعا
صقر :ما شاء الله ما شاء الله متى جت
عهد:تو قبل شوي
صقر :قوليلها ابشريي باخذتس السوق من عيوني
عهد ابتسمت ومشيت تخبر رغد
وبعد دقايق طلعت رغد مع امها ورغد سلمت على اخوها الي ما شافته من اسبوعين وخذو اخبار بعض وصقر مثل عادته يمزح وياخذ ويعطي بالكلام بضحكة وبسمة وبعدها حركو للسوق
وحيدر قاعد بالمجلس مع ابوه الي منتظر له على الزلة عشان يهبده
وحيدر يدعي بداخله انه جده يجي بسرعة عشان يروح المزرعة مع صقر ويبدا التدريب