شاعر لعيون القصيد

البارت 29

دلال دخلت على عهد وهي تحط اغراضها بالشنطة :عهدوو ويينه الشعار
عهد بلا مبالاة :اي شعار
دلال :شعااار جدتيي شعار الهلال الي امس هددتيني بتاخذينه والحين ضايع اكيد انتي خذيتيه
عهد تضب الاغراض:مدري وينه
دلال :والله لو ما علمتيني يا عهد ما يحصل خير
عهد :زين
دلال ناظرت الشنطةة ولمحت عطر الوردي الي غالية بنسبة لعهد واخذته وهي تقول بنذالة:بتعلميني ولا ابكسر هااذي
عهد ناظرت واول ما شافت العطر بيدها فزت:هااتيه يا دلين والله يا ويلتس لو تنسكرر
دلال :هااه بتعلميني الحين ولا لا؟؟!
عهد مترددة:خلص بعلمتس بس حطيه انتي
دلال :والله لو ما تعلمنيي يا ويلتس
عهد :رجعييه
دلال مدت يدها ورجعته وعلى طول عهد اخذته وهي تقول :ضفي وجهتس بس مانيب معلمتس وينه
دلال عصبت ومسكتها من شعرها وهي تقول :والله بتعلميني وغصب عليتس قوليلي يالله ويينه قوووليليي
عهد ماسك شعر دلال بعد :فكيي شعريي يا زفتة فكييه
دلال :بتعلميني ولا لاا
عهد :خلاص بعلمتس بعلمتس
دلال :يااله قوولي
عهد :حطيته في درج المطبخ مع المعالق
دلال :تكذبين عليي
عهد:والله محطوط هنااك
دلال :زين فكي شعري
عهد:انتي فكي قببل
دلال :نفك اثنينا مع بعض يالله واحد اثنين ثلاثة
محد فك شعر الثاني
عهد :عرفت مابتفكين شعري عشان كذا ما فكيت شعرك
دلال :يا زفتةة
دخل صقر وشافهم بهالمنظر وتروع:هيه هيه وشبلاكم انتم على شعور بعض
دلال :والله هي بدت يا صقر دست الشعار حقتي
عهد :اييه بس ما تدري ليه دسييته هاذي لها سالفة طوييلة عرييضة
صقر:بسرعةة فكو شعور بعض
دلال فكت شعر عهد من يدها وعهد فكت شعر دلال
عهد :شايبي اسمع والله
دلال قاطعتها:لا تكذبين بالكذوبة وتزيدي حطب اسمع صقر امس كنت جاي ابعلمك ان عهد تطلع ثوبك من الدولاب وتشمه لكن هي هددتني ان علمتك بتاخذ الشعار وانا ما علمتك وهي راحت دست الشعار
صقر الي علمته دلال السالفة حق الثوب من امس بس سوا نفسه ما يدري
عهد :شوفو شوفو الملاعين الاخت تكذب والاخ يمثل ترا سمعتس وانتي تعلميينه
دلال سكتت بوهقة
وصقر كتم ضحكته وقال:يالله خلاص اشفيها لو تطلع ثوبي وتشمه يمكن مشتاقة لي
عهد ناظرت صقر
دلال :ايه شفتي ما فيه شيء
عهد سكتت لوهلة وهي تناظر دلال وقال :شايبي اسمع على ذا الكلام فيي وحدةة قبل فترة غسلت ثوبك بالكلور وبعدها رمته ولا من شاف ولا من دراا
صقر رفع حاجبه لدلال
دلال توهقت وقالت :ترا هي كانت معي بعدد
صقر ناظر عهد الي توهقت
صقر يناظرهم :ثنينكم من تحت لتحت لكن خليها مستوورة
عهد :معلينا شايبي بكرة متى ماشيين؟؟!
صقر:باذن الله بعد الفجر
عهد :والله مو مصدقة متى نحركك ونكون لوحدناا بعيد عن الناس الفتاانه
دلال :ما الفتان الا انتي هاه
صقر :يالله انا داخل اتروش طلعي دشداشي
عهد:ابشرر
دخب صقر الحمام وعهد مشيت من دلال وراحت تطلع له ثوب وبعدها دلال طلعت من الغرفة

بعد ما مشيو من عند بيت ابو ثامر راحو دكان صويلح عشان حيدر يشوف في قصيدة لعيون القصيد ولا لا لكن خاب امله وما كان فيه
امجد :اثقل يا رجال اثقل
حيدر:والله الثقل ماهوب لي خفيف وراضي اني خفيف لعيونها لو الحب بالثقل ما كان حد يحب
امجد:بعدين مو انت قلت هي تصير خوية بنت عنان يعني اكيد انشغلت معها
حيدر:وانا اقول كذا كمان
وناظر القصيدة الي بيده اخر قصيدة نشرته عيون القصيد
امجد ضحك :يقولك من راقب الناس مات هم
حيدر:وانا ما متت الا حب
امجد :امش امش بس منتى بصاحي
حيدر:انت وين بتروح
امجد :بروح اتطمن على ياسر
حيدر:اجي معك؟
امجد:لا لا انت رح الاسطنبل وبعدها ارجع البيت وانا بروح عند ياسر اتطمن عليه
حيدر :طيب
مشي امجد عند ياسر وحيدر رجع الاسطنبل وهو متفائل للمرة الثانية انه قريب بيعرفها